[poet font="Arial,5,white,normal,normal" bkcolor="transparent" bkimage="" border="outset,8,gray" type=2 line=200% align=center use=ex length=0 char="" num="0,black" filter=" shadow(color=red,direction=135)"]
الله اكبر كنت احسبك بمنظوري كبيـر =واثر عين الحب دايم صغيراتـه كبـار
كنت اقول انك مع الناس بآسلوبك خطير=واكتشفت انك صغير وتلعب مع صغـار
اثرني في غيهب الحب مكتوفٍ ضريـر=لين اراد الله نجاتي وفكيـت الحصـار
كان لك دولة ولك عندنا مكتـب سفيـر=ولابقى منها سوى البيرق اللي شب نار
اختلف معك التوازن وضيعت المسيـر=وصارت اليمنى بعينك من الدوخه يسار
تحسب ان الناس لعبة يابو ثوبٍ قصير=مادريت انـا نحرنـا رفيعـات الفقـار
وصلك سوء التصرف الى بئس المصير=غلطتك وانت احتملها وحدد لك مسـار
كم و كم قبلك من الخلق حاول ياصغير=واقتنع واخلا مكانـه ونجـاه الفـرار
وانت توك تحسب انك مع العالم خبيـر=خبرتك هي سبت اللي حصلك من دمـار
تحسب انك لا تغليـت تاخذنـي اسيـر=لا ياشاطـر لازم انـك تـرد الاعتبـار
والا انا قدري واعرفه ولاني به غريـر=شايفه بعيون غيرك اجهار من النهـار
بالبشر شاعر وبالناس معدوم الضميـر=وانت ما تشعر بنفسك ولابـك دم حـار
بارد احساسك ولاكن حصل يالوقت خير=بحتسب غلطتك للوقت واللي صار صار
لو حسبتك ند لي كان قلت انـك كبيـر=وانت توك يا صغير على لعـب الكبـار
[/poet]
[ALIGN=CENTER]
فهد النايف[/ALIGN]
رد مع اقتباس
المفضلات