شئ من نسناس الشمال

[محارش]

[SIZE=4.4][ALIGN=CENTER]ولأن المعزى لا يمكن ان تلد صقورا فقد ولدت عطره عناقا يحبه قلبك :D
ولأن عطره كانت العنز المدللــه لنسناس الشمال فقد طار ( وقيل مرواس :p ) من الفرحه بل لعله بغى يتشقـق :D

ومرت الاسابيع على قدوم العناق الجميله ونسناس مغير يناظر له ويقول متى تكبـرين وتصيرين عنز واسرح بتس يم التلال يا عنزتي الجميله ( <<< منتحل شخصية بيتر خوي هايدي:p <<< هايدي باركي :D )

وفي ليلة غدرا والقمر يشع بنوره المتلألئ على ضفاف شعيب الخفجي العام :confused: اذا بسحابة عقربيه ( وقيل صبيخا ) قادمة من المنشا مرودمه تشيب ( يعني رخيص بالعربي :D ) اللي ما يشيب ( <<< اكيد الاصلع :D )

<<< المصطلحات موجوده بس التركيب يفتح الله :D

نقز نسناس الشمال الى عطره وابنتها الجميله ( ليا هاللحين ما سماه لانه اختار له اسم شتره بس الاحوال عيوا يقولون اسم غير لائق :D ) وكانت عطره لحظتها منشبتن قرونه بالشبك كعادة اصيلة درجت عليها كل المعزى حتى العارضيات منهن :D

وفي اثناء محاولة نسناس تخليـص قرونه من الشبك سمع صوتا كصوت العلج ( مصدر من الفعل علج اي مضغ ولا تمت لعلوج بأي صله والعلوج كلمة صحـّافية لم يحسم امرها بعد )

( عن اذنكم ابرد على التلفون اسمعه يدق :p )

( طلع واحد من خوياي طفشان ويكلم بس كذا ما عنده سالفه وكل كلمه والثانيه يقول أيييه وهذي اخبارك وانا تخبروني حياوي وما اعرف اسولف :D )

وين وصلنا بسالفة نسناس وعناقه ؟؟؟

وش لكم بالطويله عاد وهي تجيهم هكالبردية اللي حبته كبر حبة البخارى ( <<< مهو احمد سفر لا هذي نوع من الفواكه تشبه المشمش بس لونه عنابي وملسا :p <<< ياحبه للتعقيد حتى بالوصف معقد ) وهو يخمش العناق ويحطه بشليله ويتقـنّـع هاك الخيشه وركضة ٍ وحده لياما وصل غريفته وهو يلقطه نومه ولا قام الا الصبح ( الا صحيح بداية السالفه انا قلت انه بالليل او نسيت تسذبتي ما ادري بس استروا ما واجهتوا )
المراد يوم قعد الصبح يامار عطره ميته
ويوم شافت العناق امه ميته وهي تشهق يا ما بعينه القطره :D
ويبتسي نسناس

( عن اذنكم اشوف ابو صياح ( عبدالعزيز ) سجّل دخول للمسنجر وابتلاقط انا واياوه من زمان ما تخانقنا :D )

( كتبه المحتاج الى عفو ربه
الشيخ محارش:DD
وكان جالسا لحاله وضايقتن به الوسيعه ما يدري وين يدوي ولا وش يعمل قال مالي الا اكتب اي شين ونتج عنه ما قرأتم من ترهات وقد كان مشغلا التلفزيون على القناة الاولى وبوه ثنين متقابلين مايدري وش يحتسون عنه لانه كان مقصّر على التلفزيون بس مشغله عن قولة ما يتابع الاعلام المرئي :D )

وش رايكم بتنسيق الالوان ؟؟؟
ما ادري احس اني مستلحج شوي :D
وللا اشاعات بس !!! :p

تشااااااااااو[/ALIGN][/SIZE]

[أبو مقرن]

الشيخ : (محارش_ محارش)مشرف مضيف فلة حجاج ...........المحترم

السلام عليكم ورحمة الله وبركاته<<<< بغى ينقلب معروض:D

أقوووووول:
شرهتك على اللي فهم شين.ن. من هاللي فوق<<< من زين مواضيعه

على العمووووووم: يعطيك العافية..على هالكليمات..اللي يونسن.. ويفضن عن هالصدر..

على فكرة..... البرنامج اللي إنت تراعي له يوم تكتب الموضوع..تسان منا واهم............ إنه:

مع الأحداث <<<<<<متأثر.ن. بعبد الله الشهري;)

وهو برنامج يهتم بتنجيش الارهابيين.... ونشر غسيلهم الله لايبلانا....
وماخلوووووووا شين.ن. ماحطوووووه بهم..
لذلك .....ياشفت هالبرنامج.....بس خل تلفزونك على الاعلام المرئي...
وإيانن وإياك..ترفع على الصوت...لان به موسيقة.ن. حزينة.. وموال.ن. يقطع القلب..........
تحيااااااااااااااااااااااااتي: أبو مقرن

[عبدالله الجعيثن]

