[align=center]السلام عليكم ؛؛
قصيـــده .. صافحتها .. وكم تمنيت لو انني اعرف كاتبهــا ..
فمن يعرفــه .. لا يبخل به علينـــا ؛؛
؛
؛
؛
يالله يــاخــالــق اراضـــيـــن وابـــحــــار
الـــواحـــد الـمـعــبــود رازق عــبــيــده
الـخـالــق الـغـفــار عـــــلام الاســـــرار
وفـرق شعـوب الارض فــي كــل بـيـده
وابـدي واسولـف مـن عذيبـات الاشعـار
ابــيــات شــعــر والـمـعـانـي وكــيـــده
اشــري وابـيـع واعـــرف كـيــف بـخـتـار
واخـتـار مــن جـــزل الـبـيـوت الـفـريـده
وذ كـرتــراث وعـــز وامــجــاد وافــخــار
قـبــائــل تــومـــن بــديـــن وعـقــيــده
وصلـت حضارتنـا علـى سطـح الاقـمـار
ابــنــا الـجــزيــر والـجــزيــره مـجــيــده
فـي ظــل حـكـام لـهـم فـعـل واشــوار
ال الـسـعـود الـلــي تــفــك الـضـهـيـده
نـسـل الزعـيـم الحـاكـم الـعــادل الـبــار
مــجــدد امــجــاد الـجــزيــره بـجــيــده
حتـى اصبحـت حــره وحـنـا لــه انـصـار
فـي ظـل اخــو نــوره هـنـوف سعـيـده
وصــارت لابــو تـركـي بطـولـه وتـذكــار
والـفـخـر والامـجــاد تـبـقــى شـهـيــده
وخلـف لنـا امـلـوك لـهـم فـعـل واخـبـار
الـشـعـب واحــــد والـقـيــاده رشــيــده
والامــن بانيـنـه عـلـى ســاس وجـــدار
وقــرو عـلـى العـابـث عقـوبـه شـديـده
وحـنـا حـمـاة الـــدار مـــن كـــل غـــدار
ومــا هـمـنـا بـطـشـه وخـبـثـه وكـيــده
قــبـــائـــل مـالـحـقـنــاهــم اوعــــــــار
وعشـنـا بـهـذي الــدار عيـشـه رغـيــده
والـحـمـد لله نـحـمــده ســــر واجــهــار
شـعـب تكـاتـف مـــن سـنـيـن مـديــده
ودون الوطـن جيـش علـى كــل معـبـار
لارفــــرف الـبـيــرق ونــــادى عـقـيــده
بـشــرق الـبــلاد وغـربـهـا دوم حـضــار
وارض الشـمـال الـلـي نـفـوده مـديــده
وارض الجنـوب اللـي تخيضـر بالاشجـار
جــزيـــرة فـيــهــا الـقـبـايــل عــديـــده
ارض بـهــا قـحـطـان وافـيــن الاشـبــار
ويــاعــز مـنـهــم بـالـشـدايـد بـسـيــده
واذكــر عتـيـبـه يـــوم للـطـيـب مـغــوار
لا ثــــارت الـهـيـجـا وقــــرب ضــديـــده
وشمـر هــل الـطـولات والـجـود مـقـدار
اهــل الـكـرم واهــل الفـعـول الحمـيـده
وقـوم اعنـزه مرويـن الاخـصـام الامــرار
اولاد وايــــل مــــن عــصــور عـهــيــده
ومـطـيـر قـــوم تـكــرم الـضـيـف لا زرار
ويـاويـل خـصـم فــي حـراهـم وعـيــده
واذكــر قبيـلـة حـــرب يـانـعـم الاخـيــار
وتاريـخـهـم يـحـكـي سـطــور مـجـيـده
و"سبــيـــع" نعم القوم ووجيه الاسفار
زبــن الدخـيـل لـيـا زبــن مـــن طـريــده
واذكـــر قبـيـلـة يـــام والـطـيـب يـنــدار
اهـــل الـعـلــوم الـوافـيــه والـرشـيــده
ثــم الـدواسـر تجـعـل الـخـصـم مـنـهـار
عـيــال زايــــد عــــز مـنـهــم سـنـيــده
ثـم السهـول اللـي لـهـا الطـيـب مــدرار
وعـن منـهـج الـعـادات مـاهـي محـيـده
ثـــم اذكـــر العـجـمـان حـمـايـة الـجــار
والـمـرجـلـه والــجــاه فـيـهــم عـتـيــده
واذكــر بـنـي مــره طويـلـيـن الاعـمــار
مـــا يـنـقـد الــمــري ولا لــــه نـقـيــده
ثــــم الـهـواجــر لابــــة تــقــدح الــنــار
اهــل الـركـاب الـلــي خـطـاهـا بـعـيـده
واذكـــر بـنــي خــالــد قـبـيـلـة وامــــار
قـوم لهـم فـي المـجـد قــول ورصـيـده
وبـني تـــمـــيـم اللي لها الطيب مصدار
"بـنــي تـمـيـم" وكـــل فـعــل تـجـيــده
ثـم الزعـوب الـلـي بـهـا الخـصـم يحـتـار
شـجـعـان مـاتـرضـى ســـوا مـاتـريــده
العازمـي وافــي وفــي الطـيـب بيـطـار
روحـه عـلـى كــل المصـاعـب صمـيـده
ثــم الظفـيـري فــي المصاعـيـب جـبـار
