[ALIGN=CENTER] قصيد لي قلتها قبل
عدة سنوات رداً على
عايد بن ورده بن رغيان الشراري
عندما
تهجم على قبيلة شمر بقصيده
بدون اي مبرر [/ALIGN]
[poet font="Arial,4,white,normal,normal" bkcolor="black" bkimage="" border="outset,10,sandybrown" type=2 line=200% align=center use=ex length=0 char="" num="0,black" filter=""]
هاض الضمير وهيضه من ضلمنا=الخايب اللي بالقصيد أستهاشي
الخايب اللي بالمسبه تعنا= فجر براكين القوافي بجاشي
غره زمانه والشعر واستجنا= مايدري ان الدرب قدمه عفاشي
بالكذب والتزوير والخبث غنا= أثار والله حيرتي واندهاشي
مادري خبل ولا بعمره مسنا= ولاعلى سب الاجاويد عاشي
من غير داعي بالقصيد أعترضنا=الخايب الدايح خبيث المماشي
ياعايد الورده قوافيك جنا= نوب(ن) رفاع ونوب فيها هشاشي
واعطيك شوري في كلامك تأنا =لالا يصيبك خفتا(ن) وأرتباشي
احمد نعيم المعتلي وارجهنا= قبل تزود المشكله والنقاشي
حاول تصك الباب لا تمتحنا= حنا ياعايد كالمزون النواشي
أفعالنا مثل النجوم اعتلنا= الكل يشهدله ولابه غباشي
يشهد لنا الماضي وحاضر زمنا= ويشهد لنا منهو على الطيب شاشي
حنا حمات الملتجي لا زبنا=واللي دخل في حدنا مايناشي
بقصيرنا يالهيس ماعمر بقنا=وفينا لزلات أقصرانا تحاشي
حامين كل اديارنا مع ضعنا= بسيف(ن) مهند قبل دور الكلاشي
لاانت لاغيرك طمع في وطنا = خذ الصحيح اللي من الراس كاشي
ايضا(ن) وبديار الاجانب سكنا= يوم انت ياعايد بذيك العشاشي
نرعا الربيع وين ماكان كنا= مدلهين اذوادنا والمواشي
جولاتنا صولاتنا يخبرنا= ولاهمنا مثلك حقوداً وواشي
كم فارس(ن) منا صويب(ن) يونا= وعدواننا ترجع قلوبه غشاشي
منا الذي مواقفه يعرفنا= صميدع(ن) بالحرب ماهو هلاشي
ابن رشيد اللي فعوله بقنا= شيخ الشيوخ اللي للامجاد حاشي
الفارس الزحزيح حامي جبلنا= اليااعتلا بكروش صرتو طشاشي
ستر العذارى يالردي لا اعتزنا=الياء انتخا خصمه يجيه ارتعاشي
تسعين من فعله بيوم(ن) تثنا=من حد صرخه دمهم له رشاشي
ياما صفاء بقعا به الدم بنا= ولا يجحده ياكود رجل(ن) مخاشي
ومنا ابو خوذه راعي الطيب منا=شيخ(ن)بوجهه للمسير بشاشي
جزل العطيه لا عطا ما يمنا= وسموه ابو خوذه عريب المناشي
وشبرم وهايس فزعت اللي تمنا=لهم فعول(ن) لك تجيب الدهاشي
من مجمل الفريس لك أختصرنا= ابطال لاحل اللقاء والهواشي
ولا الشيوخ بذكرهم ماخلصنا=وابي السموحه من جميع الحواشي
حنا الطنايا لاطمت من تطنا= ولا انت جدك وانت وابوك لاشي
ياعايد الورده علومك تدنا= سيل الرداوالكذب غاشيك غاشي
تنبح كما كلب(ن) نبح هاك عنا=والكلب ماعمره مع الذيب عاشي
كذبك وتزييفك بنا ماطعنا=ولاهمنا مثلك شبيه الفراشي
سلبت كل العز والجود منا= وخليتنا ياللعجب كالخشاشي
ذكرتنا للمرمسات وفطنا= وبشاية الله كود تلقا العكاشي
ياشين منكم يأي يوم انهزمنا= هات الصحيح ولا تحاول تخاشي
هات الصحيح وشاهده يالمكنا=والصدق شمشه شارقه يالدحاشي
ماقيل ياعايد شراري غلبنا =من خلقة الدنيا ولاني براشي
إي والذي له بالمساجد خضعنا=رب(ن) كفل رزق البشر يالكباشي
ولاسب ربعك يالردي وافتهمنا= اقولها وانا من الرب خاشي
نعم(ن)بهم ولاانت مابك مضنا= والظاهر ان منت منهم بناشي
افعولهم يالهيس مايجحدنا= ولا وكلوك تصوره بالفلاشي
وانتم وحنا:تحت راية وطنا=بظلال من حكمه يزود أنتعاشي
في حكم ابو فيصل من الخير عشنا= والكل منا يستلمله معاشي
الله يطول حكمهم ويعصمنا = عن الخطا اللي مابه الا الدواشي
وصلوعلى اللي سنته له تبعنا=اعداد موجات البحر يوم طاشي
شعر
فايزالبراهيم
[/poet]
رد مع اقتباس
المفضلات