المعانات من غلاء المهور وعوائد العروس بنجد
السلام عليكم
[align=center]نحن على ابواب الاجازه والصيف وكلنا نعلم ان هذا الوقت تكثر العروس ويرتزق راع القصر والطباخ والصايغ وبائع الاقمشة من قده وبائع البشوت والعبي وراع العود الدخون والغذائيه الرز والسكر والشاي والقهوة والهيل وشريطية الغنم والابل وصاحب الاستيوهات لتأجير الطبول والطيران واخر من يأخذ نصيبه الطقاقات والكوفيره الكل يعين خير ماعداء المغرس يتخرج ابنه من الثانوي وهو يسدد بالسيارات اللي هو اخذ او قرض البنك الفلاني لا يادخل البيت يبي تأثيث من اللي مابعده وش يقصرنا عن غيرنا هذا من غير الكاش اللي يأخذه النسيب والنسيبه وتشريه اخوته وخواته وخالاته وجميع من يقرب له والجيران وزميلة الدراسه .
هذه قصيده تصف المعانات من هذا العمل من زمان لان الحال ضعف والريال غالي وله قيمته اي ان الف ريال يمكن تعادل عشرة الاف لان الذبيحة حسب قول الشيبان تلأخذه من 30-35-40ريال فقط يعني عشرة اضعاف لان سعر اليوم 400-500[/align]
[align=right]لااطيل عليكم الشاعر عبد الرحمن الراضي
قال في غلاء المهور وعوائد العروس في وسط نجد [/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="none,4,gray" type=1 line=1 align=center use=ex num="0,black"]
صحيح انا كبرت والعرس ملزوم= ويفز قلبي لاحكى واحد فيه
لاشك دون العرس عادات وسلوم=ومن يسمعه ماعاد نفسه تهقويه
الى طلبت البنت قالوا بها السوم=حق الابو سبعة الآف بتعطيه
وثلاثة للأم تدفع هاك اليوم =ياللي تجيهم ناوي العرس باغيه
واخوانها وعماتها وباقي القوم=كل يبي حقه ومجبور ترضيه
وطوايق وبشوت وأطياب وهدوم= اللي حضر والغايب الكل تكسيه
وخطيبتك شيـــه على جنب مفهوم= أربع آلاف للذهب شرط تشريه
اضافة هذا الى غرفة النوم= ودولابها من كل خرقه تمليه
وحق العشاء خمسة الآف ملزوم =تدفع تكاليفه ولو منت باغيه
وزيارت الحريم يوم ورى يوم=والبيت وأثاثه ترى حكيهن فيه
حب الشرافه طبعهن دايم الدوم = ويا ويل مطلوب لهن تعترض فيه
يمضى شهر ماذقت راحه ولا نوم =هذا يجي و ذاك تبلش توديه
سعادتك صارت غرابيل وهموم=الدين لحقك وانت من وين توفيه
خلاص ابا انهي باقي العمر بالصوم = مانيب قادر له ولا نيب قاويه
كم واحد مثلى مع الناس محروم= ودك تشوفه كيف ليله يمضيه
وكم بنت وسط الدار والباب مردوم= الظاهر ان اللي اعاني تعانيه
رسولنا زوج بأيات وختوم = سن الزواج وين من يقتدى فيه
عادات شيلوها ترى مالها لزوم= لو شيلة العادات كل شرع فيه [/poem]
رد مع اقتباس
المشاركة الأصلية كتبت بواسطة سلمان النبهان
رد : المعانات من غلاء المهور وعوائد العروس بنجد
المفضلات