بعد انقطاع دام طويلا الفاضي يعود بيوميته التاسعه ((انا وبابا والتتن))
طااااااااااااااااااااااااااااااااااااااا اط
فرخ المضايف وصل
واخيرا وبعد جهد جهيد وعنا شديد وتفكير طويل تم عصر مختي الفاضي فاذا بها تقطر يوميه على الله تعجبكم وان ما اعجبتكم تخير اقرب جدار لكم والا شوفوا الشاشه اقرب عشان ما تتغبون انفسكم و تقوموناخبركم سودانيه
المهم هالموضوع طلع بعد ما قريت موضوع برق النفود حق السرندل
فثارت بي الغيره وقلت ما يصير احسن مني
واذا عنده موضوع عندي عشر
ما ابي اطول عليكم
اعرف نفسي بي عرز مصري اذا قرقت ما سكتت
دوكم اليوميه يا علكم ما تحدرونه<<<<<<<<< صارت جمريه ماهي يوميه (((خاص لاهل الرياض جمريه=قرص جمر)))<<<<<<<<<<يتطنز ريم شمر
******* تنبيه هام يجب قراءت الموضوع بجميع اللهجات الفصحى والعاميه الشمريه والمصريه والهنديه والبنقاليه والعبريه العاميه
طن طرط طانا طن طن<<<<< عجزت اكتبه
سلام ياعرب<<<< ماتقول الا داخل على غرفة توقيف والله مايقوم احد استريحوا بعد حي.هذا سلمكم الله في صبيحة يومً مشرق >>>> (اجل في صبيحة يوم قمراء يالهيس) كنت نائماً واذا باصبع رجل بابا الكبير تداعب اذني <<<<< (بالله عمركم شفتوا اب يصحي ولده بصبع رجله ياخي تغيروا الآباء) قال انت ياهيه تعال بالحوش ابيك فقمت وكلي نشاطون وحيويتن ووجدت ابي يجلس بجوار ماما يرتشفان القهوة وش عندهم هلايري وكلنتون واذا بابي يقول :اجلس يابني اريدو ان اوكلمك بسالفتن خطيرة فقلت خيراً يابابا قال وشو هالتتن اللي لقيته بسيارتك يالتسلب( اذا زعل الشايب تخرب اللغة عنده مثل فيصل قاسم بالجزيرةيانرفز قال اعكلو ياجماعة) المهم قلت يابابا ... قال انطم ولا كلمة ياللوقي انا احسبك رجل تعرف اللي يضرك وينفعك اثرك لما تزل غلاماً امردا قلت : سدئني يابابا داء الدوخان بتاع خويي قال خوت جنبك انت وخويك وطلع البكيت حقه ومذع زقاره اخبره عاد ياقبس الزقاره يقعد نص ساعة يحتسي ويتفلسف قال بوص يابني تدري ان نابليون يومه بعمرك كان مثال للشاب المتوفق النجيب قلت ايه ادري ويومه بعمرك كان قائد الجيوش خخخخخخخخخخخ( يعني اني امون عليه قام واعطاني دبل كيك بعقب رجله الحقه بالطفاية) المهم قال اسمعني زين وحطني على بالك عدددددددل طرى علي خالد النفيسي يومه يوصي سعد بدرب الزلق: إذا بتدخن قلي بدخن لاتسذب علي) الظاهر ناوي يخبي الدخان عني لا اسرقه: ( قلت خلاص يابابا انا ماراح ادخن ثاني مره وهي كانت نزوه شيطان واللي صار صار وانا مستعد اصلح غلطي) كأن الموضوع فيه حمل) ؟؟؟: ما امداه يطلع والا باقي في قطف زقارته شوي والله واكملها واعين خير وادبس معها بريق شاهي همن قلت وش الدبرة وشلون ادخن اللحين والدنيا برد ما اقدر اطلع برى البيت وانا سربوت لاشغل ولا مشغله ماغير تستدح قدام الفديو اللين الصبح( زمن افلام المصارعة الله يذكرك بالخير): قمت وخذيت علبة مويه صحه وصبيت به سفن اب( تخبرون ولد نعمة ولا نعرف الماء حتى بالبيت من زود الفسق نتروش بباور هورس وخليتها برى النافذه) وقمت اذا بغيت ادخن طلعت راسي مع النافذة ودخنت ورميت الزقارة بالسفن اب لحد ماصار لون الماء اصفر ...
وفي صبيحة يوم مشرق( هذا يومن مشرق غير الاول) والا الوالد جاي وشاف علبة الماء ويقلب من الدرج ويصحيني من النوم كالعادة قال انت يالتسلب خليت التتن وطحت بالخمر( على باله بطل عرق اللي بالنافذه يوم شمه الله لايوريكم يوم الريحة ماهي طبيعية) قال انت يالتسلب فاضحني بكل ماكان واخرها خمر يالهيس قلت سدئني يابابا دا موش خمره ولا حاقه وهو لايبرح يكيل لي اللكمات الواحد تلو الاخرى ياخوي اذا صفقني بالوجه احس لمبه نجفه ولعت وبعد محاولات جهيده من الوالدة واخوتي الصغار والذين اضحوا يصيحون سبيوه يابابا سيبوه يابابا( فعلاً ماودك ابوك يمون عليك) قام باطلاق سراحي بعد ان اخذ العقال من جلدي ما أخذ اللي يشوف جسمي يقول الاخ طالع من معتقل ومن يومها وانا كل ليلة قدامي البرواز حبر العيون دمع الندم في خاطري
وبعد زلك قال لي ابي تدري عاد ؟؟
قلت سم يابابا
قال ياولدي انا أخطيت الدخان اصلاً مسوينه للداشر اللي مثلك فماهي غريبة انك تدخن تدري الغريبة انك تغدي رجال:
بس بصراحة حطمني الوالد بالكلمة هذي والا انا ناوي اذا كبرت اطلع دختور صحيح اني بثاني متوسط وعمري 38 لكن مافيه شيء صعب وانا احمل بابا نتيجة فشلي ...
افتييييييييييييه خلصنا من هاليوميه
طر طرطن طانا طن طن
رد مع اقتباس
المفضلات