لعبة الجيل الذهبي

[جســـاس]

قصائد الجيل الذهبي
ثلا ث قصائد من الجيل الذهبي للشعر النبطي
كلها تدور حول محور واحد لكن باسلوب مختلف
ثلاث مدارس شعريه

سار القلم ياعقاب بالحبر سارا وبزيزف القرطاس يا مهجتي سار
سار القلم بالنويهدات الصغارا ياعين وكري وحش حين ما طار
اكتب جوابٍ مثل قطف الثمارا من قيل ابن عدوان نظم له اسطار
من ضامري كنه وقيدات نارا يا نيرة النمرود تشبه لها نار
لكن ينهش بي غليث السعارا والحال مني تقل يبراه نجار
اكتب وليفي ولع القلب نارا خلان بالدنيا وحيدٍ ومحتار
ياعقاب من فقده عيوني سهارا لكن فيها ذر شبٍ وزنجار
أعْول عويل الذيب ليل ونهارا واحن حن الجيد ثاوٍ على الدار
على حبيبٍ بالترايب توارا خلان مشتاقٍ وحيدٍ ومحتار
والله لا كذب ولا هو اقمارا ايضاً ولانا بالتماثيل هذار
وخلاف ما بين البسيطة اوزارا ومن طاف في طيبه وللبيت زوار
انا ان نظرته راميٍ للجمارا كن القمر في موق عيني الى اندار
ياعقاب لو تجمع جميع العذارا من اليمن لديار نجدٍ لسنجار
ومن بصرة الفيحاء إلى قندهارا من غير وضحا مالك الله تختار
أجل جل الزين حسن المسارا راعي ثليلٍ فوق الارداف نثار
العنق عنق اللي تقود العفارا قايد اخشوف الريم في الاقفار
يا غصن موزٍ تحته الماي حارا في وسط بستانٍ دنت منه الاثمار
ياعقاب ما والله مدير النهارا مجرى سفينة نوح في غب الابحار
لو جَن بنات البدو صفٍ تبارا على الحنايا دللن كل حوار
ولو جَن بنات الحضر مثل المهارا سطر الذهب بأرقابهن تقل نوار
ولو جَن بنات اصليب فوق الشهارا ياما حلا بشفيهن دق الأوبار
ولو جَن بنات الترك هن والنصارا والهند واللي سكن كل الأمصار
جنى ضحى العيد وسط النهارا وقالوا لنا يا نمر قم طب واختار
ما أخذ سوى مضنون عيني اخيارا الصاحب اللي فر عقلي معه طار
فيها خصالٍ وافياتٍ كثارا ومثايلٍ فيها التفاكير تحتار
شيمة فهودٍ وبه زعانف نمارا ومن الجمال اليوسفي فيه تفكار
حسه صخيفٍ مثل جني الثمارا يسبي البيب منادمه تقل سحار
قلت آه وا ويلاه مر المرارا من مي زقومٍ جرعته له الإمرار
من فقد مسلوب الحشاشين سارا غروٍ كما بدرٍ لها النور نشار
ياليتني وياه نتنى المشارا فوق السبايا وأشهب الملح زجار
لاكن ملك الموت جانا اغتارا فرق وشتت وأودع القلب محتار
ريحة جسدها مثل ريح البهارا وبين اشفتيها تقل حص محار
لولا ضلوعي فر قلبي وطارا لكن ينشر ثومة القلب نشار
من لامني به ثور أو هو حمارا والثور أخير ان قيل له دير يندار
صلاة ربي عد وحش القفارا والا عدد نبتٍ يروى بالاقفار
على النبي المبعوث سر وجهارا سيد البشر اللي قهر كل جبار

