قصيده من شخاليل حائل:
صادفني وعانقني في ممر
---------------------- مبرقعاتٍ والعيون مكحلات
قالن اسمك ووين ساكن يابشر
----------------------- قلت أمير الليل اسمي يابنات
حائلي وحائل لنا اسم وفخر
----------------------- ونفتخــــر به بالديار المبدعات
حائلي في يسر وصعاب الدهر
----------------------- حائلي من جيبتي حتى الممات
ودام حاتم للكرم ماله خسر
----------------------- من سكنها صار مشهور الصفات
حاتمي بالجود والطيب اشتهر
----------------------- والشجاعه والكرم طبعه ثبات
يوم دور الخيل والبيت الشعر
---------------------- يميزونه عن العلوم الطيبــــــات
ويا عذابي كل ماحل السفر
------------------------ وغبت عن حائل ولو لحظة مبات
جبت بوكي والقلم وشعري حضر
-------------------------- والقوافي في ضميري معسفات
يازهمت القاف في جاشي زمر
------------------------- وياضميري من بحور القيل هـــات
وقمت أنا أبكي وأتغزل به شهر
------------------------ وصار عشقي له مثل عشق البنات
الغزال اللي جعد راسه نثر
------------------------ أشقرٍ غطاه من فوق العبات
والشفايف بينهن صف الدرر
------------------------- محمراتٍ للمنايا معسلات
عذرى للعاشق بنظراته خطر
------------------------- أحمر الخدين وردي الشفات
يوم تكشف نور خده كالقمر
------------------------ والنهود صغار بصدره زاميات
العنود الريم والضبي العفر
----------------------- نوطا مزيونه وصوفه كاملات
هذه هي حائل وروحي له مهر
---------------------- ولو مهرها المال مالي له فدات
عندي أحلى من بلادٍ به نهر
---------------------- ولندن وباريس وغيره واجدات
ومهما قلت القيل في حائل قصر
---------------------- وحائل اسمي ووين ساكن يابنات
والقصيده مختره
...........................
رد مع اقتباس
مشرف مضيف الترحيب والتعارف
المفضلات