على طاري .. وش رأيكم ؟

**بعض الناس** · 04-12-2003 18:54

على طاري أمطار الخير .. وش رأيكم نطلع كشته ونخيم في الطعوس !!

خيمة لنا .. وخيمة للعائلات .. أقصد العضوات !!

هااااااه عساكم موافقين ؟؟

القطه تجمع عند الغثه 14 ... والمقضي حقنا أنا ... !!

وش قلت م ؟؟

الغثه · 04-12-2003 19:21

انا موافق

بس القطيه معي ومفتاح ماله شي

اشتري لكم كم طلي استرالي والباقي لي:o

القطه من

200 ريال فئة خمسين بس

انتظر العالم تقط

الغثه:p

**مفتاح14** · 04-12-2003 19:36

هلابكمممممممممم

يالربع على طاري الكشتات نبي هالموضوع خاص بذكرياتكم عن طلعات البر والمواقف اللي صارت لكم فيه... هااه وش رايكم؟؟

وأنا ابجمّع ذكرياتي وابمحط بهن هنا بس ابيكم تبدون انتم :D

واولكم بعض الناس
والغثه
وابو السلم
وابو مشاري
وابوغازي مختفي
وكل من دخل الفله

قولوا تممممممم:p

الغثه · 04-12-2003 19:49

تم بس بعد ما اجمع القطيه

الغثه:p

**بعض الناس** · 05-12-2003 00:44

يقول موافق بس أجمع القطية !!!!

وآخرتها طلي استرالي !!!!

ياخوفي منك يالغثه ؟؟

______________________

فكرتك حلوه يامنصور مفتاح 14

وأنا أبدأ ....

مره كنا طالعين كشته كل أبونا وأمنا على السوبر حق أبونا وأمنا كانت جالسة قدام وحنا ورى .. ويومننا أقبلنا على (أبرق الكبريت) وهذي منطقة ربيعية بالقرب من الخفجي ويكثر فيها الفقع .. قام السوبر وغرز في الصبخه حيث كانت الأمطار تنهمر والأرض صبخه .. قال السوبر حق أبوي أنا هذا مكان وماراح أتحرك من هالمكان ؟ وبما أننا صغار وقتها قال أبوي يالله مشينا نبي نقضب الطريق السريع .. قلنا يالله .. وكانت حالتنا حاله .. أمطار وبرد وهواء شديد .. كأننا نصور فلم هندي .. ووصلنا صنادق تبعد عن السوبر حوالي 20 كيلو |8| .. المهم فالطريق كانت اختي تركض وتقمز قدامنا (مستانسه) .. ماقلتلكم فلم هندي .. المهم مادرينا إلا البنت تصرخ بقوة .. وتقول داب داب داب .. أثاريها قمزت الداب وشجرته .. ماهو داب .. ألا حظف مانا كبره .. المهم جاء أبوي وسمى عليه لأنه كان نايم وذبحوه أبوي بالنعله حقتوه .. ورحنا وخلينا ميت .. بعد كذا لقى أبوي راعي غنم وكلمه وجزاه الله خير وصلنا بالددسن إلى بيتنا .. وفالليل وأبوي يتكلم فالسالفه عند الرجاجيل بالشبه .. ماصدقوا خبر .. قالوا إذا جاء الصبح ماراح تلقى السوبر في مكانه لكن خلنا هالحين نروح نطلعه .. قال أبوي مانقدر نطلعه بهالليل ولا ندل مكانه .. قالوا أمش هلم بنا ولن نعود إلا بالسوبر .. عاد أنا نمت ذيك الليلة ولما صحيت قبل ماأغسل وجهي رحت لباب الشارع لقيت السوبر واقف وكله طين .. بس أشوى اني لقيته واقف عند بابنا ..... وسلامة السامعين !!!!!!!!