هذي واحدة من قصايد
نمر العدوان في محبوبته وضحى اللي كتب في رثائها عشرات القصائد

وهذي قصيده
للشاعر بداح العنقري

الله لحد ياما غزينا وجينا وياما ركبنا حاميات المشاويح
وياماعلى أكوارهن إعتلينا وياما ركبناهن عصير مراويح
وياما تعاطت الهنادي يدينا وياما تقاسمنا حلال المصاليح
وراك تزهد ياأريش العبن فينا تقول خيال الحضر زين تصفيح
ترا الضفر ماهوب للضاعنينا قسم على كل الوجيه المفاليح
البدو والي في القرى نازلينا كل عطاه الله من هبة الريح
يوم الفضول بحلتك شارعينا والشلف ينحونك سواة الزنانيح
يوم انكسررمحي خذيت السنينا وادعيت عنك الخيل صم مدابيح
الصدق عندك كان ماتجحدينا هيا عطينا الصدق ياهابة الريح
هيا عطينا الحق هيا عطينا واما عطيتيناه والله لا اصيح
لا اصيح صيحة من غداله جنينا أمه خلوج وضيعتها السواريح
ياعود ريحان بعرض البطينا وامنين ما هب الهوا فاح له ريح
لاخوخ لارمان لاهوب تينا لا مشمش البصره ولاهن تفافيح
وخد كماقرطاسة في يمينا وعيون نجل للمشقى ذوابيح
صخف ولطف بانهزاع ولينا ياغصن موز هزعه ناسم الريح



وللشاعر بصري الوضيحي قصيده قمه بالوصف والتوجد

التايه الي جاب بصري يقنه هيض جروح العود والعود قاضي
يامن يعاون علىوصف كنه اشقح شقاح ولاهقن بالبياضي
الريح لازفرة ولاهي مصنه ريح النفل بمطمطمات الفياضي
نهدين للثوب الحمر مزعنه حمر" ثمرهن واقفات غضاضي
ياليت سني صاغر وقم سنة بايام مابيني وبينه بغاضي
ياجرح قلبي جرح وادي وطنه غرالمزون اللي وطنه وفاضي
البيض كم من واحد يبسنه يبست شماشيل العذوق النفاضي
الا التوىبستان قلبي سقنه واخضر جنابه عقب يبست الحاضي
عزيل من غرالصبايا كونه واركن على كبده كوايا عراضي
القلب غضات الصبايا شعنه بنت الشيوخ مخدمين الحياضي
شوفي بعيني والخدم يركبنه على زعاع" يوم قوطر وناضي
فوق اشقح من زمل ابوها مضنه ركبه عليه تشنطح باعتراضي
وامشجر من سوق هجر مغنه على خياظة زين الاوصاف راضي
وين انت يامشفي على طردهنه انا طويت ارشادي وقفيت قاضي
انا صدرت ووردهن عقبنه على العدو مشرعات الحيأضي
احد بوسط النار واحد بجنه وترى البخيت اللي له الرب راضي

طيب اللعبه كالتالي
من الجيل الذهبي
انا طرقت باب وخليت لكم ابواب
كل واحد يدخل يقرا الموضوع ويمشي لا ما يصلح
ابي قصيده لبن لعبون اضن سهله جيبته
اللي يجيب القصيده يحق له طلب قصيده من قصائد شاعر يختاره
واللي يحقق الطلب يحق له يطلب

لكي تنجح اللعبه خلو الطلبات بالبدايه سهله
لكي يشارك اكبر عدد ممكن

[الداعيه / براك الفريسي الجربا]

اهلا بك اخي

ولأجل اثراء المضيف سوف نثبت هذه المشاركة



لأجل المشاركة الفعالة من جميع الاخوان





لا عدمناك

[عاشق سلمى]

مشاركه جميله

لو نسّقت القصيده يكون جمالها اكثر

بالنسبه لقصيدة البصري ، اذكر ان بها ذكر " جلد الذيب " ربابته ما شفتها او انا غلطان

عذرا للمداخله

[جســـاس]