[ALIGN=CENTER]هلا بمحــارش

ذكرتن بقصيده لجدتي يوم تمــدن ابوي وقام وباع معزاه وكلا الفليسات

لوا حلولات ياعطره**** وشتره وكل الصخيلاتي

بياعهن واحد منا****طمعـان يبي الفليساتي

المهم الوالد لهفهن وعطاه ركبه:D.[/ALIGN]

[ابو خليف]

[ALIGN=CENTER]واااااااااا حسرتاه


اله من ضيقت الصدر


شد حيلك يانسناس


وهذي الدنيا تفرق ماتلم

وانشاله ان الله يرزقك برعية غنم



وتنسيك عطره وامه



محارش تسلم على الموضوع وادري ان هدفك على شان تفرج عن نسناس ضيقته وتونسه بفراق عطره



بس ما قلت لي وش عملت انت ان وابو صياح


بعدين كل هالترفيه وضايقه بك


ما سنجر ونت واعلام مرئي وتلفون


ماناقصك الا البلاستيشن تو



وتقول ضايقه بك الوسيعه




وش خليت لنسناس من الضيقه



قرب بقولك شي



ابي افتح محل بويات وش رايك تشتغل معي


منسق اللوان وش قلت



اعطيك نسبه زينه[/ALIGN]

[اليم]

[ALIGN=CENTER]انواع التنسيم ياراعي المعزى<<< شكله شطر بيت


ونسناس هاللحين ما فكر لا بعطره ولا شتره <<< طالع شهر عسل براس مشعاب:D

<<ما ودك تجيب سالفة العنز اللي......


ايه على فكره كان بوه سنة ن من السنين عندنا لنا عنز براسه انواع اللقافه

ما تخلي ما عون الا ترفعه ولا شبك من الشبوك الا ادخلت راسه بوه ولا نخلة ن

من نخل جيراننا الا كلة من طلعه

المهم هكالمره كانت مدخلتن راسه بالشبك وابوي تووه جاي ومستلمن

الرويتب على اول طلعت الخمسميه واول مانزل والله وهي تطير حدا

الخمسميات ومع الهواء لياهي بفم اللعنز:D وانقز ابوي يبيه والله وهي

تفلت من الشبك وكلنا انواع الطردي ويالله نمسكه ونفتح افمه ليا الخمسميه

من صيد امس باطراف الاثني عشر:D

والله وابوي تقفل معوه قال جيبوا السكين هذي كله ما تسوى 500 لو ابي

ابيعه<<< طايحاتن سنونه:D

والله وبظرف 5 دقايق ياحنا لا عبين بحسبته ونطلع ال 500 اللي تقول طرف

شماغ عالتستوه لوه عنز:D

ونرجعه للبنك <<<<سوو لنا مسرحيه هكاليوم عليه :D حسبي الله عليهم



وين الغازي سلملي على ابوك :D يوم لهف الفليسات [/ALIGN]



.

[مفتاح14]

[ALIGN=CENTER]ويقولون محارش عاقل :p

ياخي انت المفروض رتبتك ( فاقد:D ) ..

ياخي موضوعك جامعن بوه كل شين ..ماغير تطامر..شوي عن المعزا وشوي اتصال..وشوي تلفزيون..
وانت تخبر ما اركز زين والموضوع ماشي على وجهه وشلون عاد اليا قمت تروّغ بوه:D:D


بس بيني وبينك أنا ما هضمت سالفة اليم..

مادري انت هضمته والا لأ؟:p


والا الغازي..اللي مسوي فيها (راويه)..<<راويه والا تانكي :D

وبعدين على طاري الماسنجر..وشنوحك مغيّرن ماسنجرك

ما ودّك تضيفن
تر والله ما أعلم الفاضي..لا تخافpp:D:D

(:p) <<< أنا اليا ضاق صدري قمت اراعي لهالخشه..همّن اسفهل واستانس:D


[/ALIGN]

[اليم]

[ALIGN=CENTER]^

^
بسم الله عليك وانت تبي تاكله:D[/ALIGN]

كاتب الرسالة الأصلية : مفتاح14
[ALIGN=CENTER]


بس بيني وبينك أنا ما هضمت سالفة اليم..

مادري انت هضمته والا لأ؟:p


[/ALIGN]

[ALIGN=CENTER]LAX TURBO

^
^
يمدحونوه للي عندهم عسر هضم:D[/ALIGN]

[مفتاح14]

8
8
8

وش رايك نقلب الموضوع تشات:D

مدام محارش مايشوفناp

[محارش]

[ALIGN=CENTER][ALIGN=CENTER]^
^
^
الشرهه مهي عليكم الشرهه على اللي يكتب موضوع بهالمضيف :D

[/ALIGN][/ALIGN]

[مفتاح14]

[ALIGN=CENTER]8
8
8

ماهي هي ياشيخ
ترى والله نمزح.. حتى اسأل اليم ( وجه يقول: الذله بنت حلال)

ماعليك من خربطة هاللي فوق..واستمر بالكتابه رعاك الله:D

فربما نقاش سامج ( مثل اللي صار بين الثلاثي المرح:D) ينبثق عنه فكرتن لاصارت ولا استوت.. مما يعجل بميلاد موضوع جديد لأحدهم:p

<<--- اول مره ما يقيــّل :p

اشوفك ماجاوبت على استفساراتي المبجله

برب:D

[/ALIGN]