[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,white" filter=""]
مـرّت تقل متهيّبه بعيونهـا سـحر وعجب=مـرّه تنـاظر قـدمها ومـرّه تناظـر للـورى
مـاعاد نسمع للحفل لجّـه وتصفيق وطرب=النـاس فيها من وقف مرتـاع وفيها من سرى
ثـم أثبتت مـثل النخل مـاهزها ريح ومهب=ثم أرمـشت بـعيونهـا مستغربـه ممّـا ترى
وتساسرو منّـا بحذر هي السبب هي السبب=وتسـاسرو منّـا بعجـب سبحـان ربِ صوّرى
حورية البحر أحضرت راع الروايـه ماكذب=ذا شكلهـا ذا وجهها اللّي علـى الخاطـر طرى
هـو الحـلا منها خذا ولاّ الحلا فيها نشب=الـزين يلـزم حدّهــا للزّين هـي درع وذرى
ثـمّ مشت خطـوه قدم ثم أوقفت فيها عتب=ولاّ مـن عيـون البشـر مـتكـدّره ماينــدرى ؟
ثم أستدارت وأرجعت ترمي وتجرح بالهدب=بخطوه لها صوت وصدى جتني وقالت وش جرى ؟
قلت أنتي منتي منّنا ولا فيه بأشعار العرب=وصـفِ يـقرّب حروتـك مــنين جيتي للثـرى ؟
[/poet]
رد مع اقتباس
المفضلات