السلام عليكم ورحمة الله وبركاته
اكيد كلكم تخبرون قصة عنتر وعبله وقيس وليلى ؟؟؟
طيب
بالله عليكم عمركم سمعتوا ان عبله اطلق بنت بالقبيله وان كل القبيله يبونه ؟؟؟
طيب سمعتوا ان ليلى خوية قيس كل العرب ميتتن بدباديبه ؟؟؟
عاد انا يامحارش ومنذو مبطي وانا افكر وافكر وليه العشاق والرومانسيين الاولين ماحد يحسدهم على عشقهم الا تسان واحد ويطلع طفس بعد ؟؟؟
وبعد التدقيق والتمحيص تبين لي ان عنتر وقيس اذكياء بشكل غير طبيعي ومن زود ذكاهم اختاروا اشين شينات قبايلهم وحبوهن ولا لو انهن زينات تسان كل بني عبس وكل قبيلة قيس ( مادري وش اسمه ) تسابقوا لخطبتهن وادهرت الهوشات بينهم :D
قلت بنفسي وليه ما اصير زي قيس واختار لي وحدتن شيفه علشان احبه وتحبن ونغدي قصه بين العربان
وعلشان اضمن ماحد يتنحّس لي قلت ياولد دوّر لك وحدتن شينه ورفلى :D
ما اودي اتسذب عليكم واقول اني تعبت ياما حصلت المطلوب
المراد وانا اخطبه وهم يدلون يتغلون علي شوي قلت لابو البنت اسمع يابو الشباب احمد ربك اللي لقيت واحدن يخطب منك مار جوزن وخل الموضوع ينتهي على خير ( <<< شكله خطبه بالحقوق المدنيه :D ) ووافق بلوووووشي بس ان الهيس طقن بمؤخر صداق 300 الف ريال وددسن 82 ما سمكرت :D
وسبحان الله ما امداني اخطبه الا وتدهر حركات النحاسه من كل جهه , لا والقهر ان فيه ناس من الربع ما عمرهم كلموني ما دريت الا هم مكلمين وينشدون قلت اختصروا قالوا صحيح ان ابو البنت عنده ارض ويبي يمره خط سريع بين القريات ونجرانوان الحكومة تبي تثمن ارضه بخمسين مليون :p قلت الله الله وبعد سمعت ان ارضهم طلع به بترول اذا صفوه يطلع بنزين والماس
ما امداني اطبق السماعه من هذا الا متصلن واحدن من خوياي وهذا بالذات ما عمره نشد ابد , ياشيخ لو يمر من فوق راسه طبق طائر ما رفع راسه يراعي له ولا نشد عنه |513| وعقب ما سلم قال الا تعال يامحارش هو صدز انك خاطبن فلانه قلت الله الله قال امممممممم طيب اذا سألتك سؤال تجاوبن بصراحه قلت ابشر قال صحيح ان هالبنت اي مكان تطبه يتبارك
اللي يقهر ان حتى ريّس الارجنتين الاول كارلوس منعم اتصل وحاول انه يشوّه صورة البنت عندي ( ومن يومه عرفت ان النحاسه تلحق على سابع جد )
من كثر المكالمات اللي جتن جبت لي مأمور سنترال يرد على المكالمات ( اجل بزعمكم يصب شاهي
المهم اني تزوجت هالشديهه
ومرت الايام وحنا ودتسه على مربي جحمن الوناسه وفلة الحجاج ( غير فلة الحجاج حقة المضايف ههههههه ) هو صحيح انه ما تعلمت الطبخ الا عقب شهر من العرس بس الحق يقال انه طلعت احسن من طبخ جمال ( راعي البوفيه ) والله ياهي تحكر الشكشوكه بشكل غير طبيعي حتى اني مره كليت ثلاث اصابع وما انتبهت لروحي الا عقب ما جيت ابغسل يمار مالي الا اصبعين وافزع للمستشفى يرجعونهن
هذا غير الاومليت والإق اند شيز وبيض العيون , الله الله على بيض العيون
وبعد شهرين حسيت اني مغير اشاهق فجأه ؟
رحت للمستشفى احلل ( لاحد يفهم غلط :D اخبر تفكيركم ياعربوه
وبعد التحاليل هز الدكتور راسه وهو يقول لا حول ولا قوة الا بالله !!
ده مش ممكن !!
وانا مبلهثن تقل وجه رغوث صبح مطر :D
قلت يا دكتور تر قلبي سقط بين مصراني مار علمن لا اتوطى بحياض بطنك
قال اسمع ياولدي لازم تتوأف دل وأتي عن اكل البيض واي شئ فيه ريحة بيض ان شاء الله حتى الشمبو بالبيض لازم تتركه ولا حيوديك في ستين داهيهياراقل دا انت من دخلت العياده ما فطنش :D علي الا ديك قدّتـي الله يمسيها بالخير ( ايه يابعد حي هذولن اللي مهن جداتنا الله يرحمهن اللي ما وصلن الاربعين
رجعت من الدكتور وانا كلي احباط وقلبي يقول تك تك:D وانا اتخيل شكلي اصير ديتس ؟ استغفر الله .
اراااااااااا يا عيشة الوزا
وش هالحظ الاقشر !!!
عاد اما احدن منكم يلقى ددسن ثنين وثمانين ما سمكرت لا يخـفّـي علي مار لو بنص مليون :D
رد مع اقتباس
طعوس والا صبخا|118| <<<ناوين عليه[/ALIGN]
p
مشرف مضيف الترحيب والتعارف
المفضلات