[poet font="Arial,4,purple,normal,normal" bkcolor="burlywood" bkimage="" border="groove,5,purple" type=2 line=200% align=center use=ex length=0 char="" num="0,black" filter=""]
هبت رياح واعتمت دنياي واظلم به سماه=ودكت جبال وزلزلت قاعي وشبت به لهيب
ريح كفانا الله شره كدرت صافي هناه=هدت شموخ الود ياهي فعلها فعل عجيب
مدري وش اللي حدره يمي وذوقني عناه=هذا هو الحظ الردي يااالله عدل للنصيب
ياحظ ياحظ الندم راحت مسرات الحياه=وانت السبايب وش بلاك اصبحت لي ند حريب
الحال قفت وانكسر عوده وقرب منتهاه=والنفس عافت واستصابت وابعد الخل الطبيب
وش حيلتي ضاقت علي دنياي ياكيف السواه=اخر جزاياها وداع جاد بالجرح العطيب
جرح فلا والله يبرا كود في شوفة ضياه=الجادل الرعبوب زين الخد والغصن الرطيب
وجدي على ذيك الليال الماضيه حزة لقاه=ياما تناجينا بها محبوب يشكي للحبيب
ذكرى عزيزه ثابته ماساعة بالي نساه=تسقي لهايف خاطر ينده ولا يلقى مجيب
الا طيوف تدهله بالليل تروي به ضماه=تنسيه لحظات ضمى خله ويرجع للنحيب
يالله ياجامع شمل يعقوب مع غالي ضناه=تجمع بشملي شمل خلان نوو طول المغيب
شقران
[/poet]
رد مع اقتباس
مشرف مضيف الترحيب والتعارف
المفضلات