تسلم والله يبراك

بس الجماعه باخلين علينا

ولا انا طلبي صعب

طيب انا بجيب قصيده لبن لعبون

بجاوب نفسي وبسئل بس ارجو منكم التفاعل

هذي لبن لعبون :

سقى صوب الحا مـزن iiتهامـا
على قبر بيتلعـات iiالحجـازي
يعط بها البختـري iiوالخزامـا
وترتع فيه طفـلات iiالجـوازي
وغنـا راعبـيـات iiالحمـامـا
على ذيك المشاريف iiالتـوازي
صـلاة الله منـي iiوالسـلامـا
على من فيه بالغفـران iiفـازي
عفيف الجيب مـاداس iiالملامـا
ولا وقف على طرق المخـازي
عذولي به عنـود مـا iiيرامـا
ثقيلٍ مـن ثقيـلات iiالمـرازي
ابو ازرق علـى خـده iiعلامـا
تحلاهـا كمـا نقـشٍ بغـازي
عليـه قلـوب عشاقـه iiترامـا
تكسر مثـل تكسيـر iiالقـزازي
الا يا ويل من جفنه عـل iiمـا
مضى له عن لذيذ النوم iiجازي
ومن قلبه الـى ذهـب iiالنعامـا
يجرونه على مثلـه iiالخـزازي
تكدر مـا صفـا يامـا و iiيامـا
صفا لي من تدانيـه iiالمجـازي
ليالي مشربي صفـو iiالمدامـا
وثوب الغي منقوش iiالطـرازي
مضى بوصالها خمسة iiعوامـا
وعشر كنهـن حزتـة iiحـازي
بمفقدي له ووجـدي iiوالغرامـا
تعلمـت النياحـه iiوالتـعـازي
وصرت بوحشة من ريم iiرامـا
ومن فرقاه مثل الخـاز iiبـازي
عذولي فـي هواهـا iiبالملامـا
يعزينـي وانـا منـا بـعـازي
وكل البيض عقبه لـو iiتسامـا
فلا والله تسوي اليـوم iiغـازي
سلينـا لا حـلال ولا iiحرامـا
عليهن الطلاق ابـلا iiجـوازي
وحياة الشـوق فيهـا iiوالهيامـا
وقـد منـه يهتـز iiاهتـزازي
وخد هـل بـه بـدر iiالتمامـا
ومجعدٍ فوق منبـز iiالحجـازي
فـلا بـي عقبهـا زاد ولا مـا
وجزت من الغوا والغي iiجازي
وخضت بحور ليعـاتٍ iiتطامـا
خلاف الانس ضاقت وين ابازي
فكيف الهم فـي قلبـي ترامـا
وجيش البين بالغزوان iiغـازي
اريده وانكسر كسـر السلامـا
بسيفٍ جرده ما هـوب iiهـازي
على بخت الدهر ليتـه iiتعامـا
وخلاهـا وليتـه مـا iiيـوازي
اظـل مساقـم دوم iiالـدوامـا
وهمومي فيه تتحـاز انحيـازي
الا يالله يـامــن بالـمـلامـا
يسلم يـوم تزرتـه iiالـروازي
اسلـك لـه ولا رد iiالسـلامـا
عزيز من عزيزات ٍ اعـزازي
وصـلاة الله منـي iiوالسلامـا
على قبـرٍ بتلعـات iiالحجـازي


ابي قصيده لماجد الرشيد

[المستشار]

فكرة رائعة



وهذي لماجد الرشيد نقلناه لكم

كاتب الرسالة الأصلية : المطلاع
قصص ماجد الرشيد مع زوجته صيته الخالديه

تزوج ماجد الرشيد بـ صيته المنديل وهو صغير السن والتي كانت مضرب مثل في جمالها"بين بنات عصرها " اضافه الى انها من بيت حكم وجاه وعز ثم بعد ذلك زوجه ابوه ابنت عمه رقية المتعب الرشيد غير أن صيته لم ترضى بذلك وطلبت من زوجها ماجد أن يعيدها الىاهلها في الأحسا فشق ذلك على ماجد حيث لم يدر في خلده ان يفارق صيته يوما واحدا,
ثم قال هذه ألأبيات يسندها على اخيه عبيد :



