للبنـــ خاص ـــــــــــــــات

[الموازن]

شعر عن البنات







يابنت ياللي للحضارة تنـــــــــادين





ودك على الموضة أبرمج مســـاري





يابنت قولي وضحي وش تريـــــدين



أفكارك السودا تثير انبهاري



يا بنت ليتك تفهمين وش تقولين



غروك واصبحت بجهلك تمــــــاري




تي شيرت وبلوزة وجنز وفساتين




وتنوره فيها غدى الساق عـــــاري




تنورة من ضيقها حيل تشكـــين




لبس تماريبه بقولة حضـــــــاري




وقصة فرنسية لشعرك تقصــين



متمنية لبوسي وفيفي تـــجاري



عاداتنا دستي عليها برجلــــــين



وعاداتهم صارت بعينك شعــاري



يابنت لايخدعك ناقص الدين



انصحك واردد حذاري حــــــــــذاري



عن درب مريم طلبتك لاتحيديـن



عن الشرف والدين يابــنت داري



لاتخدعك قولة برستيج تــدرين



أعدائنا يبونك نفس الجواريي



قولي لهم تخسون مانتم بكفوين



من دوننا تاقف سباع الصحــــاري



من دوننا تاقف رجال ســــــلاطين



أرواحهم ترخص بيوم الطـــواري



بناتنا من نسل ذات النطاقين



حضنهن القرآن عن كل طــــــــاري



يا بنت ياللي للبداوة تنــادين



يحق لي أفخر بمثلك وأمــــــــــاري



ملطووووش

[مجموعة إنسان]

.
اخوي الموازن

الف الف شكر على هاللطشه الرائعه

وياليت تكثر من لطشااااتك كانهن كذا

بس عاد ابي منك خدمه صغينونه

أبيك تلطش لنا اسم الشاعر لهذه القصيده .

تحياتي،

[الموازن]

عزيزي مجموعه انسان هذه القصيده جتني علي ايميلي والي الان وانا احاول اعرف منهو بس للاسف ماعرفت لانه جاني منقول عن منقول وهلما جرا.... بس اول ماشفته قلت هذي لازم تكون حليه جديده في منتدانا العزيز ...وشكرا اخوي مجموعه انسان

اخوك/الموازن

[المهاة]

تسلم أخوي الموزان و صح لسان القايل ..


أبشر بقولهم تخسون مانتوا كفوا .. لكن من يقولها لشبابنا اللي تغيرت عندهم المقاييس اليوم و مايبي الا وحدة مكياجها و لبسها لبناني .


أخوي اللبس و التسريحات هذي بابها واسع و الذائقات تتجدد فيها دائما بحسب ثقافة المجتمعات و ما يوجهها . ( في حدود الشرع طبعا ) فما كان مسنكرا سابقا نجده الان شائعا و مستساغا ..


فمقاييس الجمال و الاناقة ليست ثابته ففي السابق كان ينظر للبدينة انها رمز الجمال لكن اليوم اذا ماتكون مثل عارضات الازياء ماتصير حلوة ..!!

الله يستر علينا في الدنيا و الاخرة و يثبتنا على طاعته .