أفزعو رحم الله والديكم مطلوب فلتر واحد بس

**عبدالعزيز** · 20-12-2003 22:06

ههههههههههههههههههه
مدامه روثمان خلوه يجيب الفلتر والزقاره;)
وانت يابن جشعم الملف كبير والله
والدس اس ال هذا هو يسمعك مار (م ق ط و ع|513|)
ماني مجدد لياما ينزل شوين سعره ... صلخونا عيال الحرام

**مفتاح14** · 20-12-2003 23:01

عزوز ارسل لي جهازك وانا انزل لك الفلتر|118|

بس وش هي امكاناتوه هالفلتر اللي حجمه 45 ميقا؟؟ |1|

شكلوه هولتن من الهول|118|

**الشمري محمد فهد** · 20-12-2003 23:30

[ALIGN=CENTER]

كاتب الرسالة الأصلية : (عبدالعزيز)

ابي اشوف محل الصلحاني تسان عندوه جاهز بسيدي ولا بلياوه كلوه

الدنيا فوضى

لاتنسى تعطي ابوسلطان حق الدعاية لهم - ;)

إلا تعـال

وينه محل الصلحاني :confused:

ماخبر محل بهالإسـم |513|

|[/ALIGN]

**عبدالعزيز** · 21-12-2003 06:20

هكا اليوم امي قالت ابي اشيك على الماسنجر هاذي حزة اتصال جوزا وقوت ونصرة ووضحا ... حريم جيراننا وعييت عليه وانت تبينن ارسله لك مرة وحدة
معصي والف معصي يابعد حي
وهالفلتر ايوالله انوه هولة ويبذح التسبد بعده عنك .. مار الشكوى لله
يحدوننا على الدراهم وحنا مفاليس لابواللي هم كيفرانن لوه ... بس على مين يلعبونه وحنا هل الجطل ... الله يعزالصلحاني

هلا القلب العاصف
انت اما انك من اهل حايل ومانت به او انك بحايل ومانت من اهله ... أقول لك ليه
لأننا ياهل حايل معروفين بنسب المنشأة لمالكه ولو يحط له عشر اسامي تجارية .. مثلاً
هكا الحين العجوز ارسلتن لبرزان قالت ياوليدي رح للهدس جب لي منوه طاحونة كورن فليكس مدري موللكس او مونلكس والله وانا ادوج بين هالدكاتسين انشد عن الهدس ومن ناشد لناشد لياما جيت هكا الشويب المنعفط على كرسيه وعندوه كومة شيبان أبد عدك داخل متحف القشلة
وسلاااااااااااام ياخال ... هلا ياولدي ... هذا دكان الهدس
قال .. وش تقول قلت الهدس قال انـ انـ انـ انتسلععععععععععععععع لعناللهابواللي انت فرخن لوه ياولد بليس .. وماتشوف الا نثر الصطول من تقمزي لهن
اثريه معيارته ولا اسم محله معروف .. بس حنا ياهل حايل بنا هالطبيعة
والصلحاني مدري والله وش اسم محلوه :D
لكن شفه مقابل زاوية مبني المباحث اللي بالمطار الجنوبية -الشرقية
تصير مكتبة المعرفة على يمناوه بينهن شويرع صغير

طب وتخير من هالبرامج عندوه ونق العشرة عن كل شيدي
الا وش رايك تشري لي سي دي الفلاتر منوه وتحطهن عند هالبقالة اللي باقصى شارعنا؟:D
بس قل لوه حق عبدالعزيز وهو يدري .. معطينن اياوه ببلاش عشان هالدعاية

**مفتاح14** · 21-12-2003 08:40

عزوز ههههههههههههههههه

اثري اسمه الصلحاني هذاك|513|

تصدق شريت منه مره سيديات وطلع بهن فيروسات

كان واحد من السيديات بوه مجموعة برامج والظاهر معطينه له اسمن حلوو علشان يجذبون الزباين مدري المجموعه الذهبيه او هي الماسيه او من هالكلام وبالاخير تطلع كومة فيروسات الله لا يوريك|513|

المفروض مسمينه المجموعه الخربوطيه الفيروسيه لابارك الله به من مجموعه

ومرّه كنت باجازه وهو ينشب بحلقي اكالواحد يبي لوه برنامج ترجمه قلت ابشررر وانا اطمر لهالمحل قلت عطن برنامج الوافي او الكافي او الصافي:p المهم برنامج يترجم والسلام.. قال اصبر شوين وهو ينطق من عندي وياخذ لوه شوين يمار يوم جاب السيدي تقل مايبي احد يشوفه وانا اخذهن واوديهن لخويي ويوم جيت ابحملهن بجهازه يمار ناقصهن ملف الست أب
(Setup):confused:
يعني مافيه امل تسوي له install
الوكاد اللي عايفن جهازوه يشري منهم

<<-- خرب على دعايات عزوز:p

**ابن جشعم** · 21-12-2003 10:21

[ALIGN=CENTER]وين وين ياشباب ؟؟؟؟؟

وش هالسوالف وهالخرابيط !!!!!!

تروكم بمضيف الكمبيوتر والإنترنت مانتم بفلّة الحجاج

لاهي لكم عاده تقعدون تخثردزون عندي بهاه |512|[/ALIGN]

**عبدالعزيز** · 21-12-2003 19:53

عاد يوم انك شريك منوه ماعرفت اسموه يابن الحلال ؟
واما الفايروسات عزالله انهن بالكوم عنده .. لكن عادي سو تنظيف له قبل ماتفتحه .. نوبربلم
ودخلته للببيت هذاك تروه بيتوه ... على اساس
الرقابة ماتقول تقول له برم
مثل الاستريوات لامنك بغيت جلسة منهم;)

وعلى طاري الاستريوات .. ماحولك استريو ابي اشوحه على لي واحدن بهاه
هالحين يقال له يخرعنا هذا يامفتاح؟:D
ندري اننا بمضيف الكمبيوتر والانترنت ياااااااااااخخخخخخخي
ايبالله صايرن مضيف الملك فهد عاد
أساساً حنا وش خلانا نتقابل غير هالكمبيوتر والانترنت؟
متبئاش معصلك وحشري ياراقل
تفاهم معه تكفا .. انت عمود العز وحنا لك اطناب يالغالي .. وش حنا لولا الله ثم انت يامفتاح العز والجود والأخلاق والشيم .. الرجال يبي دهن سير:D

**مفتاح14** · 22-12-2003 13:15

8
8
8

انت تشووووف؟؟

هذي طرده عيني عينك

يشوف انه هو مايجي لفلة الحجاج ويبينا مثله مانجي بهاااه

بكيفه هو الخســـران:o

**عبدالعزيز** · 23-12-2003 11:15

9,30 الصبح بديت انزل ابو39ميقا ويوم تمت الساعة 11,5 تقريباً وقف على 29% ولله انوه يتعداه ..... الملف طلع فش
وتليته تقول لاتشوفكم عيني!
يجيبه ربك باتسر يامفتاح قلبي انت

.......
هالحين بديت بابو45ميقا والللللللللللللللللللللللللللله يعينن عليه

**مناكد** · 24-12-2003 07:53

عبدالعزيز

أنا نزلتهم كلهم...

وركبت أبو 39 وشغال من أبدع مايكون...

وبعدين قلت يمكن أبو 45 فيه ميزات أكثر...

والله من اللقافه وأشيل أبو 39 من جذوره...

وأجي أركب أبو 45 ويعيي لايشتغل...There is a problem with the (set-up executio...

والظاهر رايح أرجع لأبو 39.....

والسلام