المشاركة الأصلية كتبت بواسطة راعي الوقيد
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياعيال ياللي فوق حيل مواجيف = هنيكم يامبعدين عن الهور
سوا بي البرغوث شي زعانيف = ومن شاف وجهي قال هذاك مجدور
واديرتي صوب الهضاب المشانيف = من دونها ياما نبالي من القور
ياما بها من عايزات التواصيف = وغر المذابح بيهن الملح منثور
وجدي عليها وجد راعي مواليف = ... تاتي ثمانين مقهور
جاها عقيد ردّف الجيش ترديف = ونوخ لها مابين جال وعثمور
او وجد راعي غرسة تنثر الليف = اربع عقايب واربع فجة النور
حلوا بها مع طلعة الشمس تنسيف = واصبح نماها كنه الجوخ منثور[/poem]
هذي القصيدة قالها الأمير : عبدالله العلي آل رشيد..
عندما كان يسكن ببغداد مروا عليه اهل ركاب وقال : وين ياهل الجيش ؟؟
قالوا : نبي حايل ..
قال : زاد خوذوا هالرسالة معكم...
وقد تكون القصيدة اطول من ذلك !!
لكن هذا اللي عرفنا منه ...
تحياتي
[poem=font=",7,orange,bold,normal" bkcolor="black" bkimage="" border="none,4," type=2 line=0 align=center use=ex num="0,black""]
يامن يوديني مـن الريـف للسيـف=ويامن يودينـي مـن السيـف للهور
ويامن يوديني مـن الهـور للهيـف=نجد(ن) هواي وكل من طاع لي شور
سوابـي البرغـوث شـي تعانيـف=من شاف حالي قال:ياحول مجـدور
ياديرتي بيـن الخشـوم المهاديـف=ومريقب العيفـار والعيـن والقـور
ياما بها مـن لابسـات المشانيـف=غر المذابـح فيهـن الملـح منثـور
وجدي عليها وجد راعـي مواليـف=حيرانهـا وقـم الثمانيـن مقهـور
جاها عقيد(ن)ردف الجيش ترديـف=نوخ لهـا مابيـن جال(ن)وعثمـور
او وجد راعي حوطتين(ن) مهاديـف=فجر عليهن طلعه الشمـس بنهـور
الروم جوه ,وجعفوا فيـه تجعيـف=خلو ثمرهـا كنـه الجـوخ منثـور [/poem]
هالقصيده لك عباتي يابوفيصل ان كانت من شعر عبدالله بن رشيد
فهي غريبه على اشعاره وليست هذه طريقته في الشعر ولا هي تعبيراته وبحكم ان
انسابي من عنيزه فجميعهم مجمعين ان القصيده قصيميه وانها لواحد من اهل المذنب اسمه ابن
يحي وهي مذكوره في منتدى قحطان ومنسوبه لابن يحي ويقول الكاتب :
((وردت هذه القصيده في مخطوطه (لباب الافكار)لابن يحيى التي لم تنشر حتى الان وليس من
تعريف لشاعرها سوى انه (راعي المذنب) وهي كما يبدو لشاعر من اهالي بلده المذنب السعوديه
قالها عندما كان في العراق ويبدو انه من تجار العقيلات او انه ذهب هناك لطلب الرزق وفيها يتمنى
العوده الى وطنه ويبث اشواقه)) 000
والقصيده لاتشبه اطلاقا اشعار ابن رشيد وكنت سابقا اتوقعها لعجلان
ابن رمال الا ان المذكور بالمخطوطه ارجح000
رد مع اقتباس
عند حدك
المفضلات