[ALIGN=CENTER]
الاعزّاء اعضاء ورواد المضايف
السلام عليكم
اطلالة اولى تصافح قلوبكم النقيّة
[poet font="Simplified Arabic,5,darkblue,normal,normal" bkcolor="transparent" bkimage="backgrounds/13.gif" border="none,4,gray" type=0 line=200% align=center use=ex length=0 char="" num="0,black" filter=""]
تكفين ياريح الصبا لا تهبّين = عندي هواء الغربي هبوبه حبيبه
ودّي بها غربيّة ريحها زين = القلب ريح اللي يحبّه طبيبه
والزين واجد من يعد المزايين = الفرق عقبه للصدور الرحيبه
والظلم اشوفه عادةٍ للمحبّن = وانتي من الظلم المحبب قريبه
والعشق جلاّب السهر واخره شين = راعيه للنجم الشمالي رقيبه
كنا اثنينٍ ما يقلّد بنا اثنين = يعج لي ودّه ووجده وطيبه
ولادري وش اللي خط فالارض خطّين = الله على من خطهن لي حسيبه
يالايم العشّاق خلّ المساكين = سوالف الدنيا عليهم عجيبه
هم يحسبون الوقت يصفي بعد حين = والوقت عند اللي مسوّيه غيبه
والود هم وغم وافراق غالين = وسحرٍ على العشّاق ياخذ ضريبه
واظن فيني منه بعض البراهين = سجّه وتنهيته وعبره وشيبه
مغير اناجيها بليّا عناوين = واقول ياشبه الحمام الربيبه
اصيح وانتي ساكته ماتردّين = صحيح قانون الغرام الغليبه
الى متى وانتي على الهجر تقوين =وتعذبين اللي تردّى نصيبه
عودي عساهن يرجحن الموازين = والاّترى من باق شيٍ يجيبه
ماقوى على هجرك ولا اقوى على البين = ولاقوى على رد القمر من مغيبه
عساه لي تكفير ما شافت العين = وماكتب للمخلوق لازم يصيبه
يانفس هودي بالهوى من تناجين ؟ = ماينوخذ ود الحبايب غصيبه
[/poet]
شكرا لكم وتحية مودّة
اخوكم ابونوت (صالح السبيل )[/ALIGN]
رد مع اقتباس
مشرف مضيف الترحيب والتعارف
المفضلات