[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
(( جمرتينك ))
دام حبك مايوصف يالكحيل = شف خفوقي في يديك .. وتملكه
مايوصف بالكثير .. وبالقليل = فوق تصوير الخيال .. وفبركه
قلبي حبك مايبي هرج .. ودليل = السوالف اتركه .. يعني اتركه
ماقويت أنساك .. وأسلا .. مستحيل = لانهوجس بالفراق .. ونسلكه
أعاهدك خل(ن) .. وعاهدني خليل = من نسى خله فلا فيه .. أبركه
دام حبك جابني مثل .. الهبيل = كل حر(ن) له حمامه .. وشبكه
ياوليفي ما أبي غيرك بديل = لابجنوب .. ولابشمال .. المملكه
أنت مابعدك .. ولاقبلك .. جميل = الحلا .. والملح .. كله تدركه
جمرتينك .. والبرد .. والسلسبيل = مثل حد السيف وسط .. المعركه
ياحبيبي لاتزيد الويل .. ويل = لاتولع بالخفوق .. وتتركه
لاتزيد القلب طعنات .. وتميل = ولا تدري لك هديه .. وأملكه
خليف الجهيلي
[/poet]
رد مع اقتباس
مشرف مضيف الترحيب والتعارف
المفضلات