لقــاء مـع الشــاعــر((حـــامـــد زيـــد))
[poet font="Arial,5,orange,bold,normal" bkcolor="transparent" bkimage="http://216.40.241.209/textures/pink/pink061.jpg" border="outset,10,purple" type=0 line=200% align=center use=ex length=0 char="" num="0,black" filter=""]
لقــاء مــع الشــاعــر حامــد زيــد
س1)-حامد زيد00مـن أنت؟
مشتهر بلسان صادق ماحكيت الصدق زور = ولاحكى عني لساني ولاجهرت ولاجهر
كم كتمت السد وافي خايف أعصابي تثور = لين باح السد لَما مدمعي بان وظهر
ولاطوت رجلي مسافه ولا أثرت فيني شهور= ولاكوت قلبي حريقه ولاطفى ضوّي نهر
معتري درب النهايه بعبر ضفاف البحور = وأشبك الدنيا بكفي وأدفع أيامي مهر
***********
س2)-كم عمــرك؟
صحيح أني صغير السن ولكن(قدهــا وقدود) = وأنا عندي مع الدنيا مواقف ترفع الهامه
طموحي يملى العالم ولابه للطموح قيود = مدام أن الأمل طبعي(عرين صرت ضرغامه)
***************
س3)-أوصف لنا حبك لأمك؟
أمي لها بالقلب والجوف منزله = مكانةٍ ماكل محبوب نالها
أقرب من ظلالي وأنا وسط غربتي = وأنا تراى أقرب لها من ظلالها
ماشافت أعيوني من الناس غيرها = ولاخلق رب الخلايق مثالها
أغلا بشر في جملة الناس كلّهم = وأكرم من أيدين المزون وهمالها
أتبع رضاها وأرتجي زود قربها = واللى طلبته من حياتي وصالها
****************
س4)-ماموقفك من الحب؟
ملعون أبو العشق دلعها = لاصارت البنت تامرنا وتنهينا
تجزم على الرأى والكلمه وتقطعها = وحنا الرجاجيل لارحنا ولا جينا
******************
س5)-هل مريت بلحظات صعبه؟
جتني ظروف للكدر مستعده = قامت تحدد لي الأحزان ميعاد
مر تجي للحظ ومرات ضده = واليا تكدر خاطر القلب تزداد
*******************
س6)-ماذا حصل بعد أن قابلت من تُحب؟
بعد ماقابلتني عاتبوها = على شوف الحبايب حاسبوها
خذوها وابعدوها غصب عني = وعن وجهة طريقي جنبوها
وشالوها عن عيوني غصيبه = عواذل وغصبوني وغصبوها
خذوها من أيديني شوف عيني = وعن عيني تعدّوا واحجبوها
كلام وصدقوا بالبنت كذبه = وهمّ اللي من أول كذبوها
وهم وش دخلهم في مال بيّن = لابوها والخلايق طالبوها
********************
س7)-وماذا فعلت هي؟؟
وفيّه ماتخون ولاتعاند = جسوره والمواعيد أرعبوها
ملاكٍ كامله والكامل الله = ولكن العواذل عذربوها
تلفتّ من عقب ماهي جريئه = شجاعه ماتهاب وهيّبوها
*********************
وأهدّيها وأنا حاير وثاير = مصيبه ياعذابٍ عذبوها
س8)-وأنت أبتعدت عنها؟
هم كلما خذوها عن طريقي = تراهم صوب قلبي قربوها
غلاها بالحشا لازال ثابت = ولو حتى بغيري حبّبوها
وغلاى بقلبها مـرّ وتعدى = غلاها لأمها والا أبوها
***********************
س9)-طيب00ماذا فعلت معهم؟
وأنا لي عزةٍ تفرض عليّه=أخاطب بالجفا من خاطبوها0
وأكسر لوحة الماضي وأزيله=وأخرّبها مثل ماخرّبوها
وأذّوقهم ندم ماصار فيها=وأشرّبهم من الليّ شرّبوها
وأدلّعها وأولّعها بنفسي=وأشرّقها بعد ماغرّبوها
وأعوّضها عن الليّ راح كله=وعن ذيك الليالي كلّبوها
***********************
س10)--ما المثل الذي تردده دومــاً؟
-ماعرفت الأعباره مثلها مثل الوصيه=(عيش عمرك ذيب)تسلم من مخاليب الذيابه
************************
س11)- نصيحه أخيره تقولها لقراءك؟
أصحى من الغفله ترى العمر حدّه=للوقت سجاته وللموت ميعاد
وهذي هي الدنيا تجي مستجدّه=تلقا بها المازح وتلقا بها الجاد
قصة حياة ومننا مستمدّه=ويلزمها تنفيد وأخراج وأعداد
عشنا على كف القدرفوق يدّه=الله خلقنا عباد ونفنى له عباد
ولاحاصل للحي ماكان وده=ولاحاصل للي يموتون ميلاد
*************************
نشكر ضيفنا الشاعر:: حامد زيد
وأن شاءلله أستمتعتوا معانا
وألي لقاء أخر مع شاعر أخر
[/poet]
رد مع اقتباس
المفضلات