[ALIGN=CENTER]
الفكره هل هي حقيقة ام خيال
أخر ماكتبت لمن يهمه ذلك ؟
((الفكـــــــــره ))[/ALIGN]
[poet font="Simplified Arabic,5,white,normal,normal" bkcolor="transparent" bkimage="" border="none,1,gray" type=1 line=200% align=center use=ex length=0 char="" num="0,black" filter=""]
بنت فكري مومسٍ بنت الحرام = مومسٍ (لاوالله) ألا فاجره
مؤمنه جتني وطقت بي (خيام)= واتضح لي وجه (وجه الكافره)
أن جيت أصلي00 تبتديني بالسلام = تسرق أطراف الحكي وتسامره
أن قلت تجذبني (نعم) مابه كلام = لو أناديها تجيني حاضره
من بياض الساق تلمح هالعظام = لاتهادت00لاتمادت00خاثره
جمرتينٍ ثامله تحت اللثام = كيف اجل ( وشلون لوهي سافره)
لاتثنت طارت أسراب الحمام = لاتغنت ردت اللي طايره
مودموزيل وسيده وبنت ومدام = وناقده وحساسه حيل وشاعره
لاحكت يطرب لها حتى الغمام =لاضحكت ( يكفر بها وتكابره )
بي لها عامٍ أظنه ( أيه عام ) =(أيه عامٍ) ساكنه بالذاكره
ياخلف وش فايدة كل الخصام = والقصايد بنت كلب وعاهره
في ضلوعي مابقى غير الملام = والسوالف بعضها متناثره
كيف اجمعها واسولفها وانام = كيف ابرقد وانت قلبي خابره
والعروق اللي نبت فيها الغرام =من سنينٍ لعنبوها صابره
[/poet]
[ALIGN=CENTER]
فيصل اللويش
[/ALIGN]
رد مع اقتباس
المفضلات