مرحبا ياشباب
وبالخير ياشبابات
وش لونكم ياشيبان
وش لونكن ياعجز
بصراحه فيه فكره طرت علي يوم قريت موضوع ابن جشعم ولاتقولون وشو على شان مكانه ماهو مسموح للجميع واحد قمة النذالهالمهم الفكره ماهي وليدة اليوم ولكن تطبيقها سهل وفيه نفع وفائده لجميع المضايف وعلى شان نكسر الحاجز اللي بين بعض الربع وبعض المضايف
الفكره هي ان يكون هناك متبرعين بزيارة المضايف اجمع اعني اننا كل يوم نزور مضيف والرحله تكون مستمره ولاتتوقف بس انا عاد اسمحوا لي ايام العطل لاتشرهون علي الا بعض العطل ماهي مشكله اشرهوا علي
الفكره مثلاً نبدأ من اليوم ولتكن الزياره للمضيف الاسلامي اذاً
يوم الاحــــــــدبتاريخ 18-2-1224 الموافق 20-4-2003 تكون بداية الرحله ونحط الرحال عند الشيخ الواكد وفرصه اللي به ربع يقرأ عليه الشيخ
يوم الاثنين الموافق عاد انتم تعرفون التاريخ
يوم الثلاثاء تهبط الطائره عند المضيف الذي من المفترض ان يكون الاكثر اقبالاً وهنا دلع طبعاً لان المشرفين من الجنسين يعني راح يكون هناك كبسه على كيف كيفه وراح يكون هناك مهيّله تقعد الراس طبعاً نحن باستضافة فئه من ابدع الفئات وهم عبدالعزيز ومحمد العربي وجواهر
يوم الاربعاء وهنا يوم الظاهر اني مااجي لأني كثير التفريكات في ايام العطل كما اسلفت
يوم الخميس هذا عاد اليوم اللي فيه بسطه عندنا بالديره مانقدر نشوفكم
يوم الجمعه وهنا موعد مع الشاعر وراح تكونون باستضافة اهل الكرم والجود مع عيال الحموله وعيال الشهامه في استضافة كلاً من الغازي وبوعذاري وفيصل اللويش وفيصل الطواله هنيالكم من قدكم شعر في شعر
يوم السبت اففففففففف اول يوم دوام
يوم الاحد راح نكون جميعاً في بلاد العذوبه ونحن نتصفح الشعر الفصيح والاخ العذب يصب لنا من القهوه العربيه اللي حامسه في رفحاءوووووووووو
يوم الاثنين تكون الاقامه في مضيف قصه وقصيده والله ونعومك عند ابوعتيق وبوصعفق وخذ من سوالف وماتسمع الا اكا السنه ويوم حنا قطين على اكالمكان وهنا نتذكر ونعيش عيشة اجدادنا ونعيد الذاكره الى الوراء ونتخيل كم كانت الحياه جميله وممتعه باهلها وكيف كان صبرهم وكيف كان خلقهم وتسامحهم وشجاعتهم
يوم الثلاثاء نجد اخينا اليم مجهز الالغاز يعني قبل ماتقولون كلمه وحده تسمعونه يقولون مالك لواااااااا
يوم الاربعاء نتجول في مضيف الشعر المنقول طبعاً نفس الاشخاص راح يسبقوننا الى المضيف حتى تكون حلقات الكرم مستمره
يوم الخميس خلوووووووووووووووووووووووووووووووووووووو وووووووووووووووووووه يعني راح نتمشى في مضيف المحاوره ونتطرق الى هذا الفن الشعبي مع مشرف هذا المضيف مع هذا الكرم المعطاء مع نهر الكرم الاخ القديمي وسوف يعرفكم على هذا الفن وراح نعقب على كم واحد ومن ثم نودعهم متوجهين الى اين ؟؟ اصبروا خلوني اشتري لكم حلا عقب هالمفاطيح اللي قلطهن لكم القديمي
يوم الجمعه راح نحط الرحال في مضيف اسمه يخرع بس ماعليكم المشرفين عليه شهم ووليده وينت اصول صحيح اول مانطريه نتذكره العمليات ولكن هنا غير فنجد سواح نت مطنش الطب وهو جالس عند الدلال ويردد على مسامعنا الله حيهم الله حيهم لأنه اعتاد على تلك الكلمه وترعرع عليها ونجد البندري تضبط بهالطبخات اللي على كيفك بس ماهي خاليات من بعض الابر
يوم السبت نجد في المطار الزهور منتثره هنا وهنا ومن تلك المناظر نعرف اننا في موقع يهتم بالمكان ونتوقع ان يكون المكان نظيفاً ليس كغيره ونرى الشموع مضيئه في كل زوايا البيت وكلمات الترحيب ليس لها حدود في مضيف مشرفته هي المهاة وهنا راح تتمنون وراح تدعون علي لاني شريت لكم حلويات من الدكاكين لان المهاة كانت مصلحه لكم حلى تأكل اصابيع جارك من زينه
يوم الاحد في عالم التكنولوجيا ونحن نتجول في مضيف المشرف الرائع ابن جشعم وهنا اول ماتاقف قدام الكمبيوتر يمد لك فنجان قهوه انت طبعاً راح تستغرب ويمكن تنخرع ويمكن تهرب ولكن لاعجب مع ابن جشعم فهو كريم وحتى كمبيوتراته علمهن الكرم (تحسون انه دعايه من وراه كم برنامج )
وطبعاً راح يكون هناك قسم الفاضي واقف يتحراكم وهو يحالف عليكم الا تمرون وتقهوون بس عاد قولوله اننا تعشينا عند ابن جشعم لايذبح لكم تروح هو خبل مايتفاهم ولايذبح الا جزور اسمعوا ابي حديكم يتبرع انه يحلف بالطلاق يبي ينكب له واحد
يوم الاثنين في فن التصميم وفي فن الابداع وهنا نرى الصور الجماليه وكم من شاعر وكم من كاتب راح يتنح هناك ومعه الورقه والقلم يصف منظراً قد اعجبه وهنا نكون باستضافة المبدع فوق العاده فنان الريشه وفنان الفكره المتميزه جهز الهمزاني وكذلك الاخ ا لغائب الحاضر المبدع وراعي الاوله الاخ فواز
يوم الثلاثاء سننتقل الى حصة الرياضه على شان اللي مكرشين يخففون شوي وكيد راح تكونون كلكم من هالفصيله عقب هالكبسات وهالحلويات هنا يكون المعزب ابوراكان وأول ماتاصلون يبي يقول لكم ياالله الميدان وخوذوا لكم كم فره وكم دوره وبعدين تعالوا اشربوا قهوتكم بس لاتكثرون لأن بعده بعد تمرين لياقه
يوم الاربعاء راح نكون في مضيف قريب جداً للقلوب نسكب العبرات على اطلاله لأننا جميعاً اصحاب قلوب ومشاعر هنا سيكون بالاستقبال صاحب القلب الكريم والشهم المعطاء وصاحب الكلمه الصادقه والقلب النابض بحب الجميع نعم هو الاخ المهيني
اظن ان كانت الفكره قد عجبتكم سوف نستمر في الدوره والمطلوب تسجيل اسماء المتبرعين في تلك الرحله ونتمنى من الجميع المشاركه فليس هناك غنى عن احد
وكلي اسف على الاطاله ولكم مني كل التحيه
رد مع اقتباس
شنو الحل ؟؟؟ تخبر العروس كثرت بعد الازمة اللي صارت والحمدلله عدت على خير ... بس اشعقبه بعد ماتفجرت الصواريخ فوق بيتنا 
المفضلات