(فيليسا) أخت (أليسا) قطوة محارش.........

[المخاوي]

( فيليسا )في بلاد العجائب
تصدق عاد نوبتن من المرات قطوتن اسمه ( فيليسا ) دبلت تسبد ابوي اللي جابن :D تسان ماهي اختن لاليسا كل ليلتن وهي نيمتن بله فراش وكل نهارن وهي متمدتن على احدى هالخشش ونوبن ماتدري الا هي بينك وبين ثوبك لكن عاد له جمايلن على (بعض) هالوغيدان:D ظليمته شينه لياقعد الوغد الصبح ولقى الثويب مبتل هو والفريش حطه على فيليسا ياما تحملت الماخوذه ذنوب مااقترفتها :p ومن قبل لانعرفه كان عذر الوغيدان لياقعد الواحد منهم ولقى الشعيب دارج :D قال ماشاء الله جاينا مطر وخر السقف علينا المهم نوينا طرحته وتصير حالة استنفار وحنا نخلي البيت من السكان وحنا نتحاشقه ياما ادخلناه بله غرفه وعساكم منتم بيدينا هكالليله من الخرعه قمنا نضرب بعضنا المهم مالكم بطويله بعد عناء ولعنت خامس طرحنااه وحطيناه بله خيشه ونوديه حول المقصب قلنا غديه تقع بالنعمه وتنسانا ومن باتسر ليامار هي محضرتن عندنا وحنا نصيح صفارة الانذار ونعلن حالة الطوارئ بالبيت وكلن ياخذ موقعه الامن وبعد لعنة مترس طرحناه متأثرين ببعض الجراح بأسفل العراتسيب وأخمس القدمين وبعض المخوش بالصدام الامامي :D وهوا بالخيشه وقلنا هالمره نبي نوديه بالليل على شان ماتشوف >>>> طبعاً هذا من الذهانه ونوديه للبر على مسافة 40 ك لا ولو السياره به بنزين زياده تسان ماوقفنا الا بالفلوجه :D >>> (انااشهد انهم رجال ماعلي من الحتسي) ورجعنا للبيت مع صلاة الفجر وصلينا ونمنا >>> محدن نشدك انت صليت والا لا ويوم صحينا الظهر ليامار القطوه متربعتن معنا على الغدا تقول اخرتونا برد الغدا وحنا نتحراكم ذبحكم النوم قلنا لا اليوم مابدهااش ويفزع احد اخوتي ويجيب ام خمس والثاني رشاش روسي (دائره 10 ابو صفطه )قلت عينوا من الله خييييييييير تروها نفس لاتستعجلون :D وهالمره اخلينا الحاره كله لياما طرحنااه بمساعدة نمر الحاره (ابو نخرور) ولقب بهذا الاسم لكثرة لعابه هذا طبعاً مانستدعيه الا بالحالات النادره جداً لانه يشتغل بالساعه, وماريتوه ردون ثوبه صفر :D ماينضيع الماخوذ ونحط القطوه هالمره بله باغه قلنا يمكن الخيشه تشوف من وراه وحنا نوديه للمطاعم بداخل السوق طبعاً الله لايخسر فرينابه الديره كله على شان ماتثبت طريق الرجعه >> طبعاً هذه احدى اقتراحات ابو نخرور الجهنميه , وحنا نرجع ونقعد شهر ماشفنااه وارتحنا منه وقام الواحد ينام وهو مرتاح |7| ويوم جاء يوم من الاياام المبروكه وهو ينطنخ حدى هالمقاريد قال ابي اعشيكم الليله مشويات قلنا تم وهو يروح لاهل المشويات ويوقف السياره قدام المحل >>> ليه أجل تبيه يدخل به ويطلب مقسوم الله ويوم خلص اخذ العشاء ودق الددسن سلف ورجع وبعديييييييييييييييييييييييييييييييييييي ييييين وش صارنرجع شوي للخلف في اثناء وقوف السياره كانت قطوتنا الحبيبه فيليسا ومعها اطفالها ( اثريها تزوجت عقبنا وجابت عتاويه ) تتمشى على ضفاف الرصيف المقابل للمطعم وفجأتاً رأت الشئ العجيب اللذي لم يكن بالحسبان الا وهو الددسن المبروكه فقد قطعت على عرف بهذه المركبه لان الرفرف الامامي مرشوش وخطها الايمن اللي على الرفرف الخلفي ممزوع والربله الي بالصدام الخلفي طايره اضافتن الى ان الاصطب حق الاشاره تجاري ماهو اصلي هكذا عرفت فيليسا الددسن وهي تفتح الباب الخلفي للددسن - طبعاً راعية حلال - وتركب عتاويتها ,ونرجع الان الى اخينا ( الدلخ 666 ):D فكان لايعلم باللذي حصل وما ان وصل للبيت الا- وراوه ابو نخرور شامن ريحة المشوياات :p - فيليسا تقلط عتاويته وتوريهم غرفهم وفرشهم :D
كله من محارش يالربع وقطوتوه أليسا اللي ذكرني بفيليسا

[عذب المشاعر]

