انا وهتلر (قصه وقصيده)
[ALIGN=CENTER]
بيوم من الساعات وزي العادة كنت سراح(ن) بالشويهات ويوم جاء الظهر خذيت لي غطه وعلى ما غفت عيني ويدق الجوال
وانا اقوم واطلعه من الخرج و ارد عليه .
قلت : الووووووووو
قال : هلا .انت ابو طنب؟
قلت : ايه ابو طنب
قال : الفزعه
قلت : أنا ابو طنب ابوه ابشر والله بعزك
قال : الله يسلم لازم تجيني بسرعه
قلت : بس من معي؟
قال : انا ريس الاتحاد السوفيتي
قلت : ابشر جايك
وقمز على ظهر جحشي T66 (هو جحش بس مكينه طياره F16)
وبعد نص ساعه وصلت الاتحاد السوفيتي بالتحديد بيت الريس اللي اسمه طنبوفيتش <<< طلع سمي(ن) لولدي
الرجال ماقصر جاب القدوع والقهوه وقهواني وبعد ماتقهويت قال ابيك يابو طنب نفزعلي وتفكن من شر هتلر جايب(ن)جيشه يبي يحوس مريري وهالحين جيشه على الحدود
قلت : ابشر مالك الا واحد(ن) يرده بس بشرط مابي احد يدري بي لاني ما أحب فلاشات الكيمرات يعمني
قال : تم
وانحدر للحدود ولقى جيش هتلر هناك وانا امعد سيفي واشهره بوجيههم
واصيح صيحتي المعروفه
وقبل لا أصلهم الا وكل واحد راكب(ن) دبابته ومنحاش إلما وصلتهم برلين ( عاصمه المانيا )
وانزل من صهوت جحشي واخذ طربوش هتلر( أكا الحين ما نعرف الكاب نسميه طربوش)
وانا ارجع لطنبوفيتش وانا بالطريدز دقيت عليه وقلت لا تنسى انا مابي احد يدري بي
ويومني وصلته قلت خذ هذا طربوش هتلر
وان نشدك احد عن هزيمه هتلر قل بسبت البرد والثلج زهقت ارواحهم (زي منتم تسمعون هالحين)
قال : والله انك يابو طنب ذيب(ن) امعط . وانا جادت قريحتي بهالقصيده
قلت : اسلم
عاد الملويه طويله وانا ناسيه ما أخبر منه الاهالبيتين :
يقول: طنبوفيتش
[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
يابو طنب يانطاحـتـش*** ياللي لهتلر مجتاحوف
عشيرك دايم مرتاحتـش*** لو ناطح له تمساحوف
[/poet]
ومعناه بالعربي:
[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
يابو طنب يانطــــاح *** ياللي لهتلر مجتاح
عشيرك دايم مرتاح *** لو ناطح له تمساح
[/poet]
بس (اتش)و (نوف )جايه(ن) من لهجتهم لازم يصير(ن) به
وسلامتكم ....
على فكره هذي افرازات عنكبوتيه من * العنكبوت اللي معشش في راسي ....[/ALIGN]
رد مع اقتباس
المفضلات