[rams]http://www.alraidiah.com/vb/Re.ra[/rams]
[align=center]الرساله[/align]
[poem=font="Simplified Arabic,6,white,normal,normal" bkcolor="transparent" bkimage="" border="inset,4,gray" type=2 line=0 align=center use=ex num="0,black"]
لي والدٍ قبره بقى بين الأجفان = بيدّي دفنته وسْـط عيني لحاله
وشلون أبنسى والدي والحزن حان = لازلت أنا متعلقٍ في حباله
دامي سجدت لخالق الإنس والجان = ماله شريك أقسم شريكٍ ولا له
فردٍ صمد ماله شريكٍ ولا ثان = هو واحدٍ لا ماسجدت لبداله
محيي الرميم منزلٍ غيث الأمزان = وموّقتٍ شهر رمضان بهلاله
هو من جعل بالأرض مسجد وأوطان = مرغت وجهي بالسجود برماله
جبار قدوسٍ رحيمٍ ورحمن = سبحانه المعبود جلاّ جلاله
يا الله تلهمنا مع الصبر سلوان = بعض البشر يصرخ ويبكي جهاله
لي والدٍ لاجيت ابوصفه إنسان = سمحٍ وسيع بطان ياطول باله
من يوم ما ودع ترك كل الأحزان = بصدورنا ... بصدورنا يا عياله
كن الحزن رجال والصدر ديوان = ضيفٍ ثقيل ونستحي من سؤاله
قلبي قدوعه والتعاليل الأشجان = والشوق جمره والمحاني دلاله
والدمع وشهو الدمع كنه ولا كان = مبطي قضى من كثر فوحة زلاله
معقول من حزنٍ تصافق هالاسنان = كن الحزن بردٍ ذبحني ظلاله
في ذمتي ماعاد تقوى هالابدان = دام بمرابعها ينوخ جماله
جمرٍ لهب لاوالله الحزن بركان = ثار وحرق حتى الحصى في جباله
أسمع ولاأسمع كني إنسان سكران = أثر الحزن طينه وسكر وثماله
صبري رفيقي مثل ماتقول اخوان = لامرني شيٍ قعد وارتكاله
في محنتي هذي تنكرني وخان = بالرغم فيه من القسى والبساله
مالوم مثله أن حط رجله ولابان = موقف دخل كل الحزن من خلاله
مالوم رجالٍ غدى وجهه ألوان = يمنى رجوله تصطفق في شماله
لاشفت وجهه تُـقسم وتحلف أيمان = من عقب أبوه الموت قرب وطاله
الموت لك مثل الرساله وبرهان = والشعر الابيض لك من الله رساله
مُـرْسِـل رسالة ومُرسَـلٍ له وعنوان = لا جاء القدر لا ما يرد استحاله
الموت يالانسان والشيب خلان = الموت مثل البحْــرْ والشيب جاله
دام العزى بمكسرٍ كل الاوثان = طه شفيع الخلق لاجا مجاله
وينه ووين الناس مع مر الازمان = من مات أعماله بقت راس ماله
وصحتك والله ما تقدر بالأثمان = كل يسوق لصحته من حلاله
حزني دخيلك مابقى شي ماهان = كل ضحكةٍ شدت لغيري رحاله
لي والدٍ قبره بقى بين الاجفان = بيدّي دفنته وسْــط عيني لحاله[/poem]
[align=center]فيصل اللويش[/align]
رد مع اقتباس
المفضلات