مجلس وديوانية فلة الحجاج...

**بتول آل علي** · 05-07-2004 21:54

المشاركة الأصلية كتبت بواسطة المخاوي

مار الدهور وش تبون به تروه نشبه ونبي نبلش به مار نبي نحذفه بحدى هالغيران ونرجع..هاهههه

الدهووور >>> تقصد بالقهوه >>> تبيله جلستن هذي مع بريدز زنجبيل ومخرعن بوريقات ربيع.
ابو مقرن

الله ليششش ما قلتولي من الصبح بتحذفوني بحدى هالغيران

مار ازقررر الربع كلهم و نلعب معاهم عويجه >>> و اللي ما يعرفها يسأل ابليس عنها

**الاصمعي** · 05-07-2004 22:07

السلام عليكم
بالخير يالربع

قو كلٍ بإسمه

ابو مقرن الحمد لله على السلامه

هيضن متفاءل بهالدله الي هو سوى لبناخيه وعزيمته لوجيه الربع والربعات

قال ابو غازي لشقر البن خرمان***ورد متفاءل حاضرٍ وأمرك مطاع
أبشر وانا خالك بفنجال خولان***يغدي العماس ويبري فواد ملتاع
بأيسر صبابه في مصبٍ لشعبان***لاساح ظل الضلع في مسهل القاع
عزيمةٍ عمت سحالي وشهبان***ذولا على دله وذوليك نعناع
وين انت رايح يابن الاجواد يفلان***بالوصف ماراعيت وقتك والاوضاع
بردز بروحك منت بجبال لبنان***إترك خيالك وإرجع لنفسك بساع

أستروا ماواجهتوا ولا تنسون شعاركم;)<<الزعل ممنوع والعتب مرفوع

**بتول آل علي** · 05-07-2004 22:13

المشاركة الأصلية كتبت بواسطة الاصمعي

السلام عليكم
بالخير يالربع

قو كلٍ بإسمه

ابو مقرن الحمد لله على السلامه

هيضن متفاءل بهالدله الي هو سوى لبناخيه وعزيمته لوجيه الربع والربعات

قال ابو غازي لشقر البن خرمان***ورد متفاءل حاضرٍ وأمرك مطاع
أبشر وانا خالك بفنجال خولان***يغدي العماس ويبري فواد ملتاع
بأيسر صبابه في مصبٍ لشعبان***لاساح ظل الضلع في مسهل القاع
عزيمةٍ عمت سحالي وشهبان***ذولا على دله وذوليك نعناع
وين انت رايح يابن الاجواد يفلان***بالوصف ماراعيت وقتك والاوضاع
بردز بروحك منت بجبال لبنان***إترك خيالك وإرجع لنفسك بساع

أستروا ماواجهتوا ولا تنسون شعاركم;)<<الزعل ممنوع والعتب مرفوع

صح لساااااااااااااااااااااااانك ،،، بس في كمن كليمة مهي مفهومات و هُنّ

:

خرمان - خولان - العماس - سحالي و شهبان ( ذولا كنهن قبايل

) - بردز

و هذا البيت بكبرووووه ما فهمته

بأيسر صبابه في مصبٍ لشعبان***لاساح ظل الضلع في مسهل القاع !!!

**الاصمعي** · 05-07-2004 23:14

المشاركة الأصلية كتبت بواسطة الدهور

صح لساااااااااااااااااااااااانك ،،، بس في كمن كليمة مهي مفهومات و هُنّ :

خرمان - خولان - العماس - سحالي و شهبان ( ذولا كنهن قبايل ) - بردز

و هذا البيت بكبرووووه ما فهمته

بأيسر صبابه في مصبٍ لشعبان***لاساح ظل الضلع في مسهل القاع !!!

^
^
أخبرك تدرسين لغه وفزعوا الشباب ماقصروا سووا فصول للمبتدئين وللدراسات العليا والمتقدمه<<بس شكلك ماش الإستيعاب مهو كل هذا

يالله هذي معاني الكلمات:-
خرمان:مشتهي الشيء بقوه<<خرمان قهوه خرمان شاهي وهكذا
خولان:منطقه باليمن مشهوره بزراعة القهوه
العماس:الإرهاق
سحالي وشهبان:السحالي الدهور ومن معه والشهبان عميد الفله ابو غازي ومن معه
بردز:برق<<تفكر

البيت الشعري هذا يوصف المكان الي مسوين به متفاءل قهوته

<<شرح مفرداته على متفاءل لأنه أبخص بهكالديار

إن شاء الله كلش مفهوم هالحين;)

سلام

**الجازي** · 05-07-2004 23:33

<<<<<<<<<<<<<< سحلية خاشة عرض

الحين بالله حنا سحالي وأنتم يالله شهبان !!؟

بعدين يالدهور بلا فضايح ترى هالتماسيح مايصدقون خبر ,, يتلقطون الزلات

اذا ماعرفتي شيء من حتسيهم اسأليني وأنا أجيب لتس العلم السنع واذا ماجبته كالعادة ,, أدبر لتس اللي يجيبه ولو من وراء جُدُر