والـطـيـب والامـــداح بـاصـلـه وطــيــده
ثــم اذكـــر الاشـــراف بـجــلال واكـبــار
اهــل الـحـجـاز الـلــي تـفــك الـزهـيـده
ثـــم الهـذيـلـي لـــه مـواقــف ومـنــدار
راعـي الفخـر راعـي العـلـوم السـديـده
ثـم البقـوم الـلـي لـهـم جـيـش وامـهـار
ريـــف الـضـيـوف لـيــا لـفـاهـم ولـيــده
واذكــر ثقـيـف الـلـي لـهـم مـجـد وآثــار
ومـهـمـا حسـبـنـا مـــن كـــلام نـعـيـده
وبلـحـارث اهــل الـعـز بشـهـود واقـــرار
الـحـارثــي يـاطـيــب فـعـلــه وجــيـــده
والمالـكـي مـعـروف لا صــار مــا صـــار
فـي موقـف اهـل الطيـب يبـذل جهيـده
واثـنـي تحيـاتـي عــدد وبـــل الامـطــار
عـلـى سـلـيـم وكـــل خـصــم تـكـيـده
واذكــر جهـيـنـه هـــل مـواقـيـف وادوار
تلقـى الجهيـنـي راســم الطـيـب بـيـده
واذكــر بـلـي والمجـدلـه فـعـل واظـهـار
وتاريـخـهـم يـحـكــي فــعــول فــريــده
وبنـي عطـيـه فــي المواجـيـب حـضـار
قـــوم بـوقــت الــجــد قــــوم عـنـيــده
ثــم الحويـطـي والكـرامـه لــه اشـعــار
ثـــم الـشــراري لـــه فـعــول مـفـيــده
ثــم الرشـيـدي فــي الصعيـبـات صـبـار
عـلـى عـلــوم الـطـيـب فـعـلـه يـزيــده
وبـاقـي جـنـوب الــدار والـقــاف مـــادار
بـاقـي عـلـى قلـبـي كـــلام واشـيــده
زهـران نعـم القـوم فـي وقـت الاضــرار
والخـصـم عيـنـه مــن لقـاهـا سـهـيـده
والغـامـدي مـعـروف لــه عــزم واصــرار
راعـــي الـمـراجـل والـعـلـوم المـفـيـده
وشـمـران قــوم والجمـايـل لـهـا اطــوار
وبـلـقــرن ســــم لـلـقـلـوب الـنـكـيــده
والاكـلـبـي والمـحـلـفـي مـابـعــد بــــار
والـحـارثـي طـيـبــه وفـعـلــه يـشـيــده
وبنـي شهـر وبـنـي عـمـر سـيـف بـتـار
قـــوم عـلــى الاخـصــام نـــار وقـيــده
والاسـمـري والاحـمـري صيتـهـم ســار
بـيــن الـقـبـايـل والـمـواقــف شـهـيــده
واذكــر عسـيـر الـهـول ذربـيـن الاذكــار
وابـهـا احتمـوهـا فالسـنـيـن الـشـديـده
وادهــم والصيـعـر عـلـى حــد الاقـطـار
يحـمـون حــد الــدار مــن الـلـي يـريـده
وامشي مع الساحـل مـع جملـه افكـار
رسـمـتــهــا والــطــيــر زان اتــغــريــده
وانــزل عـلــى جـيــزان تـاريــخ واديـــار
ورجــــال فـيـفــا والـقـبـايــل عــديـــده
وارجـوا الـعـذر واهــل المواجـيـب عــذار
الــي نسيـتـه مانـذكـر فــي القـصـيـده
الـواهـبــي عــــدد ابـيـوتــه بـــــالادوار
مــن شـاعــر مـاشــل قـلـبـه حـقـيـده
شهـران ربعـي هـم هـل المـدح والـكـار
واهـل الكنـد واهــل السـيـوف الجـديـده
يـــوم الـبـلــد مـايـامــن الــزنــد لاثــــار
زيزومـنـا ابــن مـشـيـط نـعــم الـولـيـده
فالجهـل شجعـان وفــي السـلـم تـجـار
مــن بـطــن بـيـشـه للـتـهـم لارفـيــده
حبـيـت ابـيــن مـوقـفـي بـيــن شـعــار
وارجـوا سموحتكـم عـلـى ذا النشـيـده
مـاحــب انــافــق واتـعـنـصـر تـعـنـصـار
ولا نــي باطـيـع اهــل العـقـول البلـيـده
مـا كــل مــن طــب البـحـر قـيـل بـحـار
وما كل مـن شـل الفشـق جـاب صيـده
فالـشـعـر بـسـتــان بــــه ورد وازهــــار
والــلـــي تـعــداهــا بـيــوتــه فـقــيــده
واقولـهـا فــي الـشـعـر تـكــرار وامـــرار
ضـــرف بـــلا عـنــوان يـلـغــى بــريــده
وبعـض السوالـف لـه مواقـف ومحضـار
وشـعــر بـــلا مـعـنــى لــــزوم نـبـيــده
وصلـوا علـى المرسـول شفـاع الابــرار
مـحـمــد الــهــادي وقـــــدوة عـبــيــده
صلى الله عليه وســــلم ..
؛
؛
؛
ووالنعم .. بمن ذكر .. في ثناياها .. ومن لم يــُذكر ..
تحياتي للجميع ..
انتقــاء : نواف السويدي [/align]
رد مع اقتباس
المفضلات