محاوووووورة

**alhojas** · 22-09-2001 06:27

اخواني الكرام / السلام عليكم ورحمة الله وبركاته
تقبلواأحلى التحيات من اخوكم / الهوجاس والشكر الجزيل للقائمين على المضايف الطيبة وعساها عامرة بإذن الله دائماً ، ونعتذر يااخوان على تأخرنا في المشاركة لعلمنا ان الموجودين فيهم الخير والبركة وبكل المقاييس هم الأفضل إن شاء الله .

اخواني الكرام ( خصوصاً شعّار الرد ) بودّنا نحرّك الساحة بالمحاورات
حتى يكون فيه إثارة ومن ثم إثراء للحركة الشعرية بالمضايف عموماً ومضيف المحاورة بشكل خاص ولإعتماد في الأول والأخير على الله عز وجل ثم عليكم ، والبداية من عندي واستلموا الله لا يهينكم :-

سلام الله سلام ٍ نبتدي به والعرب تقراه !

سلام الله على شمّر ومن حل ابمضايفها

من الهوجاس مبدي به على ماقال به معناه

ألا يا اهل المعان ِ الوافية ردّوا سلايفها

**ممدوح المسطح** · 22-09-2001 15:46

الشاعر/ الهوجاس
ياهلا فيك في محلك وتراك انت المعزب وحنا ضيوفك
شكرا على هذه الابيات الجميله وسف العب معك المحاوره
لذلك استلم((خلوووووها)))
:
:
: هلا يامرحبا يامرحبا والطيب من مبداه
,,,,,,,,,,,,,,, هلابك عد ماالنود العذيه جت هفايفها
:
محلك هو محلك وانت شيخ سعينا لرضاه
,,,,,,,,,,,,,,, نسوق الطيب واركاب الوفا نردف ردايفه
ـــــ
ـــــ
ملاحظه كلمة ( سعينا ) ارجو لاتنطق بالمعنا الثاني لكي لاينكسر البيت
\r
[معدل بواسطة ممدوح المسطح بتاريخ 22-09-2001 عند 11:09 PM]

**سنـعـوسـي** · 22-09-2001 20:00

بسم الله الرحمن الرحيم
الأخ الفاضل الهوجاس حياك الله ويا هلا ويامرحبا 0
بصراحه فكرتك فكره حلوه ويالله انه تثمر عن وجود شعراء بيننا يحبون الرديات وينشطون الساحه 0

وانا والعياذ بالله من كلمة أنا طلعت معي هالمحاولة والتي اتمنى أنها تحوز على رضى الجميع دون أستثنى .

ما اعرف أقول خلوها 00 بس من شان عين تكرم مدينه 0 خلوها

سلامي لك على حالك سمينن نبعثه بشفاه 00000وأذا عافت فلا طابت وأظنك منت عايفها 0
\r
عسى الهاجوس يا غالي يروح ويحضنه مرساه 00000 وعساك بخير يا ملي وترى هذي خلايفها 0

0000000000000000000000000000000000000000000000000000000000

**alhojas** · 23-09-2001 01:52

أررررررحب والبقا بالجميع ، ولاعليكم زود يااخواني .
اخي السنعوسي لاهنت وبيّض الله وجهك على ردك الطيّب والله يعزّك بطاعته أستاذنك ياطويل العمر بالاستمرار مع اخونا ممدوح المسطح على أساس أنه هو الأسبق بالرد طال عمرك وانت سيد العارفين وإن شاء الله يكون لي شرف اللعب معك بعدها .
اخي ممدوح المسطح البقا بك ياابو مرحبا وبيّض الله وجهك على كلماتك الطيبة ، والعفو يااخي لنا الشرف بالتواجد واللعب معكم ، واستلم الله لايهينك :-

يقولون النشاما كل طير ٍ يجذبه مرباه

ألا يالحر الأشقر خابرينك من نوايفها

بعد جينا نبيها بيع سوق ٍ غالي ٍ مشراه

على وضح النقا لاهل النقا نكمل وصايفها

**ابو خالد الجربا** · 23-09-2001 17:59

مايصلح الشغل هذا،هذى ماهي محاوره هذى لاهي محاوره ولا مراد

لاكن شوفوا ليله نجتمع كلنا على الجهاز ( والسابقه تطلعه يمناه

علشان الخيل الاصايل تلحق اما كل يومين او يوم بيت ماهى شين

الاكان تبونه مراد على سبع بيوت ويومين علشان العسكريين والى

عندهم اعذار مقنعه0

ولا يومين كثيره بس علشان جميع الاطراف ، ولا لا

وسامحوني على هذا الكلام وان كنت مخطي علمونن0

السام على الجميع

**سنـعـوسـي** · 23-09-2001 19:01

بسم الله الرحمن الرحيم
اخي وعزيزي ابو خالد الجرباء رايك بصراحه سديد وفكرتك حلوه اللي هي طبعا كل يومين بسبع ابيات واللي عنده عذر معذور ما خلت الدنيا من المشاغل 0 أما الأجهزة ووووووووووووووين حنا وين الأجهزة الله يرحم الحال ما هي باللي تبي مطشرينن مثل الكواكب وش يجمعنا يا ظنيني 0

خلها على شورك ابو سبع ابيات يا سبع أنت 0 وشوركم وهدايت الله 0

**alhojas** · 24-09-2001 01:55

اخي أبوخالد الجربا صح لسانك انت واخونا العزيز السنعوسي لكن الحل الصحيح هو تحديد يوم محدد حتى تكون المحاورة على الهواء مباشرة وعلى أصولها ، أما طريقة السبع أبيات فهي هي نفس المشكلة وراح تتحول من محاورة الى مساجلة نظم وحنا معكم باللي تبونه المشكلة الوحيدة بالنسبة لي هي اني عند دخولي المضيف لا أجد أحداً معي في نفس الوقت فبسبب ظروف العمل تلاحظون ان أوقات دخولي تكون في نفس الوقت لكن بعد أربع وعشرين ساعة ، على كل حال أتمنى من الشعّار تحديدموعد محدد حتى نلتقي فيه سوياً فيكون التنسيق بين الشاعرين المتقابلين .

وتقبلوا تحياتي،،،،،،،،،،،،،،،،،،،

**[رمح الشمال]** · 24-09-2001 03:51

اخواني
الرأي سليم جدا لان الظروف تمنعنا من التمتع بالمحاوره
التي يجب ان تكون على طول اما سالفة كل يوم بيتين فااعتقد
انها تقلل من قيمة المحاوره0
:
:
:
:
:
:
:
الهاجوس/ شكرا لك على هذه الابيات وانت بغنا عن شهادتي
ويبدو ماشاءالله انك متمرس على المحاوره 00اهلا بك ونريد بعض من قصائدك عندنا في مضيف الشعر لاتنسانا0
:
:
:
:
:
:
ممدوح المسطح/ شاعر معروف وشهادتي فيك مجروحه يابوفيصل لكن\n ماشاءالله متى صرت شاعر قلطه يابوفيصل والله انك فعلا مبدع وكنت اعتقد انك تمزح يوم قلت في احد مقابلاتك انك تلعب القلطه 00
واصل وبالتوفيق
:
:
:
:
:
:
:
ابوخالد الجربا/ اصبت وفقك الله