.. خــــــلاص ..!!

[نواف حمود الشمري]

[align=center]
.











لا أجيــد المقدمات ..





.
.




( خــــلاص )













والله مامـلّت عــطانا سـواعدنا
.................................. بس الزمـن من قسـوته مايخلينا



لاصار عن ضحكة جمانا مجردنا
............................. وشلون نضحك له وهو شامت ٍ فينا



لاالدرب ياسعنا .. ولاالصبر فايدنا
............................. وش عندنا نعطي على شان يعطينا



ياوقت عيد آمالنا معــْك أو ..عدنا
................................. شف حل ترضابه علينا .. ويرضينا



هاذيك غايتنا .. وهذا انت شاهدنا
.................................. وهذي مراكبنا .. وهذي شواطينا



امــّـا تخلينـا ولا عـاد تجهدنا
....................................والا ّ تـجي معنا وتبقى مصافينا



دام الطريق اللي بغيناه .. جـاحدنا
.................................... ودام الطريق اللي كرهناه باغينا



وش مودع الايـام تهـوى ملاودنا ؟!
................................... والوقت .. وش علمه علينا معادينا ؟!



لا يالجفاف ارفق بنـا .. لاتـراودنا
.................................. حنــا خـلاص اللي جنيناه يكفينا



العمر يبذرنا تـعب وانت تحصدنا
................................... والصبــر الى منـّا مسكناه يلوينا



ان كنت تروينا ظما .. لاتساعدنا !
......................... .........وان كنت تحيينا شقى .. ليه تحيينا ؟



تسقي نهايتنا .. وتهدم عـمايدنا
.................................... وتمحل حكايتنا .. وتجدب أمانينا



شبنا ولاملت عـطانا سواعدنا
...................................... بس الزمن من قسوته مايخلينا








نواف حمود الشمري


.[/align]

[الغريبة]

الله يعين يا نواف



صح قلبك

ولا هنت

ولك اجمل تحيه من الغريبة

[سلطان الشمري]

[align=center]شبنا..ولاملت عطانا سوعدنا..



نواااااف الحمود..




جـــــــــنــــــون الشعر...


ان كنت تروينا ظما .. لاتساعدنا !
......................... .........وان كنت تحيينا شقى .. ليه تحيينا



الله الله على الروعه..........تقاسيم تجبرني على الوقوف..


مـــــــــطولاااااا



صح لسانك..وربي الشعر...جنون..

والجنون فنون..



دمت بخير..

لم ارتوي بعد..ولكن لي عوده..



دمت بحب...ياغالي.. [/align]

[خلود البراري]

[align=center]



لاالدرب ياسعنا .. ولاالصبر فايدنا
............................. وش عندنا نعطي على شان يعطينا



ياوقت عيد آمالنا معــْك أو ..عدنا
................................. شف حل ترضابه علينا .. ويرضينا



هاذيك غايتنا .. وهذا انت شاهدنا
.................................. وهذي مراكبنا .. وهذي شواطينا



الله عليك ياااارائع




صح قلبــك \ بوحك \ روحك



كنت على ثقه باني سأجد الابداع هناااااا




سلمت ياشاعرهاااا[/align]

[شموخ]

بس الزمن من قسوته مايخلينا

ماشاء الله عليك كل يوم ابداع جديد وقصيده مذهله

نواف

صح لســـــــــــــــــــــانك وتسلم يمينك على هذه الرائعه .

لاتطول الغيبه ولاتحرمنا من هالابداع .

تحياتي لك اختك
شموخ

[عقاب النهار]

[align=center] اخوى الغالى


صح السانك مليون



وتسلم على الرائعه



وتقبل تحياتى


اخوك[/align]

[عبدالله المهيني]

[align=center]
.




لاالدرب ياسعنا .. ولاالصبر فايدنا
............................. وش عندنا نعطي على شان يعطينا



ياوقت عيد آمالنا معــْك أو ..عدنا
................................. شف حل ترضابه علينا .. ويرضينا


نواف حمود الشمري


.[/align]

[align=center]
نواف انت تقول انك ماتجيد المقدمات



انا يا نواف لا أجيد التعبير

ودائماً ماأقصر في حق الروائع

وهذه إحدى تلك الروائع المقصودة

صح لسانك يالرائع[/align]

[ضحوي الاسلمي]

[align=center]عندما يكون














الشعر كهذا















فهو لايحتاج الى مقدمات









مازلت متميز ....... وستزال







الف صح قلبك




اخوك



ض
ح
و
ي


.[/align]

[عبدالله الجعيثن]

[frame="1 80"][align=center]نواف

صح لسانك ياذوق

قصيده فعلا لاتحتاج الي مقدمات

فأنت من الشعراء الذين تفتخر بهم مضايفنا

رائع عندما تتواجد

وعذب عندما تكتب

وجزل عندما تنشر

لاهنت يالغالي[/align][/frame]

[بتول آل علي]

[align=center]
المعطاء

نواف حمود الشمري


الغائب حضورا ،، و الحاضر غيابا !!!

نواف الروعه


" تجري الرياحُ بما لا تشتهي السفنُ "


،،،، فــ

" خلّها ترسو المراكب .. حتى لو غيرك ضفاف "



دمتَ بجمالك

الدهور[/align]