وريم شمر ماتقصر عندها مراسلات في حايل ,, يعني تجيب لتس الترجمة الحرفية لكل مايشكل عليتس يابعدي

خطمة :

الا متى غيرتوا عنوانكم ؟؟

بس تبون الصدز ,, هذا أنسب له الحين عقب هالانحرافات اللي صارت على فكرة الموضوع

**ابو فارس** · 06-07-2004 00:30

المشاركة الأصلية كتبت بواسطة الريم

خطمة

:

الا متى غيرتوا عنوانكم ؟؟

بس تبون الصدز ,, هذا أنسب له الحين عقب هالانحرافات اللي صارت على فكرة الموضوع

هذا ابو غازي ماقصر بصراحة
شافن بالهاف مون
وعزمن على الشبه هنيا
ويوم جيت غير اثاث المجلس

سهلة صح؟

**المخاوي** · 06-07-2004 03:25

يالاصمعي حياك لاصرت شفقان = لوجيه النشاما اللي صيتهم ذاع
تلقى الوالمه ومعها بريدزن مليان = والبكر يسويها قرم الاولاد مناع
ولاطاب الكيف ابشر بذبايحن سمان = وعلومن تسر الضيف بالاجماع
وشجاب جبال طوني وابن لحيدان = لضلعان سلمى وجيانها والتلاع
+++++++++++++++++++++++ = ++++++++++++++++++++
+++++++++++++++++++++++ = ++++++++++++++++++++

اشوف متفاءل جاين يمشي الفين ويكبس يقوول انفهدز عني مامعي بريييك لاتكمل ......هاهههه
قلت ابشر بس لاتدف ....
*وابن لحيدان = امين لحود ...هاههه

**متفاائل** · 06-07-2004 04:23

هيضن متفاءل بهالدله الي هو سوى لبناخيه وعزيمته لوجيه الربع والربعات

قال ابو غازي لشقر البن خرمان***ورد متفاءل حاضرٍ وأمرك مطاع
أبشر وانا خالك بفنجال خولان***يغدي العماس ويبري فواد ملتاع
بأيسر صبابه في مصبٍ لشعبان***لاساح ظل الضلع في مسهل القاع
عزيمةٍ عمت سحالي وشهبان***ذولا على دله وذوليك نعناع
وين انت رايح يابن الاجواد يفلان***بالوصف ماراعيت وقتك والاوضاع
بردز بروحك منت بجبال لبنان***إترك خيالك وإرجع لنفسك بساع
أستروا ماواجهتوا ولا تنسون شعاركم;)<<الزعل ممنوع والعتب مرفوع[/QUOTE]
%%%%%%%%%%%%%%%%%%%%
الاصمعي صح لسانك

اهب يالمخاوي|505| الظاهر انك تستخدم او يعلمنك القرن الا هو نقز قران تاسع اولا ههههههه

الا الزعل هذا مايجوز بمجلس وديوانيه الفلة
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شبيت ناري شرقي الضلع زعلان = وزينت مايجلي عن الراس الاوجاع
فنجال بغدادية سود الاوجان = بظل الجبل ياوي بطحاء و ذعذاع
الربع شوفتهم ترى ماله أثمان = تنسى الهموم اللي براسك بمطلاع
ماهن سحالي كنهن جول غزلان= كم واحد قبلك هدر صار مطواع
لبنان حلوه وارض حائل لها شأن = اشري ترابه لو يبيعون بالصاع
من يسمعك يقول ياحيف بلشان= بالخط الاول يشتكي قل الافزاع
جامحت بايك شين ارخصت الاوطان= اسمع نصيحة صاحبك خل الاقلاع
ياقرد عينك صرت للربع نيشان = تبي تناطح لك مدافع بمقلاع
ترى الدهور ان حطتك نصب الاعيان= وقته تمنى تبلعك عنّه القاع [/poem]

صح لساني

**الاصمعي** · 06-07-2004 09:29

المخاوي صح لسانك وليتك مسكرٍ عليه الطريق راعي (جامحت بايك شين)

متفاءل:
شبيت ناري شرقي الضلـع زعـلان**وزينت مايجلي عن الراس الاوجـاع
فنجـال بغداديـة سـود الاوجــان**بظل الجبل ياوي بطحـاء و ذعـذاع
الربع شوفتهـم تـرى مالـه أثمـان**تنسى الهموم اللي براسـك بمطـلاع
ماهن سحالي كنهـن جـول غـزلان**كم واحد قبلك هـدر صـار مطـواع
لبنان حلوه وارض حائل لهـا شـأن**اشري ترابه لـو يبيعـون بالصـاع
من يسمعك يقـول ياحيـف بلشـان**بالخط الاول يشتكـي قـل الافـزاع
جامحت بايك شين ارخصت الاوطان**اسمع نصيحة صاحبك خل الاقـلاع
ياقرد عينك صـرت للربـع نيشـان**تبـي تناطـح لـك مدافـع بمقـلاع
ترى الدهور ان حطتك نصب الاعيان**وقتـه تمنـى تبلعـك عنّـه القـاع

