جفت الروح

**غازي العلي** · 07-12-2001 18:34

خفف الاعيبك معي جفت الروح
************************* أرجوك خففها ترى ماتبي راح
مالك ترى من صولتك أي مصلوح
************************* لايازمان الغدر ضيعت الافراح
من عقب ماني كالحمامه وسط دوح
************************* أردد أشعاري مع كل مسراح
أودعتني بين المخاليق مجروح
************************* أضمد اجراح غزيرات وشحاح
أداري آلام المجاريح بنصوح
************************* واصيح مع صيحة صديقي لياصاح
وباول السهره مع أل البوح
************************* يبيح لي مكنون سد الذي باح
القا خويي في مشاكله مطروح
************************* اسهر أحل المشكله قبل الامراح
أشعر باحاسيسه اخفف له النوح
************************* أصلي وادعيله مع الفجر يالاح
وليالقيت الناس والصدر مفتوح
************************* والناب يضحك ضحكة الروح للراح
الناس ياشافوا يقولون بوضوح
************************* سعيد ماضامه زمانه ولا ناح
وانا الذي في داخلي مجمع جروح
************************* ولا لقيت لجرح الاثنين جراح
هذاالشجع اللي بقومه ردى روح
************************* والا الكريم اللي لياقام له طاح

**برزان** · 07-12-2001 21:27

صح لسان ابو فيصل

الناس ياشافوا يقولون بوضوح
************************* سعيد ماضامه زمانه ولا ناح
وانا الذي في داخلي مجمع جروح
************************* ولا لقيت لجرح الاثنين جراح
هذاالشجاع اللي بقومه ردى روح
************************* والا الكريم اللي لياقام له طاح
......
والسلام عليكم

**الوسي** · 07-12-2001 21:38

قصيده أكثر من رائعه . بس برضه يامحارب الخيال لما العذب يقرا هالقصيده حيقول محاوله جيده يامحارب الخيال .

**سيف الشمال** · 08-12-2001 21:06

شكراً لك ابو فيصل على القصيده الرائعه

ومهم قلنا بخقك مقصرين

منقدر تقول الا صح لسانك

**هواوي** · 13-12-2001 00:13

قصيدة جد رائعة من شاعر أروع

**سيف الاسماء** · 16-12-2001 05:15

الله الله يا محارب الخيال قصيدة ولا اجمل لا يبدعها الا المبدعين .....

**غازي العلي** · 17-12-2001 02:17

لك كل الشكر وكل الورد وشذاه وكل الحب وعطاه
اخيك محارب الخيّال

**موعود** · 18-12-2001 23:18

هذاالشجاع اللي بقومه ردى روح
************************* والا الكريم اللي لياقام له طاح

والله انك صادق . شكرا لك محارب الخيال

**غازي العلي** · 19-12-2001 00:48

لك مني كل التقدير شاكرا لك ذوقك.

**نافع بن طواله** · 24-12-2001 17:35

صح لسانك رائعه
الناس ياشافوا يقولون بوضوح
************************* سعيد ماضامه زمانه ولا ناح
وانا الذي في داخلي مجمع جروح
************************* ولا لقيت لجرح الاثنين جراح

ــــــــــــــــــــــــــــــــــــــــ ــــــــ
أبتسم والحظ صاير لي عدو %%% أكابر كني ويّاه خويا