[align=center]
اخواني الاعزاء ان هذا النادر يعجز القلم والشعر ان يوفيه حقه
بعدما قابلته تغير مجرى حياتي وكذلك غير مجرى حياة الكثير والكثير غيري
وكان له فضل بعد الله علي وعلى الكثير من يأتي اليه
احبتي تعجز الكلمات ان تعدد محاسنه
اتمنى ان تفيه هذه القصيدة جزء من حقه وأن تنال رضاكم واستحسانكم
هذه القصيدة بمناسبة ترقية[/align]
[poem=font="Simplified Arabic,5,black,normal,normal" bkcolor="transparent" bkimage="backgrounds/20.gif" border="none,4,gray" type=0 line=0 align=center use=ex num="0,black"]
العقيد عبد الرحمن بن منصور المنصور الشمري[/poem]
[poem=font="Simplified Arabic,6,black,normal,normal" bkcolor="transparent" bkimage="backgrounds/6.gif" border="none,4,gray" type=0 line=0 align=center use=ex num="0,black"]
هب القصيد وفاح شيحٍ وقيصوم =ولاح الخضار البكر فوق الحزومي
يفرح بها من كان شاعر ومغروم=وينزاح عن صدر المولع همومي
والشعر حضّر كنه الدر منظوم=يبي الفخر في مدح شيخ القرومي
هذا ابن منصور قرمٍ من قروم=هذا ابو متعب قوي العزومي
نادر شجاع ومنزله عالي القوم=حرٍ على روس المعالي يشومي
لا من شلع وسط السماء وادرج الحوم=كل الهيالع تنصقر ما تحومي
في مكتبه والبيت والوقت مزحوم=ما ضاق صدره كن صدره يزومي
رد الثنا واجب وانا حيل ملزوم=وما ينسي المعروف غير الرخومي
ابمدحك وادري مقصر ومهزوم=في سيرتك تقضي جميع العلومي
انت الذي من دون مرسوم زيزوم= وانت العقيد بدون تاج ونجومي
وانت الجدي للي من الضيم منجوم=يدل بك دربه سواة الرجومي
وانت السحاب اللي به الخير مردوم=تقضي لزوم اللي يبي له لزومي
انشهد انك والمراجل تقل توم=وانشهد انك للعذارى هدومي
بك تفتخر ( غلبا ) ولا واحد يلوم=بسوق المراجل تشتري ما تسومي
بعض العرب للمال معطى ومحروم=الا انت معطى بس ما انت محرومي
وعسى السعادة والفرح دايم الدوم=وتبقى ذرانا لا لفحتنا السمومي[/poem]
رد مع اقتباس
المفضلات