[poet font="MS Sans Serif,4,white,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
سكر الشام
الصاحب اللي مر من صحبته عام = يتلف بيديه الحرير ويفله
عامٍ بقى بالذاكره كنه ايام = رائع بترحاله ورائع بحله
عود القصب يعزف مواويله احلام = برقٍ سجع صوته وغيمه تبله
قبل الورق يحضنه تكتبه الاقلام = حتى القصايد عمرها ماتمله
أثر القلم سيد والاوراق خدام = والصدر حضنٍ للقصيد ومحله
ملح الخليج اليا انسقى سكر الشام = برد الشمال الياضوا الضلع مله
يفداه كل دربٍ ولو كانت زحام = حكيه قدوع وضحكة شفاه دله
خصره كما غصنٍ تداعبه الانسام = أن ماذبح لااقفى00ذبح مقبلٍ له
حرٍ ليا فرع وناظر لك وشام = ولامن تبرقع كل عرقٍ يتله
كنه صنم فتنه واغراء الانام = أهواه ولااعبد سوى الله والله
ماهو بذنبه لاذبح طير لاحام = كفكف يديه ورمش عينه يسله
من شاف زوله برمضانه ولاصام = صلى وهو فاطر وريقه يبله
من يوم ماشفته وانا اقول قدام = ماعمر انا لمحت في لاء لله
يومٍ عرفته كم دفنت من الالام = دام الحجاج ان شاف زولي يفله
ياما غفى في ايسر ضلوعي ونام = ايسر ضلوعي خلقته ومرتع له
حجله عباته برمة ايديه وزمام = ردفه عيونه خده الخصر ظله
كله على بعضه حلا وسكر الشام = ملح الخليج وقبلة الملح كله
فيصل اللويش
[/poet]
رد مع اقتباس
العود أحمد
مشرف مضيف الترحيب والتعارف
المفضلات