صح لسانك ملايين ، بس شكلك فيك عرق مطيري وين فريت السالفه وتبي تخليني للربع نيشان;)

الاصمعي:
[poem=font="Simplified Arabic,5,skyblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جاني جواب لعرب الأجداد طنيان=مستاهش الماخوذ يومي بالأصباع
فاهم غلط مدري به عريق مطران=ولا هذاتا طبعهم دوم سرّاع
وذكرت بيتٍ سابق لذرب الأيمان=بيتٍ لأخو نوره على الألسنه شاع
(أنا على لانٍ وربعي على لان) =متخالفين الراي والهم وأطباع
لا تحسب اني لدار لبنان شفقان=وأذم دار الي لهم بالصخا باع
متفاءل أركد وإقرها زين من شان=ماتاخذن طفحه بمجداف وشراع
قصدي إختلاف الوضع وسلوم عربان=وشيّن يجوز! وهاهنا ماله أسناع
وأنته ذهين وتفهمه دون لا يبان=تفصيل يطفي جذوة المزح لا ذاع
يا اصحابنا بأعلن محبتكم إعلان=وتقديركم ياشلة الأُنس وإمتاع[/poem]
جاني جواب لعرب الأجداد طنيان**مستاهش الماخوذ يومي بالأصباع
فاهم غلط مدري به عريق مطران**ولا هذاتا طبعهم دوم سرّاع
وذكرت بيتٍ سابق لذرب الأيمان**بيتٍ لأخو نوره على الألسنه شاع
(أنا على لانٍ وربعي على لان) **متخالفين الراي والهم وأطباع
لا تحسب اني لدار لبنان شفقان**وأذم دار الي لهم بالصخا باع
متفاءل أركد وإقرها زين من شان**ماتاخذن طفحه بمجداف وشراع
قصدي إختلاف الوضع وسلوم عربان**وشيّن يجوز! وهاهنا ماله أسناع
وأنته ذهين وتفهمه دون لا يبان**تفصيل يطفي جذوة المزح لا ذاع
يا اصحابنا بأعلن محبتكم إعلان**وتقديركم ياشلة الأُنس وإمتاع;)<<لا حشا ماذليت أبداً

متفاءل نشوفك (انا والمخاوي) متصل البارح وتحوس حول الموضوع ولا نحسبك رديت، أثريك متولجن (بجامحت بايك شين) وأنا استانست قلت اغديه ذل<<تخبر التنسيق مايظهر عندنا وانا ماشفت ردك الا هالصبح والي نقلته وكتبت ردي بدون تنسيق على شان يقراه خال ابو غازي الآخر

سلام يا أهل الابداع

**المخاوي** · 06-07-2004 10:44

مدام الدعوى هلون ماودي اخفي عليكم باقي هالبويتات اللي انا كتبت يوم يجيني متفاءل مطسس وحدن ياما اطلعن عن الطريق:D >> الظاهر بنا عجله على قولت الاصمعي;)

(جامحت بايك شين)

[poem=font="Simplified Arabic,4,skyblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالاصمعي حياك لاصرت شفقان = لوجيه النشاما اللي صيتهم ذاع
تلقى الوالمه ومعها بريدزن مليان = والبكر يحوفها قرم الاولاد مناع
ولاطاب الكيف ابشر بذبايحن سمان = وعلومن تسر الضيف بكل اجتماع
وشجاب جبال طوني وابن لحيدان = لضلعان سلمى جيانها هن والتلاع
الضلعة السمراء لاشفتها والبال طربان = تسوىصيدا وشتوره وكل القلاع
يالاصمعي لاتغويك ديرة بنت مشعلان = اللي اودعت كبير القوم لها مرياع
مار اهزعه يالقرم لديرة كحيلان = ابو عمر نسل رجالن لهم طول باع
وخل السحالي عنك واقرب من بليهان = ابو غازي اللي خوته تشرى ولاتباع
وختامها يالله فكنا من شر شبيثان = عد ماحتسى شنقل ومالسع لساع [/poem]

الشبث- شنقل-لساع >>> الزعل ممنوع والعتب مرفوع
يالاصمعي حياك لاصرت شفقان = لوجيه النشاما اللي صيتهم ذاع
تلقى الوالمه ومعها بريدزن مليان = والبكر يحوفها قرم الاولاد مناع
ولاطاب الكيف ابشر بذبايحن سمان = وعلومن تسر الضيف بكل اجتماع
وشجاب جبال طوني وابن لحيدان = لضلعان سلمى جيانها هن والتلاع
الضلعة السمراء لاشفتها والبال طربان = تسوىصيدا وشتوره وكل القلاع
يالاصمعي لاتغويك ديرة بنت مشعلان = اللي اودعت كبير القوم لها مرياع
مار اهزعه يالقرم لديرة كحيلان = ابو عمر نسل رجالن لهم طول باع
وخل السحالي عنك واقرب من بليهان = ابو غازي اللي خوته تشرى ولاتباع
وختامها يالله فكنا من شر شبيثان = عد ماحتسى شنقل ومالسع لساع