في هذه اللحظه يقدم شنقل وهو بكامل قواه العقليه
على كتابة مذكراته
والله سوف تباع بملايين الدولارات
الزمن\
يوم انا وغد(طفل)
توي ماوصلت الطعش
كل ماأشوف وغدان الجيل التالي اموت قهر وتحقرص تسبدي
الواحد لانجح جاب له ابوه نجوحته ( هدية النجاح )
اللي سيكل واللي بلايستيشن واكيد2
واللي يوديهم للملاهي
الله يرحم أيام شنقل يوم طلعت الاتاري
ملاهي ماطبيته بحياتي
عليك بالهبيبه (مراجيح ) ولا هانت الزحليقه
ولافسقنا اكا اليوم لعبنا بالتواير ندربيهن مدرباه
ولارجعنا للبيت الصفره ( المغرب)
شهبان الواحد تقل مغبر عايزه شوي نشاء (مريتو)
عشان يثبت التغبيره
انا كل مااذكر نجوحتي وانا وغد00000 ينبعص مزاجي
اول مانجحت واستلمت الشهاده مابه ولا طماطه (دويحه)
وانا اطير عن رحمة الله مابين عيوني الا ابوي
جيته وقلت يبه يبه (ابي) نجحت
قال عفيه ولدي وقام حبن (قبلني)
وشب اكا اليوم والمجلس ماتشوف اخره
انواع الشيبان 000وانا تقطع تسبيدتي على النجوحه
وكل شوين ادر القهوه صب شاي هات ماء
مالكم بالطويله000
قلت مابدهاش لازم اكلمه واصارحه ( عايله ديمقراطيه )
وانا اتشجع وانا اتسفت عليه ( تسفتت كرمه )
قلت يبه ابي نجوحتي
قال ابشر وهو يقضب يدي وانا اركب معه بالددسن
طبعا بالحوض مع الجراكل وكم كيس شعير
الوكاد صفطنا
وهو يصيح علي شنقل طبح (انزل)
وانا اطبح ( تقل عيون سروق)
مافطنت الا انا داخلن على الحلاق00 برطمت لي شوين
وسلمت راسي للحلاق وايقنت انه على الصفر
حرااااااااااااااااااااام
ناجح وماعلى ولا طماطه ومحلق على الصفر
الا ياعيشة قسقس0000
رجعت لامي وانا اجر اذيال الهزيمه مكبا على وجههي
شكيت لها همي
وقلت ياأمي
اريد نجوحتي
قالت : لك مااردت ياشنقل
باتسر نروح للسوق واشتري لك نجوحه
طرت من الفرحه ( راشد الماجد)
ووينك يالنوم انواع الوصل للصبح
على ماطلعت الشمس وانا ناشبن بحلقه وصلعتي اللى تقل دبشيه ( بطيخ)
قالت يالله مشيناوحننا نتماسك اليدين
والافكار تروح براسي وتجي ووشي نجوحتي
دخلنا السوق 000عفوا البسطه وليس السوق
دورت به مالقيت اللي يجوزلي
قلت يمه مابه شين
قالت لا ياشنقل الحتسي وانا شاريتن نجوحتك وهذي هي بمخباي
قلت والله ياعللك ابرك من ابوي (خرجت من عفويه 0 وغد ماينشره عليه)
تطلبته وتمللمت عنده
وتمرغت بالتراب
ومازالت مصره على ان تخبرني بالمنزل (فصحى)
الوكاد تسندت ( انصفرت0 اغمي علي)
وهي تقوم تولول وتصيح
واخيرا استيفظت من رائحه الرشوش
اللي بغشوته
قلت علميني وشي نجوحتي
قالت:
سلمتك بيد الله يامحملني اسيه ياليت ماشفتك وش
جابك عليه
هههههههههه
ثم اردفت قائله انت ولدن حرتس ( كثير الحركه)
وشفاي ونت وغد
ثم اخرجت نجوحتي من مخباه
وكانت الصدمه قوية علي
ماذا تتوقعون ياساده نجوحت وغد ماعليه ولا طماطه (صرت اتعقد من الطماط)
ماني معطيكم اختيارات
ابعلمكم واستريح
نجوحتي هي
لا حول ولا قوة الا بالله
انا للله ونا اليه راجعون
علك ماء
اااااااااااااه
اااااااااااااااااه
راحت براءة الطفوله اللي تدودل بوجهي
امحق نجوحه
على الصفر + علك ماء
ولنا لقاء قريب في
مذكرات شنقل رقم 2
وراح اخبركم ماذا حصل لاخي شمقل
اللي رازن معي بالصوره ابو غبوط ازرق
محبكم شنقل
رد مع اقتباس
مشرف مضيف الترحيب والتعارف
المشاركة الأصلية كتبت بواسطة شنقل
المفضلات