............(العنكبوت)..................

**دامي الجرح** · 09-12-2001 20:44

الله واكبر غدة شهب الحمير فروت
رعياننافي زمان العز من قدها
قامواعيال الــرخوم يسحبون البشوت
يوم عيال الحمايل وقتها ضدها
اصيــح ابشكي واخاف محرفين البيوت
تحوس معنى القصيدة حوس وتلدها
وان قيل وشتشتكي قلت اشتكي العنكبوت
اللــي برجلـيهاتعتـاش مـن يدها
واشـكي زمــان وحظ فيه قــرب يموت
مــن عـزة النفس عيني ملــعن جدها

**الاديب** · 09-12-2001 21:17

بسم الله الرحمن الرحيم
اخ دامي الجرح

شكرا لمشاركتك
واعطنا الله يعطيك العافيه من المزيد من الروائع

لكن هلل القصيده للشاعر ضيدان بن قضعان ؟
او انا غلطان

شكرا لك مره اخرى
هذا والله يحفظ الجميع

**العذب** · 10-12-2001 06:39

دامي الجرح يادم على قلبي يفوت ** وقتك اليوم يبني عماير وتهدها

تسلم اخوي ...

وعسى ما شر من زمان ما لقيناك على المسنجر

وعلى المحبة ,,,

**دامي الجرح** · 12-12-2001 02:28

اخي الاديب.......
الله يجزاك خير على كلماتك الرائعة,وبالنسبة للقصيدة
ارجو منكم العذر والسموحة لعدم كتابة اسم صاحبها ,والذي
صقط سهوا,وصدقت اخوي القصيدة,,,,,للشاعر ضيدان بن قضعان
وارجو العذر والسموحة منكم جميعا.....

ولك كل الشكر اخي لتذكيري بغلطتي.

ــــــــــــــــــــــــــــــــــــــــ ــــــــــــــــ
اخي العذب:تسلم على مشاعرك الطيبة ,وانا كنت والله مشغول شوي
الايام للي راحة لكن اي خدمة ترانا حاضرين والله.