الإهداء : إلى روح الشهيد المجاهد الدكـتور/ عبدالعزيز الرنتيسي , رحمه
الله رحمة واسعة وأسكنه فسيح جناته , وإلى كل من آلمه رحيله وأحزنه
[poem=font="Simplified Arabic,5,red,normal,normal" bkcolor="transparent" bkimage="backgrounds/16.gif" border="none,4,gray" type=2 line=0 align=center use=ex num="0,black"]
ماللدموع اللي عـلت صفحة الخد=ياكود رجال ٍ يفـك الطلايب
السد باح وطاح بي الحال وانهد=من كثر ماحلـّت عـليه المصايب
كـب العرب ياعـنك ماللعرب جد=وازهـم هـل الدين الأسود الوثايب
الشجب ماله عـندنا يالعرب حد=والا الفعل من ماضي الوقـت غايب
قام الجهاد ومالنا عـنه من بد=وبدونه ابْنشوف كل العجايب
أما خذيناها على شدّ ٍ ومد=والا السعي عـنك ان ماهـوب خايب
اذا اجتمعنا والله انا لهم ند=واذا افـترقـنا والله انّـا زلايب
اذا اجتمعنا مالنا ند ٍ وقد=واذا تركنا الدين رحنا سلايب
الحق مات وعرضوا نعشه اللحد=وحطوا على قـبره رسوم ونصايب
ماللكفـر ذمّة ولا للكفـر عهد=ولا لهم ياكود بيض الحرايب
لا من وطت رجل الخيانة على خد=ترّصدت للناس حمر الشهايب
يخزيك يابّياع دينه بلاحد =يابايع ٍ ربع ٍ ومرخص قرايب
علمتهم باهـل التقى واهـل الرشد=واغتالوا اهـل الدين وانت السبايب
ويلك من الله كثر ماتبذل الجهد=في الشر لاهل الشر واهل النشايب
وعليك ياسهم الجهاد المسدد=رحمات ربي ياوريث النجايب
موتك حياة وعـيشتك عـز ٍ ومجد=وانا اشهد انك ماوطيت المعايب
بكفـوفـك الجزلة وبسيوفـك الجرد=سقـيت قطعان اليهود اللهايب
موتك فجيعة شعب ياطاهـر اليد=وحياة لاهـل الشك واهـل الشوايب
الله كريم وينجز العهد والوعد=وابشر من الله بالعطا والوهايب
عبدالعزيز : الله عـلى الباغي اللد=اللي بيديه افجع جميع الحبايب
اللي انتهك حرمتـْـك بالدك والهد=واخذ بليا حق روحك نهايب
وردت ميدان الشرف طيب الوِرد=وحملت روحك فـوق كف العطايب
يكفي انك اللي يوم تركع وتسجد=ماقـد سجدت الا لعظيم العقايب
لا قـلتنا اسمك جلل بداخلي رعد=وازرقـّت بعيني الدموع الصبايب
لا قـلتنا اسمك كنني أسمع الرد=وضج الفـضا بالحشرجة والنحايب
ياطول ليل الكافر الظالم الوغد=وياكثر ماسوّى بنا من غلايب
يابوش يالمبتور يالمسخ يالقـرد=لك يوم عـندالله ولاهوب غايب
لك يوم يجمعنا به الواحد الفـرد=وتلقى خصومك بين طفـل ٍ وشايب
سقـت الجيوش لدارنا جند ٍ وجند=ولا فـطنت اليوم ويش انت جايب
احسب على صاع ٍ بذلته لنا مد=واحسب على صروف الدهـر والنوايب
وماللدموع اللي عـلت صفحة الخد=ياكود رجال ٍ يفـك الطلايب[/poem]
قـديم الشوق
رد مع اقتباس
المفضلات