قصيد الشاعر الفذ والمخضرم الشاعر الكبير
منصور الرمالي
[poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="double,6,red" type=0 line=200% align=center use=ex length=0 char="" num="0,black" filter=""]
بديت بذكر من فيه استعينا= اله الكون فى ذكره بدينا
عظيم الشان رب الخلق الاوحد= تعالى الله خير الخالقينا
اله حرم الظلم وتوعد= توعد بالعذاب الظالمينا
ارد الرد لبن نعيم هايف= احذر من سب الغافلينا
يتجنب كان هو يبغا حياته= ويويله كان هو طاح بيدينا
يعيف الاوله هى والتوالى= ويعرف افعالنا ليا من بلينا
يعرف ان الفعول فعول شمر= وشمر بالفعول المثبتينا
وانا ماذم حمران النواظر=ولانى من الى يسب الغافلينا
اخاف الله انا ادارا عذابه = عسى ربى من الظلم يحمينا
ولكن ابتلانى هايف الى= ذكر لى غلبنا غلبن علينا
بدا فى ذمنا والبادى اظلم = فتل حبله وبنقصه ابتدينا
غزانا الهيس بلسانه اخذنا = ذبحنا بالكلام ولا درينا
تمادا بالغرور وبالمذمه= ظلم نفسه جعل حضه دفينا
ردى النفس مدرى ويش اصلبه= ولادرى ويش بالخايب علينا
ولادرى وين ربعه من كلامه = علامه مالقاله ناصحينا
قليل العرف مثل الورع ينصح= ولكن ما نصحوه العارفينا
ولا درى ويش بالجاهل= فعايل من لهم فعل يقينا
جعل فعل القبايل غير شمر= وتقول مطير نجم معتلينا
ولكن محد حسب احسابه= ولا لحساب من مثله خذينا
احده وان بنا بيت نهده= واذا عاند على خشمه وطينا
اهنيه لين ينسى مبسمه وين= ولايعرف اليسار من اليمينا
وينسى كيف ينظمن القوافى= تبدل زجرت الماضى ونينا
الا يالذيخ وش خلاك تكذب= وتحط نفسك مقام الكاذبينا
تقول فى بكير ذبحت الطنايا= متى ذا صار ياابليس اللعينا؟
على كيفك ذبحنا بزيفك= بزيف وكذب ياوهام تغزينا
ترى فى بكير ماذبحت شمر= خذيتوا مثل ماحنا خذينا
ولكن اذكرك باام الجماجم= بها زدنا عليكم واعتلينا
هزمناكم بها اكبر هزيمه= وترى ماسلموا الا الهاربينا
بها صلنا وجلنا لين نلنا= ورجعتوا خاسرين ونادمينا
تندموا على حرب الطنايا= ورجعنا للغنايم كاسبينا
طنايا نروى الظامى من الدم= على راس المعادى له خذينا
اذا يالهيس تجهل فعل شمر= سل التاريخ يعطيك يقينا
اذا انك ناسيله ماتذكر= ترى التاريخ يذكر مانسينا
سل الاجواد عن تاريخ شمر= كبار السن والى فاهمينا
يعدون الصحيح ويقنعونك= والى يخفاك منهم لك يبينا
هل الذمه هل التاريخ سلهم= ولو هم من عربانك الا قربينا
تركد وانشد العقيل عنا= قبل تظلم وبالقيل تهجينا
تقول مطير صاروا عون شمر= على الويلان معنا قايمينا
متى شمر طلبوا العون منكم= كذبت ولالكم فظل علينا
ولكن قول مع ابن سعود قمتوا= مع مبارك وقفتوا ولتقينا
وعليكم بالصريف الرعب خيم= ورجعتوا مع مبارك خاسرينا
اعنتوهم علينا وان هزمتوا= عوين خيب ظن المستعينا
فلا نلتوا مديح وما سلمتوا= مثل من عاد يم القريتينا
تقول الظيغمى شلتوا جواده= واخذتوا ملك قتنات السنينا
اقول انت تهبا كاذب وكاذب= غلا شالوا عموم مطير شينا
كذوب وبالخفا عنك تعمد= لعنك الله لعنه كل حينا
تقول انه قليل اللى غلبكم= وتقول بكل وقعه فاز عينا
ونسيت الغزوه الى كذ غزاها=الى حد الحجاز مصطرينا
ابن عونى شريف اسمه محمد = غزاك وين فعلك باليمينا
وذكركم مع ملاقاته وانتحيتوا= ولاتخفا عليك ولا علينا
