[SIZE=4.7]السلام عليكم
لا بوتس حاله لا بو الدراسه معتس لا بو امريكا لا بو قطاش :D
ياشين الواحد لامنه كان مشرف على مضيف فلة حجاج ٍ ما وعزله مشرفُ عامُ ما وتولجوه اعضاء مضايف ما بالشماته ودلا يصطغوه ابو صياح ٍ ما :D
والله ما ادري وين اودي وجهي من الناس كل ما اروح لمحل دلت هالعالم تشبهر بي وتقول هذا المتسحوت
قلت مالي الا اهاجر واترك هالديرة كله , كل شئ عاد ولا عزة النفس ( من متى :D )
على الاقل اذا بغيت اجيب مقاضي وبسكوت شاهي (( اخ بس لو اعرف هالبسكوت اللي كل يوم نشتريه وين يروح , يا عاد كل ما يرسلونك يامار هم قايلين لك لا تنسى بسكوت الشاهي والزيت , الزيت مهي مشكله ينظفون بوه البقع اللي على الثياب لكن البسكوت وين يروح ما ادري :D )) ما اشوف نظرات استهزاء وشماته واللي يقول لي يا حووووول واللي يقول لي ايييييييييد
اما تاصل ان مشاعري تنجرح لا والله هذي ما ارضاه ابد ابد , راس ماله اقص لي جواز واتسلف الف ريال من متجند سيفه ( مالت عليه :D ) عاد هذا وجهي تسان هو شافهن مرتن ثانيه :D
واذا حصل بعد اتسلف من باقي الشله مهي شينه :D
بس المشكله وين اروح ,
ان رحت لمريكا عز الله اللي يبون يحوسون مريري هناك ومن سجن لسجن ويمكن يجدعوني بقوانتناموا ويا داعي مالك مجيب :p
وبريطانيا مثله واستراليا العن والعن وكندا يمكن اشوا بس حرام ان يقمص قلبي من البرد هناك وانا بي خشتن ملابطتن:p ما يمدي البرد يقول سلام عليكم الا هي ناتقه , والعنزروت مقلوله بكندا والدي اتش ال مصنفين العنزروت من العقاقير المحظوره وحالفن راعي الدي اتش ال انه ما ينقله لو يدفعون لوه مال قارون :D
فكرت اروح للصين بس اني اويت لحكومة بكين من زود المصاريف:p عندهم هالامة القاهره من يوكلهم ويشربهم واجيهم انا ووجهي زود والله فشيله :D
بغيت اروح لروسيا بس يوم فطنت يامار هي مليانه عصابات ومافيا وامريكا الجنوبيه كله مشاكل وخنقات وانا من النوع الهادي اللي ما يحب المشاكل ومماعط الشوش ( جفول بالعربي :D )
مابقى عندي الا افريقيا او الهند
حطيت قرعه بينهن وطلعت افريقيا بس يوم برقت الا انا ابطلع حبة خال عكسيه بوسطهم ولا ودي اكسر خطّـرهم واسبب تفرقه عنصريه بيني وبينهم ( ايه هيّن )
قلت يارجال مالك الا الهند ارض الحضارات وملتقى البشر وبه جميع الاجناس البشريه اضيع بينهم ( بلا والله حلاياك حلايا الهندي ) .
قصيت الجواز ورحت لمتجند وخذيت منه سبع ميه وخمس واربعين ريال وحلف ان ماباقي معه الا عشر تريل غيرهن :D
واقص تذكره وللهند على طول
وامرح اكا الليله تحت كبري :D ومن الصبح وانا انقز ادور لي شغله اترزق الله منه بس مااااااش مالقيت ( اثري الهنود ابخص يالربع:p , ولا لو عندهم اشغال تسان ما دوّروا الفيزة بالملعونة واخته:D )
لفيت الهند ديره ديره مالقيت مار لو على بند الاجور او بكبينه :D
ياوالله النشبه صدز وش الدبره
لا فلوس ولا هذي ولا هذيك وانا حالفن ما انكس ابد
قلت ما بدهاش يارجال العن الشيطان واتصل على متجند سيفه يرسل حق الرجعه وصم لك ثلاث ايام عن حلفك واي واحد يشمت بك او هذا قله الله يسامحك
اجل احد يخلي هالانعام وهالمفاطيح ويهاجر للهند :DD[/SIZE]
رد مع اقتباس
مشرف مضيف الترحيب والتعارف
<<-- يسمع بالتشفيــر:D
المفضلات