[align=center]
الأعزاء
[glow=FF3300]راعي الوقيد
ريم شمر
زهور النور
أبو غازي
مرفأ
عبدالرحمن
متعجب
حمود العنزي
محمد العربي[/glow]
جزاكم الله خيرا و جعلها في موازين أعمالكم
و رحم الله الفقيد و أسكنه فسيح جناته
رثائيات في الفقيد - رحمه الله -
::
::
للشاعرة : عبير بنت أحمد
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وهـو بـاقي صـباح ٍ نـلتقيه ؟!=و هـو بـاقي مساء ٍ به سبات ؟!
وهـو بـاقي أحَـد نـبكي عـليه=عـقب ما ماسح الدمعات مات ؟؟!
سـميح الـوجه .. نصّاح السفيه=رهيف الحِس ّ .. ممدوح الصفات
أبـو صـالح .. وتـتحدَّر وجـيه=أبـو صـالح .. وتـنهدّ الـجهات
أبـو صالح .. يا راع ِ الطيب ليه=تروح وبسّ ؟! ... تتركنا شتات !؟
لـو اْيـباع الـعمر .. لك نشتريه=و لا أنّـك تـبْدِل الجسم ب رفات
يـجوز الـصبر مـقدور ٍ عـليه=ولـكن كـيف نقوى الذكريات ؟!!
خـذاك الـموت .. واحنا نحتريه=مـعـاد ْالـنـا بـهالدنيا حـياة
عـسى الـلي لـمّنا بـالحب فيه=يـجـمّع شـملنا بـعد الـممات
مـع الأبـرار .. هـذا اللي نبيه=يــارب الـكون نـطلبك الـثبات
وهـو بـاقي أحَـد نـحزن عليه=عـقب مـا مبهج الأفراح مات ؟؟[/poem]
*************
للشاعر : محمد المويعزي
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قالوا: توفى. قلت: لازاااال.. موجود=مامات من نذكر سواياه .. مامـــات
مامات راع الطيب لو كان .. مفـقـــود=(راع العنود) وبيننا كل الاوقـــــات
نذكر سواليفه والاخلاق .. محمـــود=يضحك حجاجه لو همومه ثقيــلات
راع الوفاء دايم له الطيب معــــدود=لاروّّحت جزل السواليف وان جات
الشاهد الله كل ماقــيـل .. مشهــــود=ومدونه وسط القلـــوب الحزينــات
ليت القدر يومه نوى كاسب الجــود=عطاه مهله لو (لعشـــرة سنـــــوات)!!
نجلس معه ونبادله (حــــب) ونعــــود=نملا العيون وجلسةٍ معـه مـــرات
يالله وانا طالبـــك ياخيـــر معــبـــــود= تغفر ذنوبه والسهو والخطيـــــات
وانك تصبّر والديـنـــه .. ومولـــــود=وتسكّـنـه وسط الجنـان الرفيعــات[/poem]
**********
للشاعر : أحمد الناصر الأحمد
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من رثيتك مارثيت الا الرجولـــــــــــه= ومن بكيتك مابكيت الا البيـــــــاض
من قريت الصدق بعيون خجوله= قلت جاك الغيث ياجدب الفياض
مافقدك أهلك وربعك والحموله= فاقدك عاااااااالم ومثلك مايعاض
كرمك ربي وصرت بحجم دوله=يوم بعض الناس في حجم الأراض
يالهي يامجيب من دعوا له=تجعله بالقبر مرتاح وراض
ياالهي جعل فردوسك نزوله=بين حور وبين انهار ورياض
يابوصالح مارثيت الا الرجوله= يابوصالح مابكيت الا البياض[/poem]
*************
للشاعر : عبدالله الدواس
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياعين هلي واذرفي لين تعمين...=وياقلب دمك في فضا العين هاته
يلعنك عين إن مابكيتيه ياعين...=ويلعنك قلب إن ماانفطرت لوفاته
ياميمتي تكفين تكفين تكفين...=خليني أبكي كني إحدى بناته
هذاك لو ببكيه يايمه سنين...=والله ثم والله ماالحق جزاته
ياميمتي في موتته من يعزين...=ياويش أسوي لاطرت لي حياته
أخوي أبوي اللي على العسر واللين...=رفيقي اللي ماتبدل صفاته
ياوقت دونك دمعتي ياملا الشين...=ليته بكى موتي ولاابكي مماته
واشق عيني كنها فوق سكين...=يوم إنهم جابوه وألمح عباته
حطوه قدام الجموع المصلين...=واطي فمي يوم شبت لهاته
وشالوه ياويلي على القبر ناوين...=يوم المطوع تم وأوفى صلاته
ويوم اسدحوه ولبنوا فوقه الطين...=ياميمتي مرت علي ذكرياته
وهلوا عليه من الترايب وأنا بين...=ضيق وبكى مايبكينه خواته
ضليت واقف والخلايق مقفين...=أبكي على اللي ساعة الحق جاته
ولولاي خايف بس ينقال مسكين...=لااسهر على قبره وأقبل مباته
يالله يا منزل تبارك وياسين...=ياللي رضينا في قدره وسواته
تفتح بدال الباب يارب بابين...=من جنة الفردوس وأحسن ثباته
واسقه من الكوثر ولفه رياحين...=ونقه من ذنوبه وطهر رفاته
يارب يسر له مع العسر يسريين...=ووسع عليه القبر يارب وآته
لطفك وعطفك ياإلاه الثقلين...=ضيفك وحقق يالكريم إمنياته
ياميمتي لبكاي لاعاد تبكين...=ياميمتي ماعاد قلبي حصاته
