[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
( انا ماني بخير )
دلال القصايد يابو مقبل مباهير = صبيت منها يوم جاله .. مجالي
سطرتها من لاهب النار .. تسطير = وفاحت من أجزال القصايد .. دلالي
يوم أستوت فنجالها بساعة .. أعصير = شربت فنجاله وجوي صفالي
سقت القصايد يابو مقبل على خير = أشكي عليك الحال ياعز .. حالي
تكفى يابو مقبل ( أنا ماني بخير ) = شكواي للوالي عزيز الجلالي
فرحان ابشكي .. وأشتكي .. بالتعابير = ضاق الصدر ياعزوتي .. ضاق بالي
أنا بلاي من الخلايق .. معيثير = ماينطح الواجب خبيث العمالي
اللي حكابي ماكمل عقله .. أصغير = ولا واخذ الجاهل بكل .. الحوالي
ماعنده أمروه .. وحشمه .. وتقدير = أن قلت له صفرين .. على الشمالي
لاسلم .. لا عادات .. عرف .. وتباصير = ماله أبد مبداء ردي الخصالي
نمام عارف مخرجه .. والمعابير = لاجيت يمه قولت أفلان .. قالي
عندي أعلومه كلها .. والتقارير = الناس تدري بدقها .. والجلالي
اللي حكى بي عند عامر .. مع أعمير = علمه لفاني ماله أول .. وتالي
أرذل عباد الله ماقيل به خير = وشلون أبقبل زلته يوم مالي
أنا أدمح الزله بليا .. معاذير = ولا على خشمه ندوس .. النعالي
لاصار لا طيب .. ولاله مذاكير = ولاله أعلوم(ن) بالمجالس .. تقالي
من لارفع قدره حياته مخاسير = للطيب ماتقدر ضلوعه .. أهزالي
عفن(ن) وهمه بس جمع .. الدنانير = محروم جعله للفنى .. والزوالي
لاجاك زوله يشبه الثور .. والعير = راسه كبير ومجتمع به .. أخبالي
وشلون يضحك أثرم السن .. وعوير = لابد ماتضحك عليه الليالي
اللي يصنف للسواليف .. ويدير = نمام .. ومنافق .. ولاله قبالي
ذنبه على جنبه بنار .. وزمهرير = كل(ن) وفاله .. حي فالك .. وفالي
صغير عقله ياولد .. لو هو أكبير = وش راي راسك ياكريم السبالي
دامه حكى بي مابقى أي تبرير = ليته أيقدم لي جواب .. السؤالي
مايدري أني من أزحول(ن) .. مناعير = خريصي ولافيها كلام .. وجدالي
ربعي ونا منهم على شره .. وخير = اللي أعلومه ترفع الراس عالي
ربعي حرار بعاليات المواكير = صيداتهم عند اللوازم .. أجزالي
الكل منهم هدته تشبه .. الطير = ستر العذارى لابسات .. الشيالي
حنا فخرنا مانهاب .. المخاسير = للطيب ماناخذ حساب .. الريالي
حنا هل الناموس .. واهل المفاخير = وأهل الكرم والهيل كيف العيالي
وأهل الوفاء .. واهل السيوف .. البواتير = وأهل البداوه صاعدين .. العوالي
حنا ( بدو ) ونصخر الطيب .. تصخير = نرعى الاباعر .. والغنم .. والحلالي
دايم وأباعرنا على جمة .. البير = تشرب قراح(ن) من قليبه .. أزلالي
وترعى أباعرنا فياض ..النواوير = وعدونا كبده تزيد أشتعالي
تشهد تواريخ الليال المعاسير = يوم أن ولد اللاش جاه .. الهبالي
اللي نسى وش وسمنا .. (( بالمغاتير )) = باكورة الشايب عضيد العيالي
مايدري انه وسم وضح(ن) .. مفاطير = باكورة(ن) بارقابها .. من شمالي
حتى الزمل .. واركابنا .. والمضاهير = حنا وسمنا نوقها .. والجمالي
تدري بها الظفران .. مع حرب .. ومطير = وسبع القبايل من جنوب .. وشمالي
كل الاباعر مع فحلها مخايير = وضح النياق معبسات الشمالي
أمعربه حيرانها .. والاباكير = سلالة فحل حر(ن) عريب السلالي
حنا هل الخلفات وضح .. ومعاشير = حليبها سكر على الكبد .. حالي
ماداج بمراحه أبد ( هندي ) أيدير = ولاداج ( سوداني ) ونزل .. وشالي
ماغير أهلها ناطحين الطوابير = بالسيف حامينه أربوع(ن) .. غوالي
واليوم راحت به .. صدوف المقادير = مال البداوه في زمنا .. توالي
اليوم اباعرنا شبوك .. ودواوير = من عقب ماترعى بذيك .. المفالي
يالله سترك من زعل سالم الزير = فارس بني تغلب جزيل الفعالي
اللي خذانا بالرخى ساعة .. أعصير = لو صد يافرحان ماله .. ومالي
وشعاد لو جنب ( انا ماني بخير ) = شكواي للوالي عزيز الجلالي
خليف الجهيلي
[/poem]
رد مع اقتباس
المفضلات