[ALIGN=CENTER]
احبتي
احببت ان انقل لكم هذه الرائعه
والتي اهديت الى الامير / عفاس بن تركي بن محيا
امير الفوج السادس عشر بحائل
,,
والتي تعد من اجمل القصائد على الاطلاق
حيث كان التوصيف فيها دقيق وبارع ,,
,,
اترككم معها ..[/ALIGN]
[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
راكب اللي دقته كنها دق الذهب=فوق طبطابة رخام احسن قصور الملوك
كنه الذيب يحبي لاقبل ولاقفا حدب=والرفارف حافة شماغ بسام محبوك
مايلوق الا لذات المواكب والجنب=يفهق الفكسار والبهبهاني والبيوك
تقل لاناظرت وجهه تناظر بالسكب=وان سرا عقب العشا تقل في رحلة مكوك
السريع بنوره يروح مرجان وشعب=والمسارات الثلاثه على دق السلوك
للقزوز يقول : تبت يدين ابو لهب=والقزوز تقول له : لعنبو من صدروك
كمبيوتر شاشته مثل كاس المنتخب=ومشّراته وقفن من عقب ماهن بروك
حجم ( ست اميه ) يسابق سريعات الندب=لونه يذكّرك في قطعة الليل الحلوك
وارد الجفال مركب سلاطين العرب=عندي اغلي من رصيد الفتيحي بالبنوك
من طرازات ( الشبح ) حي ابو ذاك الشنب=ماتمده لالخوك من ابوك ولالبوك
من شمالي القصيم يتنهض بالطلب=لين عنه جبال اجا تنفلق مثل الحنوك
ديرة ٍ معنى الكرم سلم اهلها والادب=والمعازيب المحيا منجين الدروك
جعل يمنى الشيخ عفاس ماهي للعطب=لو بها روحه لمن جاه يطلب قال دوك
يارسولي قله ان الوعد حتنه وجب=حرب لاتنسى وعدهم تراهم مانسوك
في بداية شهر شعبان والا اتلى رجب=كم لها تطري عليه وفي صدري تحوك
ياطويل العمر داعي شبابه للشبب=مايبي الا صامل العلم جلاي الشكوك
[/poet]
[ALIGN=CENTER]الشاعر / عيد سمير الحربي[/ALIGN]
رد مع اقتباس
المفضلات