[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يا صاحبي الغافي على الدرب او فـقت=
ماهو بوقت اللــوم مـــا هــــو بــوقته
تذكر عبارة قلتـــهــــا يــــوم فــــارقـت=
وتذكر وش اخر حرف جارح نطـقته
تقول قالو لــي وانـــا فــيــك صــدّقـت=
وانخاك فـكـّر.. لـــيــه قـلـبـي حـرقته
واسأل علامـــك صاحبي مــا تحقـقـت=
ومسمار ظنك في خفوقــــي طرقتـه
صرخت لك ..ناديت.حتـــى تأرقــــت=
ورحت وأمان الأرض منّي سرقتــه
واليوم اشوفك في زمانـــك تــوهـقــت=
ما عـاد باقي بك وهـــم مــا افــقـتــه
لا تصد عني بحزن مـقـهــــورما ذقت=
قهر الــرجال وما شربـت وشــرقـته
ماهو انا اللـي كلما حضرتـــك ضـقت=
جيت ورمـيت الهــم عندي وعتقتـــه
ماهو انا اللي وان لمحتـــك تــشهقــت=
فـزيـت فـــزة من غـــدرتـه فـشــقته
ماني خويك.. قول.. وشفــيـــك حدقت=
بالغصن ذا؟…. مثلي تخونه ورقته
لكن تراها تصير صفرا مع الـــــوقت=
واذكـْرك هــذا اللون ما يــــوم طقته
ناظر بعينك لي... وقــل ويش حقـقت=
بعد الــفـراق وبحــــر ذلٍ غـــرقـــته
تبكي يا حيفك عيب صدّقني اشتـــقت=
عطني يدك…. واللوم ما هو بــــوقته
[/poet]
رد مع اقتباس
المفضلات