شواهدها قصيده من غزاكم= ونفس النص موجود لدينا
وغزانا ولتقينا به بموقف= وحنا الي ثبتنا مانتحينا
تقابلنا وصار الصبح الاضلم= يشيب من الفزع راس الجنينا
صمدوا فريس سنه تسعين ليله= سناعيس لها ذى ماتلينا
وجت زوبع وطير العز غنى= اناشيد النصر لصامدينا
بذلك اليوم سمينا الطنايا= طنايا مانهاب ليا طنينا
طنايا مارضينا بالمهونه= ولانرضى المهونه ماحيينا
طنايا الذل ماننزل جواره= وعلى النفس المذله مارضينا
طنايا وان نطحنا كل غازى= تراعد خوف من يقبل علينا
طنايا من حربنا له ضربنا= نصب الويل فوق اللي يجينا
طنايا نارد حياض المنايا= أُسود بالحروب مجر بينا
طنايا وان جلت حل القضايا= احرار بالعلا لى معتلينا
طنايا نرضى العانى ونعطى= وعطايانا الجزايل ليا عطينا
فكم من واحد سار ونصانا= يشوف العز من ساعه يجينا
طنايا يوم ارماح القوم تخطى= تصيب ارماحنا من به رمينا
طنايا فعلنا فعل يترخ= ويبقى ماعلى البيدا بقينا
تدارسه الاجانب غير حنا= عظيم ولو جحده الجاحدينا
طنايا هم سلاطين الجزيره= هم الحكام فى ماضى السنينا
طنايا من الزمن قرن احكموها= اضف عشرين معهن حاكمينا
تسيدنا وسدنا بالقبايل= قبايل نجد كلها له ودينا
وتسلطنا بحد السيف الابتر= وزجنا من تولاه ولينا
على يدنا هدمنا حكم دوله= وعلى يدنا لدولتنا بنينا
حكمناها بقوه ماهى هدون= اخذناها بدينا واعتلينا
وكتبنا اسم الطنايا فوق عرشه = واسم من كان يحكمها محينا
وفتحنا فى سجل الحكم صفحه= وصفحه من حكم طوينا
حكموا فيها ال الرشيد ابطال شمر= نعم هم من حكم حكمن مكينا
وترى شمر فعايلهم تعجز= تراهم بالفعول المثبتينا
تلغبنا بغلبا من غلبنا= لكثر غلطنا العايل علينا
على الاعداء قاسين وصارم= يلينن الجبال ولا نلينا
طنايا وان نخانا كل مبلي= توشحنا الهنادى وان تخينا
ونخينا كل مقدام مجرب= وجمعنا الجمع بالجمع التقينا
اخذنا ثار من صوت لشمر= بدل ذلول شيخن رمينا
من شهايد لهم مليون هيفا= تنخوا وان تناثر باليمينا
وفعل فعله وصاروا روس الطنايا= وعلى فعله اخصومه شاهدينا
ونوانا الشيخ ابن هندى بحايل = وحنا من نوانا له نوينا
تحركنا ونزله له بعروق قفرا= عقلات الشيخ وعنينا
تقابلنا الضحى والشمس حيه= وخسر فيها وحنا الرابحينا
ورجعنا للجبل معنا الغنايم= عوايدنا ليا منا غزينا
وفعلنا المعجزه فى كون بقعا= ذبحنا كل طاغى ماطغينا
صفا بقعا عليها الدم غطا= وكم راس شيخ له وطينا؟
شريدتهم حلف واقسم وطلق=فلا يغزا مداعمره يمينا
وحاصرنا الكويت اشهور اربع= وثلاث قلاع بالجهراء بنينا
ولاذوا فى حما الانجليزعنا= وفعلنا المعجزات ولا انثنينا
ونخانا الشيخ ابن ثانى واجبنا= كما العاده ليا نخينا مشينا
امرنا الضيغمي نمشي وسرنا= لبن ياس وهل البحرين جينا
وصلنا لدار ابن ثاني وغرنا= على جمع غارات الطامعينا
وهزمنا جمعهم والكل يشهد= وشواهد ماذكرت القلعتينا
الى يوم رفسوا برزان تعرف= دلايل فعلنا لو ما حكينا
يكون الفعول بفعل فاعل= وحنا الصعاب الفا علينا
وغزينا المنتفج باطراف دجله= وهزمنا جمعهم يوم ارتكينا
هزمنا اللى بها مبارك يحامي= عن الفزعات ياما له نهينا
ولكنه تمادى فى غروره= تناسى فعلنا مدرى نسينا
جزى قيمة غروره نص جيشه= جزى للكبر والمهتزى فينا
