[ALIGN=CENTER]ايها الاخوة الشخص الذي يعمل الطيب لايتحرى من الآخري جزاء وانما هو يستحق الكثير.
وهذا العقيد/علي بن مخلف الرسلاني العنزي
له مواقف لاتنسي مواقف رجوله وبطوله.
وقلت هذه الابيات تعبيرا عن بعض الشيْ[/ALIGN]
[poet font="Arial,5,white,normal,normal" bkcolor="transparent" bkimage="" border="outset,10,gray" type=2 line=200% align=center use=ex length=0 char="" num="0,black" filter=""]
ابي اقول وكل ماقلت بشهود=لاني بكذابٍ ولاني اماري
ابدابذكر اللي كريمٍ ومعبود=خالق سماه وبرها والبحاري
والحمد لله طاب لي نوم ورقود=عقب ليالي ٍطال فيها انتظاري
والحمد للي بكل الاحوال محمود=ربٍ كريم وبالخفيات داري
والفضل لله صاحب الفضل والجود= والشكر لله ثم لأبو مشاري
الشر زال وصارت سهود ومهود=(ومادبرالمولىعلىالعبدجاري)
يابو مشاري ياذراء كل مضهود=ياعز منهو في ذراك استجاري
يالوايلي ياللي بك الطيب موجود=نرفع لك البيضابكل افتخاري
الطيب عندك ياعلي ماله حدود=ياعلي وقفاتك معانا كباري
يجود منهو عاش عوده على الجود=ويطيب من ساسه على الطيب ضاري
والطيب مبطي وارثينه من جدود=سلم ٍ لكم يامبعدين المساري
وقت مضى يومه بشلفا وبارود=اولاد وايل ياصلون المحاري
وقولوا معي آمين بالله ياسجود= ياللي تصلواالليل هووالنهاري
عسى علي من عز الى عزٍ ايزود=إدعو بها بالسر هووالجهاري
وختامهاماقلت لأوله مردود=لاني بكذابٍ ولاني اماري
ويشهد على ماقلت ضباط وجنود=انك محل الطيب هووالوقاري
وابي السموحة كان بالوزن منقود=يمكن بوزن القاف خان اختياري
وصلاة ربي عد ماترزم رعود=وعداد نبتٍ نابتٍ بالصحاري
على نبياً بالشفاعات موعود=بيوم ٍعبوسٍ به يطول النهاري
سطم بن فهد الشمري
[/poet]
رد مع اقتباس
المفضلات