عجزت لكتب قصيده

**نافع بن طواله** · 25-12-2001 00:26

أتمنى مساعدتي
إن قصيدة الدغاليب طلبت مني والذي طلبها شخص من العجمان
وعلى من يعرفها أن يساعدني ويكتبها مشكورا
الدغاليب لفيصل بن طواله

على فكره حاولت أن أمسح العنوان وما قدرت

**الشقاوي** · 25-12-2001 09:29

شقا شقا
شقا شقا
جاك الشقاوي يمشي الفين
وش الفين لاوالله الا ازود ابشر يابعدحيي
بس ياخوك اعطني فرصه ابي ادوره
عزاه لي من الشقا
مع السلامه
مع تحيات ALSHGAWI

**بشير اللويش** · 26-12-2001 00:52

تلبية لطلب قاسي الباس

وفزعة مع الشقاوي

هذه قصيدة الشاعر الكبير / فيصل الطواله

الدغاليب

ابشرك مايقود الوجه مذهبهم
ولايرفع الراس من هذي سواياهم
ماهم رجاجيل لو طالت شواربهم
ولاهم اجـواد لو الكل ينصــاهم

حمامهم طار من فرية مخالبهم
وغربانهم من طمان النفس ترقاهم
حاضرهم ان جاع ياكل لحم غايبهم
واقصاهم الياشبع من فضلة ادناهم

اكذبهم اصدقهم واصدقهم اكذبهم\n وارداهم اطيبهم واطيبهم ارداهم
ياصاحبي لاتحسب اني مصاحبهم
لاوالذي في يديه الموت واحياهم

ماهم لي اعدا ولاني من حبايبهم
ولاهمني لو يحطوني من اعداهم
مهما تحدوا فلا والله احاربهم
ماهم كفولي من شان اتحداهم

مابي رضاهم ابد وان كان يغضبهم
غضبهم افضل من اني اطلب رضاهم
ينعاف غيم تسوقه لي هبايبهم
وينعاف ضو يجي باسباب ضوضاهم

اذا خسرت المبادي يمكن اكسبهم
وبيعتهم بـ ... تغنيني عن شراهم
وانا ادري ان البلا من راس شايبهم
عـفنٍ مـخلي نظـرهم عـند ماطـاهم

لو هو رجل كان عـلمهم وادبهم
ماكف يمناهم ولا مد يسراهم
ماقول الا ياعل الله يذهبهم
والله يعمي بصرهم كان ماعماهم

قريتهم واحسب اني اقدر اكتبهم
وكتبتهم واتضح لي ماقدر اقراهم
ليت العصافير تدري قبل تشربهم
ان الدغاليب عيشتها على ماهم

وابشرك ماحد يقدر يعاتبهم
الا الذي منهم وفيهم وشرواهم

** تمت
صح لسان شاعرنا الكبير / فيصل الطواله

تقبلواا تحياات اخووكم الصغيرر

بشير اللويش