[align=center]بسم الله الرحمن الرحيم
الشاعر / عبدالرحمن صالح البطي .. من شعراء القصيم / الرس .. شاعر له شخصيته المرحه .. معروف بالتلفزيون وبالاذاعه الرادو ..
قرات له قصائد كثيره وجميلة .. وقصائد بعضها طريفة وانا من الي انكتب لهم احد قصائد الشاعر عبدالرحمن البطيء
قابلته في احد المنتديات .. ومن فتره طويلة وانا مع هذا الشخص .. حاول يجمعنا كاعضاء في المنتدى واجتمعوا اغلبيتهم الا انا وكم واحد ماسمحت لنا الظروف ..
الكل يحب هالشخص الكبير .. شخص مرح جدا ومحبوب عند الكل .. مااحد كرهه ولا احد حقد عليه الكل يتمنى انه يلتقى بهالشخصية العظيمه ..
جاني خبر اصابني مثل الصاعقه .. خبر وفاة الشاعرقبل اسبوعين في حادث انقلاب على طريق الرس ..
وتوفى الله يرحمه .... كثير من الناس اعرفهم تاثروا لوفاته .. كتبوا فيه مرثيات كثييييييره جدا .. وكان من بين المرثيات مرثيه الشاعر / ناصر الشعلان .. احد زملاء الشاعر عبدالرحمن رحمــة الله عليه ..
وهذي الابيات المكتوبة بالشاعر رحمة الله عليه ..[/align]
[poem=font="Simplified Arabic,4,white,normal,normal" bkcolor="transparent" bkimage="" border="double,4,white" type=0 line=0 align=center use=ex num="0,black"]
رحت المكان اللي نجيله بالامطـار=أنا (وأبو صالح ) حميد الخصايـل
سمعت تغريد الحزن فوق الاشجـار=الطير تسأل عن صـدوق الفعايـل
ردت بي الذكرى وانا حيل محتـار=وتسابقت عبـرات عينـي همايـل
مشيت مهموم ٍ واهوجس بالاشعـار=ولقيت نفسي بيـن طابـه وحايـل
ضاقت بي الدنيا ومع طول الافكار=ناجيـت رب ٍ مايـرد الدخـايـل
يا الله ياللـي خالـق ٍ جنـه ونـار=يا جاعل ٍ .. خلقه شعـوب وقبايـل
ياواحد ٍ بيديـه تصريـف الاقـدار=يارب .. يامنشي احقـوق المخايـل
اجبر عزانا ياإلاهـي بمـا صـار=والطف بنا مـن كايدات..الهوايـل
(يا صالح) ادع وناج ربك بالاسحار=يغفـر ذنوبـه والخطاءوالزلايـل
وحنا معك ندعـي كريـم ٍ وغفـار=يبـدل السيـه بحسـن العمـايـل
ابوك رجل ٍ يكرم الضيف والجـار=وابـوك لاجيتـه يشيـل الثقايـل
دايم (وابوصالح) لنا وافـي ٍ بـار=اللي تعلـى فـوق روس الطوايـل
ابكي وببكي وانثر الدمـع مـدرار=و(دار الحزم) تبكي عريب السلايـل
ياالله عسى مسكانه ابـدار الابـرار=باذن اللي لبيته .. تشد .. الرحايـل
مابين حور ٍ عين واشجار وانهـار=والانبياء .. والسابقين .. الاوايـل
رحل ولكـن باقـى ٍ منـه تذكـار=لاهل الوفاء .. والتضحيه والجمايل
موته( قدر) ومانعترض حكم الاقدار=الموت.. حق وكل هالكون..زايـل
وصلاة ربي عد ماطايـر ٍ طـار=على نبـي ٍ حـاز كـل الشمايـل
[/poem]
[align=center]الله يرحمك يابو صالح ..[/align]
رد مع اقتباس
مشرف مضيف الترحيب والتعارف
المفضلات