[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
(( فاتر الحيل ))
خذني اليا غاب القمر وأضلم الليل = خذني قبل لا تشرق الشمس وتغيب
عقبك سهادي نوح .. حزن .. وبهاذيل = عقبك انا والليل .. والهم .. أصاحيب
بوح المشاعر ترجمته الهماليل = من حر غربال الجروح المعاطيب
ليت السوالف فيك .. ليت التعاليل = مره تحس بلوعة(ن) سقمها الشيب
شبيت جمرك وأنتهض ( فاتر الحيل ) = يسوق شرهات الغلا .. والمطاليب
يالمترف المياس خل المضاليل = تضمني ضم الضلوع المحاديب
مثلي اليا هب الهوى يشرب الويل = واليا ضميتك ما تلبسني العيب
الجدي منك أيغار مادامك أسهيل = معذور دامك تجمع الزين .. والطيب
تعال خذني قبل لا يضلم الليل = خذني قبل يشرق محياك ويغيب
شعر / خليف
[/poet]
رد مع اقتباس
مشرف مضيف الترحيب والتعارف
فاعذرني على ذلك التأخر
المفضلات