[align=center]خيى : المخــــــــــــــــاوى
الله يصبحك بالخير يابو فيليسا
عز الله ماعينت خير المذهوبه فيليسا عند المخاوى
بس لاتدرى خيتنــــــــــا أم الفيلسيا تذكار راعيه القطط بالقصه
او تصير اعلوم
تحياتى[/align]

[عبدالله المهيني]

ياكثر الايقونات ( شكله يبي يغطي على الريم )

اكثر من عدد كلمات قصة هالقطوه

لي عوده يالمخاوي

[الاصمعي]

تصدق عاد نوبتن من المرات

^
^
هي يانوبتن من النوبات ولا مرةٍ من المرات|512|<<<الاصمعي ماله شغل بالقصه أهم شيء صحة العبارات;)

وبعدين ماتسنك الله يهديك فتحت علينا عيون هالي مايعرفون الإتيكيت ولا تبادل الورود بالمناسبات بلك كليماتٍ قلتهن من عرض سالفتك، عسى مايفطنون لهن لو أنهم مايطوفهم شي هالمذهوبين:D

ونستونا الله يونسكم بسوالف هالبساسه الي سالفه تجر سالفه تقول سوالف ديبان;)



موضوع آخر :- وش سالفة صورة أبو غازي الي رازينه بتواقيعكم تسنه تعويذه أو تقول مرشحينه لأنتخابات والله أني تقل بغيت أحسده على هالشعبيه والمحبه الله لايضره ويخليه ذخر وفخر لمحبينه ويكثر ذريته وبعارينه

سلامي لأخواني أهل الفله;) زراع الإبتسامه ومذهبي كل عله:D:D|116|

[عذب المشاعر]

[align=center]

موضوع آخر :- وش سالفة صورة أبو غازي الي رازينه بتواقيعكم تسنه تعويذه أو تقول مرشحينه لأنتخابات والله أني تقل بغيت أحسده على هالشعبيه والمحبه الله لايضره ويخليه ذخر وفخر لمحبينه ويكثر ذريته وبعارينه

أخوى : الاصمعى
[/align]
[align=center]الاصمعى وش رائك لو تقرر مره من المراه بالابتعاد عن المضايف وش يصير ؟؟؟؟؟[/align]

[المخاوي]

عذب المشاعر
هالوجه الصبوح هذا منين انت جايبوه :D
راعية القطاوه غايبه وانتهزنا الفرصه
وياهلا بك

[المخاوي]

المهيني
اي الريم الله يهديك قاطه بحر >>> على الاقل انا عندي تنويع :p
هالحين داخلن المجلس ولاشفت الا الديكورات :D تصدق عاد مافطنت له
منتظرين عودتك مع حرف (ن) غير الرجاال

[المخاوي]

الاصمعي
طيب مرتن من النوبات ماتنفع :D >> تخبر عن العين ;)
وبعدين هالكليمات اللي تذكر تمويييييه :D وبعدين ماعليك منهم الاتيكيت واهداء الورود عندنا حنا بس والا هم يهدون بعضهم ( طيطان ) :D

عاد الجود من الماجود امس مسكت على البساسه وباتسر مايندرى وش تمسك عليه :D

رد اَخر ;):- يعني انت هالحين جاين على شان تحط موضوع اَخر بطن موضوعي :D
أقوول وشرايك تعلل عند اهل العام والا المحاوره لايقفلوون هالموضووع ;)

[مفتاح14]

[align=center]

هههههههههههههههه هذي لزقه ماهي قطوه


تصدق يوم انا صغير كان عندي وحده منا حليله وعليه لون يفضخ القلب تسان ماني واهم انه كان فوشي واذا جاء الليل يقلب كحلي ولكن غلطتنا اننا اعطيناه وجه والظاهر انه بدت تمون وصارت تحوس البيت حوس اللذينا فما كان من اهلي الا ان نصبوا لها كمينا ماهو صاحي فكرفتوها في تلك الخيشة واوثقوا رباطها واطلقوا سيقانهم للريح <<-- شكلي ابقلبه روايه ،احس اسلوبي طلع حلو .. الوكاد اني انغثيت اكاليوم وانحرمت من العيشه.. ويوم ااصبحت وبينما انا افطر<<-- هذا اللي منحرم؟ فاذا بتلك الانفاس تدغدغ رقبتي من الخلف وتلك التمخيشات الناعمه<<-- يقالك يجامل بسته فماكان مني الا ان صرخت بصوتن عالي هز اركان المنزل: (( لقد دبت بي الحياة من جديد))!!! <<-- مقطعه الوفاء

.


.


.


مبدع يالمخاوي..اسلوب ساخر ومميز.. تتقدم به لصف المميزين بفلة الحجاج..

تسلم يدياتك.. ولا تبطي علينا;)

تحيااااااااااااااااااااااتي[/align]

[سرحــان]

[align=center]المخاوي(ن)


هــلاوالله

مر وتفقد الصوب استيشن انشهد تبي تلقاء الي على بالي(ن)

الايقونات ليه بدون (ن) .........


سطيل الحليب وينهو هين والله اخليهم يحرمونك القهوه


الاصمعي اي و الله سوالف ديبان


تقبل تحياتي[/align]