[poet font="Simplified Arabic,5,skyblue,normal,normal" bkcolor="black" bkimage="" border="inset,4,skyblue" type=2 line=200% align=center use=ex length=0 char="" num="0,black" filter=""]
بعض المواقف تجي وتروح ماتبقى=وبعض المواقف صداها بالعمر باقي
يا صاحبي لا معي تتعب ولا تشقى=يتبدّل الوقت وأخلاقي هي أخلاقي
إن جيت ((أرحب)) وإن ماجيتني ((تبقى))=أنت أكثر إنسان عزّيته من أعماقي
البارحه يانديمي غنّت الورقا=على نديّ الغصون وخضر الأوراقي
والمدخنه عودها يمّ السما يرقا=كنّه عطر زهرةٍ من تحتها ساقي
كم لي وأنا لا رفعت كفوفي العرقا=ماسيّل كفوفي إلاّ دمع الأحداقي!
ياصاحبي يانديمي منوة الطرقا=تلعا المعنّق شبيهة شمس الإشراقي
تدري وش الفرق بين الوصل والفرقا؟=إنك تلاقي هنا ... وهناك ماتلاقي
ياعلّ ذاك الزمان اللي مضى يسقى=عليه مادمت حيّ ٍ فايقٍ أشواقي
وإن متّ قل للعنود الحذرة العنقا=فيه أحسن الله عزاك وعمرك الباقي
رشيد الدهام
[/poet]
رد مع اقتباس
المفضلات