هذاك له بالقلب يايوه ثلثين...=ياكثر مااحبه ومااكبر غلاته
راح وتركني للقهر وأقشر البين...=راح وبقت لي ضحكته مع سماته
يمه مبين الحين والحين والحين...=اذكره واذكر لفته في عباته
وشلون مايبكين يايوووووه يبكين...=لو كان وخزٍ بس يجرح وطاته
ياميمتي خلين تكفين خلين...=خليني أبكي كني إحدى بناته[/poem]
******
للشاعر : سعود العازمي
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
علم ٍ لفاني زود اليوم همي =وزداد حزني في بلاوي ازدحامه
والدمع من عيني نزل به دمي =والحزن زاد وبنيا(ن) خيامه
هليتبه لو كنت سارح بهمي =هل ٍ هلابه عدوبه الغمامه
وعداد ما عشبن قيامه تزمي=وعداد مادونه حزوم ٍ تزامه
وبيات شعر ٍ وصلن اليوم يمي=وبديت من جرف ٍ تهايل هدامه
ان كان دمعك فوق خدك يزمي =دموع عيني مسقيات الحيامه
سيلت من دمعي ثلاثين جمي =قلبان تيما محسبا ٍ مقامه[/poem]
*********
للشاعر : وبل الحيا
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
علمٍ لفاني كدر البال تكدير = ضيق علي اللي وسيعٍ فججها
اونس بكبدي مثل ضرب الشواطير = زودٍ على ونات قلبي زعجها
خلا هموم القلب ورد ومصادير = ياكبر همي يوم حزني ولجها
جاني خبر ماشفت فيه التباشير = يالله يالمعبود قرب فرجها
قالوا توفى والسبب حادثة سير = من بعد زين الحال جاها عوجها
مات الذي بالقلب شانٍ تقدير = ذي سنة بالخلق نصعد درجها
مرحوم ياللي سيرته كلها خير = والهرجه الشينه حشى ماهرجها
ابٍ واخ ولفتته دايماً غير = والنية القشرا حشا مانسجها
يالله باللي في يديك التدابير = جنبه نارك وابعده عن وهجها [/poem]
*********
للشاعرة : رجون
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من بياضك تشرب السحب البياض=ومن كرمك الغيث نقصه فيه زود
مااحيطك غير من باب افتراض=دون وصفك قاصره كل الردود
ياربيع الحب والبركان فاض=وانسكب جمرات من فوق الخدود
في غيابك تبكي انوار الرياض=تنتشر ظلما على نزف الكبود
كل نجد بقلب واحد مستهاض=تحضنك دعوات وترشك ورود
هي سهام الموت رمية وانقضاض=والحبارى ريشها وهم الخلود
آه يا دنيا نقاها بانقراض=وش تبي منا عقب راعي العنود ؟[/poem]
**********
للشاعرة : غيداء
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مسحت الدمع في كفي لقيته في حمار الدم= وانا لوني بكيتك دم محاااال اجزاك معروفك
يابوي انت يااستاذي ياخوي وانت خال وعم= انا مومصدقه اني بعد ذا اليوم مااااااااشوفك
انا لاجت0 رساله0 منك توجهني0 اقلك0 سم= لقيت الصدق والنخوه وحب الناس بحرووووفك
فقدتك ياكثير المدح0 فقدتك ياعديم الذم= عسى ربي يبدل بالجنان وبالهنا خوفك
وغيداء0 من بعد فقدك يابوها غارقه بالهم= ولايوقف نزيف الدم من عينه سوى كفوفك
احطت بكل هالعالم0 صحاري مع فضا ويم= ولكن انت يااستاذي عجزت احيط بوصوفك
يابوي انت يااستاذي ياخوي وانت خال وعم= انا مومصدقه اني بعد ذااليوم مااااااشوفك[/poem]
**********
للشاعر : عبد الله الحبيشي العمرو
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فمان القبر واكفانٍ من الرحمات منسوجة= قلوبٍ كلّها تمشي معك وتزاحم أكفانك
دموعٍ مع بياضك يا شعار الطيب ممزوجة=سكنت قلوبنا واسكنتنا في معظم أركانك
على كثر القلوب اللي نَعَت فقدك لها روجة=كأنه ما بقى مخلوق ما يبكي لفقدانك
كأن الأرض تشكي يتْمَها والناس مخلوجة=كأن الطيب مات آخر هله بعدك على شانك
أبو صالح :عنودك في ربوع الحزن مسروجة= تنازعنا بخفقات الصدور و ثقل ميزانك
كفانا ما ورثنا من بقايا طيبك و نُوجَه=على هاك البياض نعيش ونعايشك بازمانك
عسى الله يغسلك بالغيث والرحمات وثلوجه=عسى الله يبدلك قصرٍ من الغفران بجنانك
لك الدعوات و اللوعات والدمعات مزعوجة= كفوفٍ ترتفع لك بالدعاء باعماق صدقانك
فمان الله واعرف إن القوافي فيك مفلوجة= فمان الحب والرحمات عطرٍ ضج باكفانك[/poem]
::
::
و ما هذا سوى فيض من غيــــــــــــــض مما قيل في الفقيد أبو صالح
- رحمه الله و أحسن مثواه و أبدله بآخرته خيراً من دنياه -
::
::
::
الدهور[/align]
رد مع اقتباس
المشاركة الأصلية كتبت بواسطة المخاوي
المفضلات