[poet font="Simplified Arabic,5,white,bold,normal" bkcolor="silver" bkimage="" border="none,4,gray" type=3 line=200% align=center use=ex length=0 char="" num="0,black" filter=" shadow(color=darkblue,direction=135)"]
صـوّريني في خيـالك وابعثيهـا للقمر = يشهـد بحبّـي وحبـّك لــو تعاندنا النجـوم
وارسلي طيفك يسلّي طرف اتعبه السهر = عاكف بمحـراب حبّك دايـمٍ لاجـله يصـوم
واسمحي لي لو دقيقة ما على مثلك أمر = اكتبـك في وسط قلبـي تمسحي كل الهمـوم
وتسمعي آهـات قلبٍ لـو لمستيها جمر = اجمعيهـا وحلليهـا وازرعيهـا فـي الغيــوم
تمطر بـواد المحبّة تروي لظـام الشجر = تثمـر ورود الأمــاني ما نخـاف اللي يلـوم
واكتبيني في فـؤادك مثل نقشٍ في حجر = ما أبي تنسين حبّـي وامضي العمـر محـروم
انتي كل الكون عندي وانتي عمري والقدر = وانتي أحلى ذكريــاتي وانتي بـردي والسموم
ويش اسوي يا حبيبي كلمـا جـاني خبر = عن خطيبك عن مصيرك كيف انا مثـلي ينـوم
علّميهـم ، فهّميهـم ، انتهـى كل الصبر = ما لحبـي غيـر صقـرٍ اعـرفه وقت اللـزوم
قـولي الطير المهـاجر لولا حبي ما هجر= كل هـذا الكـون لاجلي دايـمٍ حـولي يحـوم
[/poet]
رد مع اقتباس
المفضلات