لغز سهل ((ياويش بنتن وقفوله رجاجيل*وخويها لو هم وقوف اقعدو له))

**ابو يزيد** · 06-12-2001 21:56

((لغـــــــــــــــــــــــــــز جديد ))

ياويش بنتن وقفوله رجاجيل ***وخويها لوهم وقوف اقعدوله

البنت يوصف بها فعول ومفاعيل ***والا الولد مع الهواء راح جوله

**الشقاوي** · 07-12-2001 06:56

شقا شقا
شقا شقا

او يزيد جاك الشقاوي
عسى حلي ماهو بالخضيرا

يمكن الحل هو
البنت الدله
والولد النجر اللي راح جوله وبقت لنا الطاحونه

شقا شقا
شقا شقا
مع السلامه
مع تحيات alshgawi

**ابو يزيد** · 07-12-2001 13:13

اخي/الشقاوي

تحية

الا والله حلك سماوي

لكن رمعتك جيدة مرة

وتدل على ان محاولاتك جادة

كرر المحاولة وانا بانتظارك.

شكرا للمشاركة

تحياتي.

**خلف الرويتع** · 08-12-2001 15:25

ابو يزيد

يمكن الحل

الرئيه يعني العلم

**ابو يزيد** · 08-12-2001 15:32

السلام عليكم

هلا والله باخوي ابو حيان

شفت لقيت لغز جديد وانت تقول عقدتنا

ابد انا طرحت ثلاثة الغاز سهل وصعب ووسط

ياالله بس وين اللي يحاولون.

لكن ترى رمعتك العلم سماوية

يعني ماحليته يالله انا بانتظار محاولاتك

تحياتي

اخوك/ابو يزيد

**حاتم الشمروخي** · 27-12-2001 00:49

تحية طيبة يا لعزيز دورت ما لقيت غير ها لرمعه وعسى الله يكتب ما فيه الخير يا وجه الخير0000 شف كان ماهي بطاقة صعود الطائره او الحجز والتذكره 00وحيل الله اقوى00

**ابو يزيد** · 27-12-2001 21:17

اخوي/مجيدع الشمروخي

السلام عليكم ورحمة الله

اخوي تشكر على الرمعة

ولكن يالحبيب الرمعة غير صحيحة وآسف

ولكن انتظر رمعه اخرى

تحياتي

اخوك
ابو يزيد

**حاتم الشمروخي** · 28-12-2001 03:53

لك مني سلام وتحيه000 يا عزيزي تكون الرصاصة والملح

وان ما كنت هي لله اني اقرب حولك0

**ابو يزيد** · 28-12-2001 12:54

الأخ/مجيدع الشمروخي

السلام عليكم ورحمة الله

ماقصرت وتعجبني محاولاتك

وللأسف حلك غير صحيح ولازم تقرب حوله وانا ابقرب الحل

لك الأثنان غالبا يستخدمان بالمناسبات وهما ليس من انواع

الأكل او اللبس او الأواني وليسا هما من الكائنات الحية .

هه قربتلك الحل وحاول مرات مافيها شي ماحطيت اللغز الا للحل

وفي النهاية اذا بغيت ارسلك الحلول على بريدك بلغني لأنك تستاهل

وانا بانتظار محاولاتك هذا ليوم وترى فيه الغاز اخرى

حاول فيها ولا ابجمع حلها وارسله لك.

وتقبل تحياتي

ابو يزيد