[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
ياعبيد انا من شرب ألأمرار رويان = وعيشتي يا عبيد ماهي هنيه
من قولتك ياعبيد ابوك زعلان = والعين عن نوم الخلايق امعّيه
قولوا لصيته تنحر العصر( سلطان) = لما ندوّر باكر ٍ له مطيه
ماهو طلاق ٍ روحته مار زعلان = يلزم تجيكم صيتة الخالديه
[/poet]


وسلطان هو اخو ماجد



و بعدأن ذهبت صيته الى ألأحسا وبعدت عن ماجد أزداد اشتياقه اليها
فـ أنشد هذه القصيدة : ( وهي من اشهر قصائد السامري في حائل)



[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
يادار وين الحبيب =اللي سلامه هلا
عيا القمر لايغيب = حن الجمل واعولا
عيت جروحي تطيب =من حب ابو ذبلا
صينه وماله وصوف = الا ضبي الفلا
او القمر باالنصوف = او هي بعيني حلا
الراس مثل الرطيب =من كثر مايعملا
يمشط بمسك وطيب = والعنبري والهلا
والعين مثل الغدير = من كثر ماتكحلا
ياسالم واركب لبوك = اللي يجي ماهلا
والله لركب كروش=ويقال ماجد جلا
لم القرايا لطوف = والشرب من ذبلا
يامكرمين الضيوف= يادافعين البلا
لاتقطعون الشفوف = خوفوا من المعتلا
[/poet]





ثم بعد ذلك ازدادت حال ماجد سوءاً فلاحظ ذلك عليه عمه " المهاد " ألأمير محمد العبدالله الرشيد وسأله ماسبب ذلك فأجابه ماجد بهذه الأبيات :0
[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]

يامير ياخيالهن بالعجاجه =يامير يازبن الضعيّف الى جاع
من غيرك الحكام توسير عاجه = تلعب به الجهّيل بي روس ألأصباع
لي حاجة ٍ وأبداه لغيرك سماجه = والله الى منه نوى ضايع ضاع
[/poet]


فعلم ألأمير / محمد العبدالله ما بماجد من شوق الى زوجته صيته وأن بعدها هو سبب مابه من همّ (ف) اصلح بينهما واعاد صيته الى بيتها وزوجها في برزان . وألتم الشمل من جديد فكانت هي ام غالبية ابنائه

ثم لما توفيت صيته زوجة ماجد حزن على فراقها الجميع غير ان ابنتها منيرة
الماجد كان لحزنها على امها اثرا كبيرا حتى اشفق عليها ابوها ماجد
فأنشد :




[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
منيرة تصيح وغثتن بالجهاله=تقول وين امي على طول ماطال

امك خذاه اللي عزيز جلاله =اللي يبدل ساطع الشمس بظلال

وخانتك يالموت مابك جماله=ياشــــين ماتاخذ رُبيعك بالأمــهال
[/poet]




هذا للفائدة :
صيته : هي صيته بنت منديل , امراء العمور من الخوالد " وقبرها موجود في مقبرة البويضاء الواقعة الى الشمال من برزان

أبناء ماجد الرشيد من صيته الخالديه هم :
1- سليمان ,,,,, 2- عبدالله ,,,,, 3- جوزاء ,,,,, 4- منيرة ,,,,,
5- طريفة ,,,,, 6- نورة
غصاب آل منديل " مبيح العزبات " هو ابن اخيها .
وال منديل هم أخوال سمو ألأمير مشعل بن سعود امير جيزان ,,,,, وكذلك اخوال سمو ألأميرة شيخة بنت الملك عبد العزيز .
•واميرهم اليوم هو الشيخ / ليّل المنديل العمور الخالدي

ابي قصيد لدندن الفهيم