[align=center]بسم الله الرحمن الرحيم
السلام عليكم ورحمة الله وبركاته
مشاركتي الثانيه هنا اتمنى ان تقبلوها وتقبلوا عذري على الغياب الخارج عن ارادتي[/align]
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا ياللي سألتيني عن همومي وضيقة بال=وعن دموعٍ لها قصه توارت من ورى سكاتي
انا لو قلتلك عني حكايه من عذابٍ طال=تكون اكثر سؤالاتك مصادرها حكاياتي
وتضيع بعالمي روحك ولاتلقى لها مدخال=ويضيع بزحمته فكرك ضياعه في اجاباتي
انا باول بداياتي بدايه لاخر الترحال=نهاياته بدى اخرها مسيره من محطاتي
انا اقرب اخير اول وانا ابعد قريب الحال=وانا باخر مسافاته بدت عندي مسافاتي
انا حاضر عشق ماضي نثر دمعه على الاطلال=اسامر طيف للماضي واخصه في مناجاتي
وانا ليلٍ فقد قمرا تمنى في سماه هلال=انا كله ضما عمري جفاف حروف بشفاتي
انا ليلة شتا غنت على اول بردها موال=زماني لو بدا هادي يزيد بكبر مأساتي
وانا كلي على بعضي عذاب ووحدتي غربال=اعيش بوحدةٍ طالت مع الهاجس مع اهاتي
وحيدٍ واضفي احلامي على بيض النوايا ظلال=اراجع ماضي ايامي على صفحة خيالاتي
واضم بداخلي صوره معي من يومنا جهال=خذت بروازه الذكرى حوت في وسطها ذاتي
تضم بوسطها بندق تضم الخيل والخيال=كأني بينهم عايش فرح عمري ومسراتي
تضم النجر والدله يغازل خصرها الفنجال=وتضم بوسطها رجالٍ قبل تبدا بداياتي
خذت في خاطري مسرى وهدب عيني لها مقيال=خذتني يمها كلي وانا كلي طموحاتي
خذتني بشبه غيبوبه وصحى وقت وبدى سؤال؟=عن احلى حلم ضميته عن اطباعي وعاداتي
تعبت اسأل عن الشيمه لها طيب النسب مرسال=تعبت اسأل عن المبدأ وعبث راحت سؤالاتي
وبديت احس بامالي تهاوت عمرها ماطال=وتملكني شعور الياس تسبب في معاناتي
ولقيت ان الزمن قاسي محطاته عذاب رجال=وصلت اول محطاته ووصل باقسى عذاباتي
نعم( يافتنة الحاضر) ترى جور الزمن قتال=نعم( ياغلطة الحاضر) نعم يااخر مساراتي
يااغلا من غلا روحي يااجمل من تلف الشال=يااحلا من معاه انسى صدى حزني وضحكاتي
يااجمل بسمةٍ فيها طهارة اطهر الاطفال=يااطهر روح في روحي بدايتها بنهاياتي
نعم هذا هو الواقع حقيقه ماعليها جدال=ترى هذا سبب همي وسبايب طيف عبراتي
ترى هذي هي القصه قصيده عن عذاب الحال=ابختمها بتوقيعي مع اخلاصي وتحياتي
سلطان العنزي [/poem]
رد مع اقتباس
رد : عـذاب رجـال
المفضلات