اقول اجموعنا شبل مجرب = شجاعن مايذل ولايلينا
شجاعن عن كل اهل نجد تهابه= ويهابونه هل البصره وسينا
له الشيخان يهدون الهدايه=000 وله الفرسان هيبه خاضعينا
سلاطين الدول تاخذ احسابه=ولااحدن فيه يقدر يستهينا
وجميع ال الرشيد ابطال شمر= لهم فعلن وتاريخ مضينا
جمعوا مابين الاماره والشجاعه= ومابين اللين والعزم المتينا
ولو نجد وحموها واحتموها= أُسود الغاب حامين العرينا
أُسود مايهابون المعادى= أُسود يقهرون المعدينا
أُسود اسياد سادو بالجزيره= أُسود عيال اسود محنكينا
أُسود اسياد سادو كل سيد= هم الاسياد رغم المنكرينا
وترى شمر تميزهم ثلاثه= بها عن غيرنا متميزينا
صخانا الحاتمى من دور حاتم= اضف معها الشجاعه ثم دينا
ورثنا الجود من أبو الجودحاتم= بنا الامثال تضرب كل حينا
وسكنا بالجبل قبل النبوه= ومابعد النبوه له حمينا
ونحينا عن جبلنا كل طاغي= بحد السيف قطاع الوتينا
براضي نجد قد رفرف علمنا= ومن البصره الى حد الرافدينا
تحت رايتنا تمشى قبايل= ومن يعصى على داره مشينا
وحنا أهل المروة والأخوة =واذا ضاقت على المبلي يجينا
وكنا اهل الريادة والسيادة=لنا تخضع ارقاب العالمينا
طنايا للمعالي فوق نرقا=سنام المرجله فوقه رقينا
لنا التاريخ يشهد بالحقايق=مع اهل العرف فيهم شاهدينا
حقايق لو جهلها مثل هايف=كثير الناس ماهم جاهلينا
حقايق لو جحدها كل جاحد=تبين وتتضح غصبٍ تبينا
حقائق حق تثبتها وثايق=لها التاريخ واثباتٍ ضصمينا
ولا أحدٍ يدعي بأفعال غيره=سوى عن اللي بالفعايل عاجزينا
[/poet]
أخوكم المحب المتوكل
قال تعالى : (( وإذا خاطبهم الجاهلون قالوا سلاما ...)) سورة الفرقان
ونعم بمطير وألف نعم بكل فرد من أفراد مطير الصديقة والغالية هم إخواننا
هم أصدقائنا لهم عز شامخ ومجد طيب .. أهل مطير أعزاء علينا يأتون لزيارتنا
ونذهب لزيارتهم هم أحباب لنا .
أهلي وعزوتي ولابتي أبناء شمر المجد شمر التاريخ شمر البطولات شمر
العز شمر الفخر شمر الحضارات شمر الحكام شمر ألأمراء شمر الدين
شمر الثقافة شمر العلم شمر .. وشمر .. وشمر ..
دعكم من هذه الفئة من الأشخاص لا تلتفتوا إليها أبداً فالحق ظاهر وبائن
وواضح وضوح الشمس (( والشمس ما تتغطى بغربال )) معروف من هي شمر
ولا ينكر ذلك الا جاحد أو عاق .
وكما قال الشاعر :
اذا أتتك مذمتي من ناقص ...... فذلك شهادة لي باني كامل
ونعم بحمران النواظر نعم وألف نعم بهم جميعاً إخوان أعزاء على قلوبنا
ونعم بمطير وكل القبايل العربية الأصيلة صاحبة الأخلاق الحميدة الرشيدة
* سائلاً المولى أن يهدي هذا الأخ الحبيب المحترم وأن لايعكس صورة سيئة
عن قبيلته العزيزة الصديقة بل يعكس صورة مشرقة منيرة وأن يستعيذ بالله
من الشيطان الرجيم من همزه ونفخه ونفثه .
وعلى الجميع أن يتق الله فيما يكتب أو يتكلم
ودعكم من النقاشات والجدالات والحوارات الغير مفيدة التي لاتسمن ولاتغني
من جوع .. أنتم جميعاً أبناء قبائل وعشائر معروفة وذات ماض تليد انشغلوا
بما يفيدكم وينفعكم عند الله تعالى لاتدعوا للشيطان بينكم نصيب أُخذلوا
الشيطان الرجيم بارك الله فيكم جميعاً ..
--------------------------------
***أخوكم المتوكل ( خالد بن سالم الرمال )
رد : فارس قّل أن تلد مثله أرحام نساء الجزيرة العربية ,,
المفضلات