السلام عليكم ورحمة الله وبركاته....
الأخوان جميعاً...
ترو ماهو شغلي إذا فيه غلط أو الأسم غير صحيح...
هذي السامريه...قيل انها للشاعر حمد الرمضان من اهالي بلدة الشعرا و هي من نوع الردادي...
تقبلوا تحيات أخوكم م.ن.ا.ك.د...
[poem=font="Simplified Arabic,5,black,normal,normal" bkcolor="transparent" bkimage="backgrounds/12.gif" border="none,4,gray" type=0 line=0 align=center use=ex num="0,black"]
عديت فـي مرقب غنـى بركنـه حـمام=و اثـر الحمـامـة تهـيض القلـب بلحونهـا
سـلام يا الـلي تـبون مـنـي سلام=واثنـي التحيـة علـى الـلـي يستحقونـهـا
من لامني في الهوى و مرودعات الوشام=جـعل النصايـب عـلى قـبره يـرزونـهـا
ابو نهيـد صغيـر مثل بـيض الـحمام=مـثل الـفناجيـل بـالديـر يـعدونـها
يا رجف قلبي عليها ارجاف طـي المقـام=او ارجـاف خـيـل عـلـى الحـاكم يعنونها
يـا بري حالي عليهـا بـري عـود الثمـام=وقـع علـيـه الـجراد و طار بغصونـها
و يـا ونتي ونـة اللي دش بـحـر الظلام=يبغي المراكب و حال المـوج مـن دونهـا
يا زين ما ترخص الحبة و ترخي اللثـام=حـيث انهـا لا تـبـين و لا يقصونـهـا
حب اريش العين وقع في ضميـري وحـام=و الحب الآخـر علـى كبـدي و مـن دونهـا
يا داخل السوق مـا عينـت ظبي العـدام=ما رييتـه فـي البلد مـا شفـت انـا لونهـا
ابو جديـل تهلهل مـثل ريـش النـعام=يـاصـل ردوفـه الـى دلـو يعملونـهـا
ياصلك مني يا صاحبـي ردود الـسلام=ياصلك مـع ذا الهبـوب اللـي جـرى عونهـا[/poem]
رد مع اقتباس
المشاركة الأصلية كتبت بواسطة راعي الوقيد
المفضلات