[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
(( عاشـــق الدرب ))
قررت أسافر .. وأرتحل .. وآتغرب = حان السفر .. حان السفر .. وأغترابي
زرفل ذلولي زرفلة .. (( عاشق الدرب )) = الخرج .. وشداد الذلول .. وزهابي
سقت الذلول وللفيافي .. تزهب = شد الرحال بليل(ن) أضلم سرابي
ماعاد به قطرة حنين .. ولاحب = عاف الغرام .. وعاف .. صاف العذابي
دام الرحيل أعلاج قلب(ن) .. معذب = الحر لامن عاف ماهو .. أغرابي
ينزع سماء للعز حر(ن) أمجرب = عزيز نفس(ن) مثل حضرة .. جنابي
نفسي عزيزه براس عيطا ء .. ومرقب = من صد جعله للفنى .. والذهابي
صّمل خفوقي عايف(ن) حب .. من حب = ماهي سواليف(ن) .. وعجة أترابي
أول أحبه .. وأعشقه .. عشق .. وأرغب = يسوقني حبه ذهاب .. وآيابي
عقب الخيانه .. والغدر .. قلت أرحب = يامرحبابك يالسفر بنسحابي
غدر الحبايب جرح سيف(ن) تلهب = ولاالخناجر طعنها والحرابي
جرح(ن) لجابي ولع القلب وأعطب = أنشهد أنه لوعتي .. وأكتأبي
كثرت هواجيسه ولا عاد به .. طب = عفت المنام .. وعفت زاد .. وشرابي
تاه الخفوق أبمركب الشوق .. والحب = زرعه وفاء بس الحصاد .. العذابي
خلي حداني للجفى .. والجفى هب = ليت الفراق اليوم يعلن غيابي
ليت الهبايب بالجفى ليته أتهب = ياجعل شمسه للكسوف .. وغيابي
ماينعرف يمة جنوبه .. من الغرب = مثل السؤال ايضيع ماله جوابي
شمّل .. وشرق .. بالقطاعه .. وغرب = أبعد أركابك عن مبارك .. أركابي
جنبت أنا ياصاحبي وأنت .. جنب = لاتنتثر وتقول مثل السحابي
ماعاد أنا هاوي .. ولافيك .. معجب = من باعني بعته برخص .. الترابي
اليوم لاعاشق .. ولاقلب يرغب = ليته أيهيد بالخفوق الصوابي
خلاص أبرحل .. وأرتحل .. وآتغرب = ياليت تقراء بالقصيد .. أغترابي
خليف الجهيلي ..[/poem]
رد مع اقتباس
مشرف مضيف الترحيب والتعارف
المفضلات