بسم الله الرحمن الرحيم
هذه الدره من ا لشعر النبطي للشريف محمد بن عون
[poem=font="Simplified Arabic,5,black,normal,normal" bkcolor="transparent" bkimage="backgrounds/4.gif" border="solid,4,gray" type=0 line=0 align=center use=ex num="0,black"]
يالله ياللي كل حي يسالك= ياواحد كل يخافك ويرجيك
ياقاسم انوال الملاء من نوالك =وقبضة نواصي الخلق كله باياديك
تفك عقد احبال عبد شكالك =مستبرم حبله يعقد الشرابيك
بعيد عن الداني دعا والتجالك=يامن هو المالك وحنا المماليك
أرمي بحالاتي لذيك التهالك=تفرج عن القلب الذي فيه تشكيك
ماله من الحرفات الا الدعاء لك=والحيل قصر والايادي مفاليك
فلا أقتضى عسري بحسن الرضاءلك= فأجعل لنا صبر على العسر يرضيك
ناشدك داعى البين مالي ومالك=من كل صوب كاثرات دعاويك
قال ان هذا الامر لا لي ولا لك=أمر قضاه الرب اللي مسويك
لاتعترض أمر القدر في جدالك=ولاتحسب أن اللي مصيبك بيخطيك
قسمت احظوظ الخلق قسم السوالك=ومكتوب حظك يالفتى في نواصيك
جف القلم باللوح فيما اقتضى لك=اما سعيد الحظ والا مشقيك
وانا اشهد ان اللي كتب لك ينالك=يالعبد ربك باسم حظك يناديك
كل بتقدير الولي طاب فالك = أصبر على ماقدر الله يأتيك
ولا تلوم النفس فيما جرى لك= تبور غالي سمعتك بين اياديك
ويلومك اللي مادرى عن حوالك=ولا دري وش الدهر محدثن فيك
محد درى ويش الذي صاب حالك= وما جرى لك مع صديق معاديك
مكايده يبلن الأيام حالك= وعن الموارد قاصرات مداليك
ما شام بك من ديرتك عن عيالك=وما عرضك درب الخطر والتهاليك
واين انت والاقدار يوم ارتحالك= في وسط غبات بها الموج عاليك
مرة يمين ومرة عن شمالك=والعرب من التريك تأخذ بأياديك
ان قيل رد البوش واربط حبالك=ضاقت عليك احرارها والمماليك
فأعزم وشم ولا تضيق المسالك=ولا تسوي يا فتي شومة الديك
وإن جاد حظك باع لك واشترىالك=فوايده من كل الابواب تأتيك
وان بار بك دلا يهزل حلالك= برداء الثمن لزما يبيعك ويشريك
وان جاد حظك بالمجالس حكالك = وصدق مقالك كل من لك يحاكيك
وان جاد حظك بالمنازل بنالك= بيت رفيع شامخ الطول يدريك
وان بار بك خلاك تنقل عيالك=من دار الى دار ودار تجليك
وان جاد حظك كل شي صفالك= وقرايب الخلان كلن يصافيك
وان بار بك بين جميع العداء لك= وصار المحب أعداء عدو يعاديك
وإن جاد حظك كل شي عنالك=ويباشرك عند الموده ويعطيك
وإن بار بك ضليت محد بحالك=ولا بفنجال من البن يسقيك
وإن جاد حظك قام واطلق عقالك =ومشى معك في كل درب يباريك
وإن باربك جود متين الثنا لك= وعن كل درب يعقلك ثم يثنيك
وإن جاد حظك كل شيء زها لك=حلياه بأرواح المجالس تزهييك
وإن باربك شين حلايا خيالك= أليا أقبلت تغضى كل عين تراعيك
وإن جاد حظك كل شيئ أضالك= يشبه فم القنديل نوره يقديك
وإن بارك عزي لحالي وحالك= أرذل رذيل هافي الجد يوذيك
يالعبد لو كثرت حث ارتحالك= وعرضتها درب الخطر والتهاليك
نازي بلا حظ بعيد محالك= وقلوص عزمك بالمهامه اتخليك
تسعين عام يافتى مابدى لك= وللاح في بالك لزوم يصافيك
قل ول يا حظي على ماجرى لك=إلى أقل عونك ما اجتهادك بيغنيك
اكتب مكاتيب الشقاء والعنا لك= قل ول ياحظ الشقا أتعبت راعيك
ياحظ لو ذيب المفالي عوى لك= في مجلس حاويه صوت يعاويك
يقول لو حظك سعيد نما لك= من عشرة أولادك عضيد يكفيك
واليوم لاتأمن يمينك شمالك= يخونك اصدق صديق يماليك
ولا يغرك ان لقاك وحكى لك = ولو عطاك من المواثيق يرضيك
اخذ الحذر كل الحذر لو صفا لك= عيب على انك تأمن الخصم ياليك
تحصن بسوء الظن وابصر بحالك= واحذر جليس ضايع الراي يعميك
من سوء طبعه إن حكالك حكابك = يرضى عدوك بالنميمة ويرضيك
راعى المكر والكذب والبوق سالك=وراعى الثنا ضاقت عليه المساليك
يمشى ورأيه ضايع بالمهالك= لاشاف من دونه على الوكر عاليك
متنتظر الأقدار فيما جرى لك= شيوخ القبايل يتبعون المماليك
فاعزم بعون الله على مابدى لك= واقصد اله العرش حسبك ويكفيك
ياقلب هيد عن تذكر حوالك= واصبر عسى رب الملا يعتنى فيك
اصبر عسى تعطى خلف ماغدالك= رجل اليا سامتك الايام يشريك
يارب تجبر واحد قد رجا لك= عند الشدائد مزبن اللي يواليك
في يوم ماتعطى يمينك شمالك= مثقال حبة خردل من حسانيك
تعطين مقصودى وأنا اللي اسالك= ياسا مع من جالبابك يناديك
وأختام ملفوظي لنا في مقالك= أزكى صلاة إلى هادي الرشد هاديك [/poem]
تحياتي لكم جميعاً .
رد مع اقتباس
المشاركة الأصلية كتبت بواسطة أبو شادي
المفضلات