هذي قصيدة صقر النصافي عندما كانو متوجهين لحدا العربان ومعهم ولد يقال له علي .
علي هذا تركهم يوم انهم كانو نايمين قريب من العرب علشان يجونهم الصبح وهم معهم بضاعه ودهم يبيعونه على العرب وكان صقر وربعه ما يبون احد يعرف بجيتهم الا لامنهم دخلو العرب والله العالم انهم كانو مقبلين على عيد.
المهم هذا علي سرق نفسه باليل وراح يم العرب والا صايرن عندهم عرس ورقص على كيفك. جلس يناظر للبنات الي يرقصن وشافوه اثنين من العرب من النوع الي يدور العلو .
قالو له تعال يا ولد اقلط, يالله انت حيه, وش اسمك ؟ قال علي : ايييييييه علي ؟ والله والنعم . يا ورع صب قهوه لعلي . اين من البنات اعجبتك قال ام الدناديش وكانت حاطتن له دناديش يطرف شعرها .قالو اييييييييييييه.... المهم وش لكم بطويلته قامو ينشدونه الين جاب ما بطنه .
ورجع لربعه وناااااااااااااااااام.
ثاني يوم يوم اصبحو والا كل العرب تعرفهم اييييييييييييييه.
فقام انت ياصقر وقال هالقصيدة ينصح علي واتمنى انها تعجبكم:
ياعلي خل العيد لأم الدناديـش
اللي تنظف كل يـــــوم جسدها
تغي تماري ناقضات العكاريـش
في كل ملفاح تنقض جعـــــدها
العيد عيدالله ولو فات حتـــيش
من حسبة ايام يمــــرك عددها
نبي نعلمك المساري على الجيش
تمشي ذلولك لين يفتر جهــدها
خابرك مانتب ضاري للمــطاريش
نبيك تونس حلوها من نـــكدها
ليله على مسرى وليله مغابـيش
وليله نخلي نومها لمن رقــدها
وليله على تمره وليله على عيش
وليله نوكلك اللحم صيد يـــدها
ياعلي لاجيت العرب لاتـــجي تيش
خبل ليا جاب السوالف ســـردها
إحفظ لسانك لا يجي فيه تبــطيش
تصبح عيونك كايدات رمــــــدها
يجيك من يـــنشدك نشدة تكديش
يبي يســـــــنع هرجة يعتمدها
خله يقوم مفلت في يده ريش
يروح منك وحاجته ما وجدها
ترى دعابيل الخبول الفوانيش
تبدي بما فيها ولا احد نشدها
يجيك واحدهم يورش توريش
سحابته يسبق مطرها بردها
واللي لغمقات السوالف مناقيش
قراية الكلمة على اول عددها
تجي سوالفهم ضحك وتبهيش
وقلوبهم ما احد يفكك اعقدها
n
راكـــان العيــادة
رد مع اقتباس
بسم الله الرحمن الرحيم
المفضلات